សុខភាព
អន្តរជាតិ
×![]()
ដោយ: ធីតា
អេស្ប៉ាញដណ្តើមតំណែងពីអ៊ីតាលីក្នុងនាមជាប្រទេសដែលសំបូរមានសុខភាពល្អជាងគេលើលោក។ នេះបើតាមសន្ទស្សន៍ Healthiest Country Index ប្រចាំឆ្នាំ២០១៩របស់សារព័ត៌មាន Bloomberg។ អេស្ប៉ាញបានលេខពីចំណាត់ថ្នាក់លេខ៦នៅឆ្នាំ២០១៧ ស្របពេលដែលអ៊ីតាលី និងអ៊ីស្លង់ធ្លាក់ទៅលេខ២ និងលេខ៣ រីឯជប៉ុនឡើងពីលេខ៧មកលេខ៤។
សន្ទស្សន៍ Bloomberg Healthiest Country Index ផ្អែកលើកត្តាជាច្រើនក្នុងនោះមានដូចជាសេវាកម្មសុខាភិបាល អាយុកាលមធ្យម បរិស្ថានជុំវិញ របបអាហារ ទឹកស្អាត អនាម័យ ក៏ដូចជាកត្តាដែលបង្កគ្រោះថ្នាក់ និងការលើសទម្ងន់ ជាដើម។
នៅឆ្នាំ២០៤០ ខាងមុខ អេស្ប៉ាញត្រូវបានព្យាករថា មានអាយុក្រោមមធ្យមរហូតដល់៨៦ឆ្នាំ ដោយនាំមុខជប៉ុន សិង្ហបុរី និងស្វីស។ នេះបើតាមការបញ្ជាក់របស់វិទ្យាស្ថានសម្រាប់ការវាយតម្លៃសុខភាពរបស់សាកលវិទ្យាល័យវ៉ាស៊ីនតោន។
ប្រទេស Top 20 នៅក្នុងសន្ទស្សន៍ Bloomberg Healthiest Country Index ឆ្នាំ២០១៩ រួមមាន៖ អេស្ប៉ាញ អ៊ីតាលី អ៊ីស្លង់ ជប៉ុន ស្វីស ស៊ុយអែត អូស្ត្រាលី សិង្ហបុរី ន័រវេស អ៊ីស្រាអែល លុចសំបួ បារាំង អូទ្រីស ហ្វាំងឡង់ ហូឡង់ កាណាដា កូរ៉េខាងត្បូង នូវែលសេឡង់ ចក្រភពអង់គ្លេស និងអៀរឡង់។
សម្រាប់ផ្នែកសុខភាពនេះ ប្រទេសមហាអំណាចពិភពលោក សហរដ្ឋអាមេរិក ស្ថិតនៅចំណាត់ថ្នាក់លេខ៣៥ ខណៈចិន ស្ថិតនៅលេខ៥២។ ករណីធ្លាក់ចំណាត់ថ្នាក់របស់អាមេរិក ដោយសារតែមានកំណើនមរណភាពដោយសារប្រតិកម្មថ្នាំលើសកម្រិត និងអត្តឃាត។
ក្នុងចំណោមប្រទេសទាំង១៦៩ ដែលស្ថិតក្រោមការវាយតម្លៃរបស់ Bloomberg បណ្តារដ្ឋនៅទ្វីបអាហ្វ្រិក មានបញ្ហាសុខភាពច្រើនជាងគេ ហើយក្រៅពីនេះមាន ហៃទី អាហ្វហ្គានីស្ថាន និងយ៉េមែន ជាដើម៕
Tag:
Healthiest Country Index
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
