​

បទ កាកគតិ​
 

-​គ្រាប់​ក្រួស​គ្រាប់​ខ្សាច់​ ​បើតាម​សម្តេច​ ​ ​ត្រូវតែ​កម្ចាត់​

 ​តាម​អភិក្រម​ ​       ប្រាំ​ចំ «​វះកាត់​»​ ​ ​មន្ត្រី​ប្រយ័ត្ន​

 ​កុំ​ស្ងាត់​ដេក​ស្ងាប​។​

 

-​កុំ​កេងប្រវ័ញ្ច​ ​        ស៊ី​ទ្រព្យ​ជាតិ​ឆ្ងាញ់​ ​         ក្រែង​ចាញ់​បាក់​ស្លាប​

​ ឈប់​ធ្វើ​កន្តើយ​ ​        លោក​អើយ​ខ្មាស​បាប​  ​ឲ្យ​ជាតិ​ដុនដាប​

​ ឆ្អេះឆ្អាប​អាស្រូវ​។​

 

-​កុំ​អាង​បុណ្យស័ក្តិ​ ​        ដើរ​បាញ់​កាប់​ចាក់​ ​        ធាក់​គេ​តាមផ្លូវ​

 ប្រមាថ​ជីវិត​ ​        មិន​គិត​ខុសត្រូវ​ ​ ​នាំ​រឿងអាស្រូវ​

 ​បិទផ្លូវ​ខ្លួនឯង​។​

 

-​រួមគ្នា​ជួយ​ជាតិ​  ​        កុំ​ប្រឹង​ប្រើ​ស្នៀត​ ​ ​លួចជាតិ​ឥត​ក្រែង​

​ លុយ​ជាតិ​មិន​ឆ្ងាញ់​ ​ក្រោយ​ចាញ់​ជាក់ស្តែង​ ​ខ្លះ​គ្មាន​កន្លែង​

 ​ចំបែង​ដេក​គុក​។​

 

-​រាស្ត្រ​រួមគ្នា​ស្អប់​ ​         ជីវិត​បញ្ចប់​ ​               ធុញថប់​កើតទុក្ខ​

 ​នេះ​ហៅថា​កម្ម​ ​         មិន​ចាំជាតិ​មុខ​        ​ឈ្មោះ​ស្អុយគគ្រុក​

 ​បាត់​មុខ​អស់​កេរ្តិ៍​៕​ ​ ​ ​

​