ពីនេះ ពីនោះ
ត្រីខ្លា ឬកន្ត្រប់ខ្លា ជាប្រភេទត្រីដែលកំពុងរងគ្រោះ អាចឈានទៅផុតពូជ ស្ត្រីអ្នកលក់ត្រីម្នាក់លើកបង្ហាញ ត្រីខ្លា ឬត្រីកន្ត្រប់ខ្លា ដែលប្រជានេសាទចាប់បានពីអាងស្តុកទឹកវារិអគ្គិសនី សេសាន២ នៅខេត្តស្ទឹងត្រែង។ រូបភាព៖ ឈុត ឈាណា / អច្ឆរិយភាពនៃទន្លេមេគង្គ
× គម្រោងអច្ឆរិយភាពនៃទន្លេមេគង្គ (Wonders of the Mekong) សូមណែនាំត្រីមានស្រកាមួយប្រភេទ ដែលជាប្រភេទត្រីទឹកសាប មានរស់នៅក្នុងទន្លេ បឹងបួរ អូរ ជាពិសេស នៅតំបន់មេគង្គលើនាខេត្តក្រចេះ ស្ទឹងត្រែង និងរតនគីរី។
ត្រីខ្លា ឬត្រីកន្ត្រប់ខ្លា មានឈ្មោះវិទ្យាសាស្ត្រ (Datnioides undecimradiatus) និងឈ្មោះជាភាសាអង់គ្លេស Mekong tiger perch។ វាមាប្រវែងដងខ្លួនអតិបរមា ៤០ស.ម។ ក្នុងរដូវវរស្សា ត្រីប្រភេទនេះ ធ្វើចរាចរផ្លាស់ទីទៅតំបន់ទំនាបលិចទឹក ដើម្បីរកចំណីរហូតដល់រដូវទឹកសម្រក វានឹងត្រឡប់ចូលមកទីជម្រកដើមវិញ។ ក្នុងរដូវប្រាំង ត្រីកន្ត្រប់ខ្លា ចូលទៅលាក់ខ្លួននៅតាមអន្លង់ជ្រៅៗ ដែលមានថ្ម មានគ្រួស នៅតាមតំបន់ទន្លេមេគង្គលើ ដើម្បពង-កូន ចាប់ពីខែកុម្ភៈ ដល់ខែមេសា។ ត្រីប្រភេទនេះ វាស៊ីត្រីល្អិតៗ និងកំពឹសជាអាហារ។
ត្រីខ្លា ឬត្រីកន្ត្រប់ខ្លា ដែលប្រជានេសាទចាប់បានទីអាងស្តុកទឹកវារិអគ្គិសនី សេសាន២ នៅខេត្តស្ទឹងត្រែង។ រូបភាព៖ ឈុត ឈាណា / អច្ឆរិយភាពនៃទន្លេមេគង្គ
ត្រីខ្លា ឬត្រីកន្ត្រប់ខ្លា ត្រូវបានគេកត់ត្រាចូលក្នុងបញ្ជីរក្រហម IUCN Red List (Vulnerable) ជាប្រភេទត្រី ដែលកំពុងរងគ្រោះ អាចឈានទៅផុតពូជ។ កត្តាគំរាមកំហែងនាពេលបច្ចុប្បន្នចំពោះត្រីប្រភេទនេះមិនត្រូវបានគេដឹងឡើយ។
© រក្សាសិទ្ធិដោយ thmeythmey.com