ពីនេះ ពីនោះ
ព័ត៍មានសុខភាព
ស្មានមិនដល់សោះថា “ទឹកឃ្មុំលាយគ្រាប់ល្ង” ដោះស្រាយបញ្ហាសុខភាពបានច្រើនយ៉ាងនេះ
×![]()
ដោយ: ថ្មីៗ
ភាគច្រើននៃពួកយើងសុទ្ធតែធ្លាប់បានដឹងអំពីអត្ថប្រយោជន៍ដ៏ប្រសើរនៃទឹកឃ្មុំ និងគ្រាប់ល្ងចំពោះសុខភាព ប៉ុន្តែប្រហែលជាមិនបានចាប់អារម្មណ៍ដឹងទេថា ប្រសិនបើអ្នកប្រើប្រាស់វាលាយជាមួយគ្នានឹងអាចបង្កើនប្រសិទ្ធិភាពកាន់តែអស្ចារ្យ ។ ល្បាយទឹកឃ្មុំលាយគ្រាប់ល្ងមានផ្ទុកសម្បូរទៅដោយសារធាតុចញ្ចឹមសំខាន់ៗ រួមបញ្ចូលទាំងវីតាមីន A, វីតាមីន B, វីតាមីន E, អាស៊ីតខ្លាញ់អូមេហ្គា ៣ និងអាស៊ីតខ្លាញ់អូមេហ្គា ៦។ ល្បាយទឹកឃ្មុំគ្រាប់ល្ង មិនត្រឹមតែមានរសជាតិឆ្ងាញ់ផ្អែមឈ្ងុយប៉ុណ្ណោះទេ ប៉ុន្តែក៏អាចជួយព្យាបាលដោះស្រាយបញ្ហាសុខភាពមួយចំនួនបានយ៉ាងប្រសើរផងដែរ។ 
ខាងក្រោមនេះយើង នឹងបង្ហាញឱ្យដឹងពីអត្ថប្រយោជន៍នៃល្បាយទឹកឃ្មុំគ្រាប់ល្ងចំពោះសុខភាព៖
១. បង្កើនពង្រឹងប្រព័ន្ធភាពស៊ាំរាងកាយ
២. កាត់បន្ថយចំណង់ឃ្លានអាហារផ្អែមៗខ្លាំង
៣. បំបាត់អាការៈឈឺចាប់ក្នុងពោះ
៤. ដោះស្រាយបញ្ហាជំងឺក្រពះពោះវៀន រួមបញ្ចូលទាំងអាការៈរលាកដំបៅពោះវៀន និងជំងឺរលាកក្រពះ
៥. បង្កើនសុខភាពឆ្អឹង
៦. កាត់បន្ថយការឈឺចាប់សន្លាក់
៧. បង្កើនការចងចាំ ក៏ដូចជាសកម្មភាពផ្លូវចិត្ត រួមទាំងសមត្ថភាពក្នុងការផ្ដោតអារម្មណ៍ និងប្រតិកម្មតបត
៨. បង្កើនសុខភាពស្បែក
៩. បញ្ឈប់ ក៏ដូចជាទប់ស្កាត់បញ្ហាជ្រុះសក់ និងបញ្ហាសក់ផ្សេងៗទៀត
១០. ជួយអោយស្រកទម្ងន់ ជៀសផុតពីជំងឺធាត់ជ្រុល
១១. ដោះស្រាយ ក៏ដូចជាបង្កើនសុខភាពផ្លូវដង្ហើម
១២. បង្កើនថាមពលរាងកាយ ដោះស្រាយបញ្ហាអស់កម្លាំងរ៉ាំរ៉ៃ និងទប់ស្កាត់ភាពប្រែប្រួលឡើងចុះភ្លាមៗនៃអារម្មណ៍
១៣. ជាឱសថដ៏ប្រសិទ្ធិភាពព្យាបាលជំងឺផ្ដាសាយ ឬគ្រុនផ្ដាសាយ។
មានរូបមន្តច្រើនណាស់ដែលអ្នកអាចរួមបញ្ចូលទឹកឃ្មុំ និងគ្រាប់ល្ងក្នុងអាហារ។ ប៉ុន្តែប្រសិនបើអ្នកទើបនឹងចាប់ផ្ដើមទទួលទាន ចូរសាកល្បងរូបមន្តដ៏ងាយនេះ ដោយគ្រាន់តែលាយទឹកឃ្មុំ ១ ស្លាបព្រាបាយ ជាមួយគ្រាប់ល្ង ១ ស្លាបព្រាបាយ ឬក្នុងបរិមាណស្មើគ្នា។ អ្វីដែលអ្នកត្រូវធ្វើបន្ត គឺលាយទឹកឃ្មុំ និងគ្រាប់ល្ងចូលគ្នា រួចកូរឱ្យសព្វ សឹមទទួលទាន ១ ដង ក្នុងមួយថ្ងៃនៅមុនពេលអ្នកទទួលទានអាហារពេលព្រឹក។ អ្នកក៏អាចធ្វើល្បាយនេះច្រើន ហើយទុកទទួលទានបានដល់ទៅ ២-៣ សប្តាហ៍ ដោយដាក់ល្បាយដែលលាយរួចក្នុងក្រឡមានគ្របបិទជិត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
