កីឡាជាតិ
ជាតិ
លោក Felix ប្រាប់ពីមូលហេតុជ្រើសរើស U22 ប្រកួតជាមួយជម្រើសជាតិបង់ក្លាដែស
លោក Felix Dalmas និយាយក្នុងសន្និសីទសារព័ត៌មានកាលពីព្រឹកថ្ងៃ៨ ខែមីនា ឆ្នាំ២០១៩, រូបភាពពី FFC
×![]()
គ្រូបង្វឹកក្រុមជម្រើសជាតិកម្ពុជាលោក Felix Dalmas បានបង្កើតភាពងឿងឆ្ងល់ដល់អ្នកគាំទ្រកីឡាបាល់ទាត់កម្ពុជា តាមរយៈការជ្រើសរើសក្រុមយុវជនអាយុក្រោម២២ឆ្នាំ ឲ្យប្រកួតមិត្តភាពអន្តរជាតិជាមួយក្រុមជម្រើសជាតិបង់ក្លាដែស។ សម្រាប់ លោក Felix ការជ្រើសរើសនេះ គឺដើម្បីធ្វើតេស្តសមត្ថភាព និងផ្តល់បទពិសោធដល់យុវជន សម្រាប់ត្រៀមការប្រកួតវគ្គជម្រុះ AFC U23 Championship ក្នុងពូល H ដែលកម្ពុជាធ្វើម្ចាស់ផ្ទះ។
ក្រុមកីឡាបាល់ទាត់ជម្រើសជាតិកម្ពុជា ត្រូវប្រកួតមិត្តភាពអន្តរជាតិជាមួយក្រុមជម្រើសជាតិបង់ក្លាដែល នៅថ្ងៃទី៩ ខែមីនា ឆ្នាំ២០១៩ នាពហុកីឡដ្ឋានជាតិ។ សម្រាប់ការប្រកួតនេះដែរ លោក Felix Dalmas គ្រូបង្វឹកក្រុមជម្រើសជាតិកម្ពុជាបានសម្រេចជ្រើសរើសតែយុវជនអាយុក្រោម២២ឆ្នាំតែប៉ុណ្ណោះ។ ការណ៍នេះបង្កឲ្យមហាជន ពិសេសអ្នកគាំទ្រកីឡាបាល់មួយចំនួនមានការងឿងឆ្ងល់យ៉ាងខ្លាំង ហើយក៏មានអ្នកខ្លះរិះគន់ចំពោះការជ្រើសរើសនេះផងដែរ។
ពាក់ព័ន្ធបញ្ហានេះគ្រូបង្វឹកជនជាតិប្រេស៊ីលខាងលើបានបកស្រាយថា នេះជាការសម្រេចរួមគ្នារវាង លោក និងថ្នាក់ដឹកនាំសហព័ន្ធកីឡាបាល់ទាត់កម្ពុជា ក្នុងគោលបំណងចង់ឲ្យយុវជនទទួលបានបទពិសោធថ្មីៗ ដើម្បីអភិវឌ្ឍសមត្ថភាពរបស់ពួកគេឲ្យកាន់តែប្រសើរថែមទៀត។ ម្យ៉ាងទៀត លោកចង់ធ្វើតេស្ត ក៏ដូចជាពង្រឹងបច្ចេកទេសក្រុមយុវជន សម្រាប់ត្រៀមការប្រកួតវគ្គជម្រុះពានរង្វាន់ AFC U23 Championship ដែលកម្ពុជាធ្វើម្ចាស់ផ្តះពូល H ចន្លោះពីថ្ងៃទី២៤-២៦ ខែមីនា ឆ្នាំ២០១៩។ សម្រាប់ការប្រកួតនេះដែរ កម្ពុជាស្ថិតនៅជាមួយអូស្ត្រាលី កូរ៉េខាងត្បូង និងឆាយនីសតៃប៉ិ។
«យើងក្រឡេកទៅមើលការប្រកួតចុងក្រោយជាមួយក្រុមជម្រើសជាតិវៀតណាមក្នុងពានរង្វាន់ AFF Suzuki Cup កាលពីពេលកន្លងទៅ ខ្ញុំបានជ្រើសរើសយុវជនជាច្រើនឲ្យចូលរួមជាមួយក្រុមជម្រើសជាតិ។ ដូច្នេះការជ្រើសរើសលើកនេះ គឺខ្ញុំចង់ផ្តល់បទពិសោធដល់យុវជន ព្រោះខ្ញុំគិតថា កីឡាករអាចរីកចម្រើនបាន គឺត្រូវផ្តល់ឱកាសឲ្យពួកគេ។ ខ្ញុំជឿជាក់លើពួកគេ ហើយខ្ញុំសង្ឃឹមថា ពួកគេនឹងអាចស្វែងរកផ្លូវមួយដ៏ល្អក្នុងការពង្រឹងសមត្ថភាព»។ ការលើកឡើងបែបនេះរបស់លោក Felix Dalmas ធ្វើឡើងក្នុងសន្និសីទសារព័ត៌មាននៅថ្ងៃទី៨ ខែមីនា ឆ្នាំ២០១៩នេះ នាសណ្ឋាគារភ្នំពេញ។
គ្រូបង្វឹករូបនេះបានបន្ថែមថា៖«កីឡាករមុនៗមានគុណភាពប្រយុទ្ធល្អ ដោយសារពួកគេមានបទពិសោធច្រើន។ កត្តានេះហើយយើងត្រូវទាមទារផ្តល់ឱកាសឲ្យយុវជនដូចគ្នា ដើម្បីពួកគេទទួលបានបទពិសោធថ្មីៗដើម្បីអភិវឌ្ឍន៍សមត្ថភាព និងធ្វើបានល្អនៅថ្ងៃអនាគត។ បើនិយាយពីរឿងកោះហៅកីឡាករដូចជា ចាន់ វឌ្ឍនាកា យើងមានការលំបាក ដោយសារអំឡុងប្រកួតមិនមែនជាថ្ងៃ FIFA Day»។
ទោះបីក្រុមជម្រើសជាតិកម្ពុជាសម្បូរដោយយុវជនក្តី លោក Felix នៅតែរំពឹងថា កូនក្រុមលោកនឹងធ្វើបានល្អ ដោយមិនធ្វើឲ្យអ្នកគាំទ្រខកបំណងនោះឡើយ សម្រាប់ជំនួបដ៏តានតឹងជាមួយបង់ក្លាដែសនេះ។ ហើយ លោករំពឹងថា អ្នកគាំទ្រនឹងនាំគ្នាទៅគាំទ្រយ៉ាងកុះករនៅពហុកីឡដ្ឋានជាតិអូឡាំពិក ដើម្បីលើកទឹកចិត្តក្រុមជម្រើសជាតិកម្ពុជា៕
ក្រុមកីឡាបាល់ទាត់ជម្រើសជាតិកម្ពុជា ត្រូវប្រកួតមិត្តភាពអន្តរជាតិជាមួយក្រុមជម្រើសជាតិបង់ក្លាដែល នៅថ្ងៃទី៩ ខែមីនា ឆ្នាំ២០១៩ នាពហុកីឡដ្ឋានជាតិ។ សម្រាប់ការប្រកួតនេះដែរ លោក Felix Dalmas គ្រូបង្វឹកក្រុមជម្រើសជាតិកម្ពុជាបានសម្រេចជ្រើសរើសតែយុវជនអាយុក្រោម២២ឆ្នាំតែប៉ុណ្ណោះ។ ការណ៍នេះបង្កឲ្យមហាជន ពិសេសអ្នកគាំទ្រកីឡាបាល់មួយចំនួនមានការងឿងឆ្ងល់យ៉ាងខ្លាំង ហើយក៏មានអ្នកខ្លះរិះគន់ចំពោះការជ្រើសរើសនេះផងដែរ។
ពាក់ព័ន្ធបញ្ហានេះគ្រូបង្វឹកជនជាតិប្រេស៊ីលខាងលើបានបកស្រាយថា នេះជាការសម្រេចរួមគ្នារវាង លោក និងថ្នាក់ដឹកនាំសហព័ន្ធកីឡាបាល់ទាត់កម្ពុជា ក្នុងគោលបំណងចង់ឲ្យយុវជនទទួលបានបទពិសោធថ្មីៗ ដើម្បីអភិវឌ្ឍសមត្ថភាពរបស់ពួកគេឲ្យកាន់តែប្រសើរថែមទៀត។ ម្យ៉ាងទៀត លោកចង់ធ្វើតេស្ត ក៏ដូចជាពង្រឹងបច្ចេកទេសក្រុមយុវជន សម្រាប់ត្រៀមការប្រកួតវគ្គជម្រុះពានរង្វាន់ AFC U23 Championship ដែលកម្ពុជាធ្វើម្ចាស់ផ្តះពូល H ចន្លោះពីថ្ងៃទី២៤-២៦ ខែមីនា ឆ្នាំ២០១៩។ សម្រាប់ការប្រកួតនេះដែរ កម្ពុជាស្ថិតនៅជាមួយអូស្ត្រាលី កូរ៉េខាងត្បូង និងឆាយនីសតៃប៉ិ។
«យើងក្រឡេកទៅមើលការប្រកួតចុងក្រោយជាមួយក្រុមជម្រើសជាតិវៀតណាមក្នុងពានរង្វាន់ AFF Suzuki Cup កាលពីពេលកន្លងទៅ ខ្ញុំបានជ្រើសរើសយុវជនជាច្រើនឲ្យចូលរួមជាមួយក្រុមជម្រើសជាតិ។ ដូច្នេះការជ្រើសរើសលើកនេះ គឺខ្ញុំចង់ផ្តល់បទពិសោធដល់យុវជន ព្រោះខ្ញុំគិតថា កីឡាករអាចរីកចម្រើនបាន គឺត្រូវផ្តល់ឱកាសឲ្យពួកគេ។ ខ្ញុំជឿជាក់លើពួកគេ ហើយខ្ញុំសង្ឃឹមថា ពួកគេនឹងអាចស្វែងរកផ្លូវមួយដ៏ល្អក្នុងការពង្រឹងសមត្ថភាព»។ ការលើកឡើងបែបនេះរបស់លោក Felix Dalmas ធ្វើឡើងក្នុងសន្និសីទសារព័ត៌មាននៅថ្ងៃទី៨ ខែមីនា ឆ្នាំ២០១៩នេះ នាសណ្ឋាគារភ្នំពេញ។
គ្រូបង្វឹករូបនេះបានបន្ថែមថា៖«កីឡាករមុនៗមានគុណភាពប្រយុទ្ធល្អ ដោយសារពួកគេមានបទពិសោធច្រើន។ កត្តានេះហើយយើងត្រូវទាមទារផ្តល់ឱកាសឲ្យយុវជនដូចគ្នា ដើម្បីពួកគេទទួលបានបទពិសោធថ្មីៗដើម្បីអភិវឌ្ឍន៍សមត្ថភាព និងធ្វើបានល្អនៅថ្ងៃអនាគត។ បើនិយាយពីរឿងកោះហៅកីឡាករដូចជា ចាន់ វឌ្ឍនាកា យើងមានការលំបាក ដោយសារអំឡុងប្រកួតមិនមែនជាថ្ងៃ FIFA Day»។
ទោះបីក្រុមជម្រើសជាតិកម្ពុជាសម្បូរដោយយុវជនក្តី លោក Felix នៅតែរំពឹងថា កូនក្រុមលោកនឹងធ្វើបានល្អ ដោយមិនធ្វើឲ្យអ្នកគាំទ្រខកបំណងនោះឡើយ សម្រាប់ជំនួបដ៏តានតឹងជាមួយបង់ក្លាដែសនេះ។ ហើយ លោករំពឹងថា អ្នកគាំទ្រនឹងនាំគ្នាទៅគាំទ្រយ៉ាងកុះករនៅពហុកីឡដ្ឋានជាតិអូឡាំពិក ដើម្បីលើកទឹកចិត្តក្រុមជម្រើសជាតិកម្ពុជា៕
Tag:
បាល់ទាត់
Felix Dalmas
© រក្សាសិទ្ធិដោយ thmeythmey.com
