ជាតិ
បទយកការណ៍ / បទសម្ភាសន៍
កុមារ ចននី រំពឹងថាអាចមកជួយកុមារកម្ពុជារាល់ឆ្នាំ តាមរយៈពិព័រណ៍គំនូររបស់ខ្លួន
× សៀមរាប៖មន្ទីរពេទ្យកុមារអង្គរ បានរៀបចំការតាំងពិព័រណ៍ផ្ទាំងគំនូររបស់កុមារា ចននី ចៅ ដើម្បីប្រមូលថវិកាជួយព្យាបាលកុមារកម្ពុជា។ ចននី ត្រូវបានគេស្គាល់ថា ជាវិចិត្រករវ័យក្មេងរបស់សិង្ហបុរី ដែលបច្ចុប្បន្នគេមានអាយុ១១ឆ្នាំ។ ចននី បានចេះគូរគំនូរនៅអាយុ៥ឆ្នាំ ហើយធ្លាប់បានរៀបចំកម្មវិធីតាំងពិព័រណ៍ស្នាដៃរបស់ខ្លួនដើម្បីរៃអង្គាសថវិកាជួយអង្គការមនុស្សមួយចំនួន ហើយនេះជាលើកដំបូងហើយ ដែលកុមារារូបនេះរៀបចំកម្មវិធីលក្ខណៈមនុស្សធម៌ ដើម្បីជួយកុមារកម្ពុជា។
ចននី បានយកផ្ទាំងគំនូររូបផ្កាចំនួន ២០ផ្ទាំង មកតាំងក្នុងពិព័រណ៍ក្រោមប្រធានបទ «ពរជ័យ» នៅមន្ទីរពេទ្យកុមារអង្គរ។ ពិព័រណ៍នេះ ចាប់ផ្តើមពីថ្ងៃទី៧ និងបន្តរហូតរយៈពេលពេញមួយខែ។ ថវិកាដែលទទួលបានពីការជាវផ្ទាំងគំនូរទាំងអស់ នឹងត្រូវបរិច្ចាគជូនពេទ្យកុមារអង្គរ។ សម្រាប់កុមារាជនជាតិចិនសិង្ហបុរីរូបនេះ រំពឹងថា រូបគេអាចមកជួយកុមារកម្ពុជាជារៀងរាល់ឆ្នាំ តាមរយៈពិព័រណ៍គំនូរដូច្នេះ។
ព័ត៌មានលម្អិត សូមស្ដាប់បទសម្ភាសរវាង អ្នកស្រី អ៊ីសា រ៉ហានី និងកុមារា ចននី ដោយមានការប្រែសម្រួលពីកញ្ញា ឡៅ ដាណេ មន្ត្រីផ្នែកទំនាក់ទំនងកិច្ចការសាធារណៈ នៃមន្ទីរពេទ្យកុមារអង្គរដូចតទៅ៖
© រក្សាសិទ្ធិដោយ thmeythmey.com