រថយន្ត
អន្តរជាតិ
ស្ត្រីឥណ្ឌាម្នាក់សាករថយន្តដែលខ្លួនចង់ទិញ តែជ្រុលចង្កូតបុកកញ្ចក់ហើយធ្លាយទៅក្រៅ
×![]()
ដោយ: ធីតា
ស្ត្រីម្នាក់បានទៅទីតាំងលក់រថយន្តមួយកន្លែងនៅក្រុង Mandi រដ្ឋ Himachal Pradesh ភាគខាងជើងនៃប្រទេសឥណ្ឌា។ ស្ត្រីនោះ ចាប់អារម្មណ៍ចង់ទិញរថយន្តមួយ ប៉ុន្តែគាត់បែរជាត្រូវទូទាត់លុយលើតម្លៃកញ្ចក់ដែលគាត់បានបើកបុកទៅវិញ។
ការផ្សាយរបស់ Gaadi Waadi ដោយតាមរូបភាពវីដេអូ បានបង្ហាញឲ្យឃើញថា ស្ត្រីរូបនេះ ចាប់អារម្មណ៍រថយន្តមួយគ្រឿង ហើយគាត់បានចូលអង្គុយ និងបញ្ឆេះម៉ាស៊ីនសាកល្បង។ ពេលនោះ ស្រាប់តែគាត់ច្រឡំជាន់ហ្គ្រែរ បណ្តាលឲ្យរថយន្តជ្រុលទៅបុកកញ្ចក់ធ្លាយទៅខាងក្រៅ ហើយបន្តទៅបុករថយន្តមួយគ្រឿងទៀតដែលនៅចតខាងក្រៅ។
តាមរូបភាពវីដេអូ មនុស្សជាច្រើននាក់ បានគេចផុតពីគ្រោះថ្នាក់ដ៏មិននឹកស្មានដល់នេះ។ សារព័ត៌មានឥណ្ឌា បានផ្សព្វផ្សាយឲ្យដឹងថា ស្ត្រីរូបនោះ ត្រូវចំណាយលុយសងការខូចខាតអស់ជិត៧០០០ដុល្លារអាមេរិក ដោយជិតស្មើពាក់កណ្តាលនឹងតម្លៃរថយន្តដែលខ្លួនចង់ទិញ។
អ្នកប្រើប្រាស់បណ្តាញសង្គមមួយចំនួនបានលើកឡើងថា ការលើកកម្ពស់ស្ត្រីក្នុងការបើកបរជារឿងសំខាន់ ប៉ុន្តែអ្វីដែលសំខាន់ជាងនេះទៀត ម្ចាស់ហាងរថយន្តគួរតែសួរបញ្ជាក់ឲ្យបានច្បាស់ទៅកាន់អតិថិជនរបស់ខ្លួនទាក់ទងនឹងប្រវត្តិនៃការបើកបររបស់ពួកគេ ដើម្បីជៀសវាងរឿងរ៉ាវបែបនេះកើតឡើង៕
© រក្សាសិទ្ធិដោយ thmeythmey.com
