កីឡាជាតិ
ជាតិ
AFF U-22៖ កម្ពុជាស្វាគមន៍ ម៉ាឡេស៊ី ខណៈ មីយ៉ាន់ម៉ា តទល់នឹងឥណ្ឌូណេស៊ី U22 កម្ពុជា អំឡុងពេលហ្វឹកហាត់។ រូបភាពពីសហព័ន្ធកីឡាបាល់ទាត់កម្ពុជា
× ក្រុមកីឡាបាល់ទាត់យុវជនជម្រើសជាតិកម្ពុជាអាយុក្រោម២២ឆ្នាំ ត្រូវតទល់ជាមួយ U-22 ម៉ាឡេស៊ី នាជំនួបបើកឆាកពូល B ពានរង្វាន់ AFF U22 LG Cup 2019 នៅពហុកីឡដ្ឋានជាតិអូឡាំពិក នៅល្ងាចថ្ងៃទី១៨ ខែកុម្ភៈ ឆ្នាំ២០១៩ នេះ វេលាម៉ោង ៦:៣០នាទី។
ព្រឹត្តិការណ៍ AFF U22 Championship 2019 ដែលកម្ពុជាទទួលសិទ្ធិធ្វើម្ចាស់ផ្ទះនេះ គឺពួកគេស្ថិតនៅក្នុងពូលជាមួយក្រុមខ្លាំងៗដូចជា ម៉ាឡេស៊ី, មីយ៉ាន់ម៉ា និងឥណ្ឌូនេស៊ី។ ជំនួបរវាងកម្ពុជា និងម៉ាឡេស៊ីនេះធ្វើឡើងនៅក្រោយការប៉ះគ្នារវាងមីយ៉ាន់ម៉ា និង ឥណ្ឌូណេស៊ីដែលចាប់ផ្តើមការប្រកួតនៅម៉ោង ៣:៣០ នាទីរសៀល សម្រាប់វគ្គសន្សំពិន្ទុពូល B។
នៅមុនការជួបគ្នាទាំង៤ក្រុមនៅថ្ងៃនេះ ក៏មានការប្រកួត២គូរួចមកហើយដែនៅថ្ងៃម្សិលមិញសម្រាប់ជំនួបបើកឆាកពូល A ដែលក្នុងនោះ U-22 វៀតណាមបានយកឈ្នះ ហ្វីលីពីន ២-១ ហើយ ថៃយកឈ្នះទីម័រខាងកើត ១-០។ វៀតណាម ឈរលើកំពូលតារាងពូល A បណ្តោះអាសន្នដ្បិតរកបាន២គ្រាប់ បើទោះរបូត១គ្រាប់ក៏ដោយ៕
© រក្សាសិទ្ធិដោយ thmeythmey.com