ជាតិ
បទយកការណ៍ / បទសម្ភាសន៍
បទសម្ភាសន៍
រថយន្ត
វីដេអូ
២៥ខេត្ត/រាជធានី
ខ្មែរបុរាណជឿលើការយក«ឆ្អឹងសាកសពនិងអង្កាំ»ដាក់ក្នុងពាង កាលពី៥០០ឆ្នាំមុននៅជីផាត [ភាគ៣]
× កោះកុង(ជីផាត)៖ នៅតំបន់ការពារបុរាណស្ថានភ្នំប៉ែលដែលមានចម្ងាយ២២គីឡូម៉ែត្រ ពីសហគមន៍អេកូទេសចរណ៍ជីផាត មានពាងបុរាណអាយុកាលប្រមាណ ៥០០ឆ្នាំ។ ពាងបុរាណនៅទីនេះ ត្រូវបានគេដាក់នៅលើប្រហោងផ្ទាំងថ្ម ក្នុងព្រៃជ្រៅនាភ្នំប៉ែល ដែលស្ថិតនៅជួរភ្នំក្រវាញនៃស្រុកថ្មាំង ខេត្តកោះកុង។ បើតាមលោក ទុយ វណ្ណៈ មគ្គទេសក៍ទេសចរនៅសហគមន៍អេកូទេសចរណ៍ជីផាត ក្នុងពាងបុរាណនោះ ត្រូវបានប្រជាពលរដ្ឋខ្មែរកាលពីជំនាន់មុន យកអង្កាំ និងឆ្អឹងសាកសពដែលសល់ពីសត្វក្នុងព្រៃស៊ី មកដាក់តម្កល់នៅក្នុងពាងទាំងនោះ ដោយមានជំនឿតាមសាសនា និងប្រពៃណីរបស់ពួកគាត់។
ដើម្បីជ្រាបច្បាស់ សូមអញ្ជើញទស្សនាកិច្ចសម្ភាសរវាងកញ្ញា ញឹក ស្រីល័ក្ខ អ្នកសារព័ត៌មាន ThmeyThmey ជាមួយលោក ទុយ វណ្ណៈ មគ្គទេសក៍ទេសចរនៅសហគមន៍អេកូទេសចរណ៍ជីផាត ជុំវិញកំណប់អាថ៌កំបាំងពាងបុរាណនេះដូចតទៅ៖
នៅថ្ងៃទី ១៨-២០ កុម្ភៈកន្លងទៅ ក្រុមការងារនៃកម្មវិធី «Mercedes-Benz និងកំណប់អាថ៌កំបាំង» បានធ្វើដំណើរទៅជីកកកាយកំណប់អាថ៌កំបាំងនៅសហគមន៍អេកូទេសចរណ៍ជីផាត ដែលស្ថិតនៅក្នុងស្រុកថ្មបាំង ខេត្តកោះកុង។ រយៈពេល ៣ថ្ងៃ នៃបេសកកម្មលើកទី ៤នេះ ក្រុមការងារបានទៅទស្សនា និងឈ្វេងយល់នៅតំបន់ទេសចរណ៍មួយចំនួនដូចជា ទស្សនាពាង និងមឈូសបុរាណ, ការកម្សាន្តជិះទូកមើលសត្វស្លាប, មើលថ្ងៃលិច និងចាក់បង្កងនាព្រែកសមុទ្រជាដើម។
សូមបញ្ជាក់ថា កម្មវិធី «Mercedes-Benz និងកំណប់អាថ៌កំបាំង» ផ្តួចផ្តើមឡើងដោយក្រុមហ៊ុន Star Auto Cambodia សហការជាមួយសារព័ត៌មានអេឡិចត្រូនិក ThmeyThmey.com និង Fresh News និងគាំទ្រដោយក្រសួងទេចរណ៍ ដើម្បីចូលរួមលើកកម្ពស់វិស័យទេសចរណ៍នៅទូទាំងកម្ពុជា ស្វែងរក និងគាស់កកាយតំបន់ទេសចរណ៍ ដែលគេមិនសូវស្គាល់តំបន់ទេសចរណ៍សក្តានុពល ដែលត្រូវគេមើលរំលង, ពង្រីកសក្តានុពលតំបន់ទេសចរណ៍ដែលមានស្រាប់ឲ្យកាន់តែមានសកម្មភាពរស់រវើក និងផ្សព្វផ្សាយតំបន់ទេសចរណ៍ទាំងនោះឲ្យកាត់តែល្បីល្បាញមួយកម្រិតទៀត៕
© រក្សាសិទ្ធិដោយ thmeythmey.com