កីឡាជាតិ
ជាតិ
AFF U22៖ វៀតណាម និងថៃ បាន៣ពិន្ទុរៀងៗខ្លួនក្នុងជំនួបបើកឆាកពូល A ជំនួបរវាងវៀតណាម (ក្រហម) និងហ្វីលីពីន (ស) កាលពីថ្ងៃទី១៧ ខែកុម្ភៈ។ រូបថត FFC
× ក្រុមកីឡាបាល់ទាត់យុវជនជម្រើសជាតិអាយុក្រោម២២ឆ្នាំវៀតណាម និងថៃ សុទ្ធតែបានទទួលជ័យជម្នះរៀងៗខ្លួនក្នុងការប្រកួតបើកឆាកពូល A នៃព្រឹត្តិការណ៍ AFF U22 Championship នៅពហុកីឡដ្ឋានជាតិអូឡាំពិក កាលពីថ្ងៃទី១៧ ខែកុម្ភៈ ឆ្នាំ២០១៩។
វៀតណាម ឡើងឈរលើកំពូលតារាងបណ្តោះអាសន្ន ក្រោយយកឈ្នះ ហ្វីលីពីន ២-១ ក្នុងការប្រកួតដែលមានលោក ឃួន វីរៈ ជាអាជ្ញាកណ្តាល។ Jeremiah Chabon Borlongan រកបានគ្រាប់បាល់នាំមុខនៅនាទី៥១ ខណៈពីរគ្រាប់វាយបកសម្រាប់វៀតណាម រកបានដោយកីឡាករបម្រុងទាំងពីររូប គឺ Tran Danh Trung នៅនាទី៧៤ និង Le Minh Binh នៅនាទី៧៨។
សម្រាប់ការប្រកួតបន្ទាប់ ខ្សែការពារ Saringkan Promsupa និងជាប្រធានក្រុមផងដែរនោះ រកបានគ្រាប់បាល់បញ្ចូលទីនៅដើមតង់ទីពីរ ដើម្បីនាំថៃ ឈ្នះទីម័រខាងកើត ១-០ នាជំនួបបើកឆាកក្នុងពូល A ដូចគ្នាផងដែរ។
ក្រុមពូល A ត្រូវប្រកួតលើកទីពីរនាថ្ងៃអង្គារ ទី១៩ ខែកុម្ភៈ ដោយហ្វីលីពីន ត្រូវតទល់ជាមួយថៃ មុនពេលដែលទីម័រខាងកើត ប្រឹងប្រជែងយក៣ពិន្ទុពីវៀតណាម៕
© រក្សាសិទ្ធិដោយ thmeythmey.com