ជាតិ
សង្គមជាតិ
ឧកញ៉ា គិត ធាង ម្ចាស់ក្លិប Rock ត្រូវបាននាំខ្លួនទៅសាកសួរពាក់ព័ន្ធសំណុំរឿងគ្រឿងញៀន
×![]()
ដោយ: សារព័ត៌មានថ្មីៗ
ឧកញ៉ា គិត ធាង ត្រូវបាននាំទៅសាកសួរនៅស្នងការនគរបាលរាជធានីភ្នំពេញ ពាក់ព័ន្ធនឹងសំណុំរឿងគ្រឿងញៀន នៅក្លិបកម្សាន្ត Rock របស់លោក។ កម្លាំងសមត្ថកិច្ច បានចុះទៅដល់គេហដ្ឋានរបស់លោកតែម្តង នៅល្ងាចថ្ងៃទី១១ ខែមីនា ឆ្នាំ២០១៩។ នេះបើតាមការអះអាងរបស់លោក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការនគរបាលជាតិ។ 
តាមសំដីដែលដកស្រង់ដោយគេហទំព័រអគ្គស្នងការដ្ឋាននគរបាលជាតិ លោក ឆាយ គឹមខឿន បានបញ្ជាក់ថា កម្លាំងនគរបាលចម្រុះអនុវត្តតាមដីការបស់សាលាដំបូងរាជធានីភ្នំពេញ ដោយនាំខ្លួនឧកញ៉ា គិត ធាង ទៅសួរនាំពាក់ព័ន្ធករណីជួញដូរគ្រឿងញៀននៅក្នុងមជ្ឈមណ្ឌលកំសាន្តរ៉កជាង៥០គីឡូក្រាម និងឃាត់ខ្លួនជនសង្ស័យជាង៣០០នាក់ ។
ភូមិគ្រឹះរបស់ឧកញ៉ា គិត ធាង ដែលស្ថិតនៅសង្កាត់បឹងកក់១ ខណ្ឌទួលគោក រាជធានីភ្នំពេញ
កម្លាំងសមត្ថកិច្ច ដែលត្រៀមនាំខ្លួនឧកញ៉ា គិត ធាង
អ្នកកាសែត នាំគ្នាទៅមុខភូមិគ្រឹះរបស់ឧកញ៉ា គិត ធាង នៅព្រលប់ថ្ងៃទី១១ ខែមីនា ឆ្នាំ២០១៩ ពេលឮដំណឹងថា កម្លាំងសមត្ថកិច្ច ចុះទៅឡោមព័ទ្ធ ដើម្បីនាំឧកញ៉ា គិត ធាង ទៅសាកសួរ
ការនាំខ្លួនឧកញ៉ា គិត ធាង ក៏ត្រូវបានធ្វើឡើងបន្ទាប់ពីមានបញ្ជាពីសម្តេចនាយករដ្ឋមន្រ្តី ហ៊ុន សែន ផងដែរ។ ក្នុងពិធីចែកសញ្ញាបត្រដល់និស្សិតនៃសាកលវិទ្យាល័យភូមិន្ទនីតិសាស្រ្ត និងវិទ្យាសាស្ត្រសេដ្ឋកិច្ច នាព្រឹកថ្ងៃទី១១ ខែមីនា ឆ្នាំ២០១៩នេះ សម្តេចនាយករដ្ឋមន្រ្តី សង្កត់ធ្ងន់យ៉ាងដូច្នេះថា៖«ស្វែងរកឲ្យឃើញមេខ្លោង ដែលនាំគ្រឿងញៀន ចូលកន្លែងនេះ មិនមែន [ចាប់] តែកម្មករទេ»។
កាលពីយប់ថ្ងៃទី២២ ខែកុម្ភៈ ឆ្នាំ២០១៩ កម្លាំងសមត្ថកិច្ច បានសម្រុកចុះទៅចាប់មនុស្សជាង៣០០នាក់ ដែលសេពគ្រឿងញៀន ក្នុងក្លិប Rock ហើយសមត្ថកិច្ច បានរឹបអូសគ្រឿងញៀនដល់ទៅជាង៥០គីឡូក្រាមឯណោះ។ បន្ទាប់មក អាជ្ញាធរ ក៏សម្រេចបិទក្លិបនេះចោល៕
តាមសំដីដែលដកស្រង់ដោយគេហទំព័រអគ្គស្នងការដ្ឋាននគរបាលជាតិ លោក ឆាយ គឹមខឿន បានបញ្ជាក់ថា កម្លាំងនគរបាលចម្រុះអនុវត្តតាមដីការបស់សាលាដំបូងរាជធានីភ្នំពេញ ដោយនាំខ្លួនឧកញ៉ា គិត ធាង ទៅសួរនាំពាក់ព័ន្ធករណីជួញដូរគ្រឿងញៀននៅក្នុងមជ្ឈមណ្ឌលកំសាន្តរ៉កជាង៥០គីឡូក្រាម និងឃាត់ខ្លួនជនសង្ស័យជាង៣០០នាក់ ។
ភូមិគ្រឹះរបស់ឧកញ៉ា គិត ធាង ដែលស្ថិតនៅសង្កាត់បឹងកក់១ ខណ្ឌទួលគោក រាជធានីភ្នំពេញ
កម្លាំងសមត្ថកិច្ច ដែលត្រៀមនាំខ្លួនឧកញ៉ា គិត ធាង
អ្នកកាសែត នាំគ្នាទៅមុខភូមិគ្រឹះរបស់ឧកញ៉ា គិត ធាង នៅព្រលប់ថ្ងៃទី១១ ខែមីនា ឆ្នាំ២០១៩ ពេលឮដំណឹងថា កម្លាំងសមត្ថកិច្ច ចុះទៅឡោមព័ទ្ធ ដើម្បីនាំឧកញ៉ា គិត ធាង ទៅសាកសួរ
ការនាំខ្លួនឧកញ៉ា គិត ធាង ក៏ត្រូវបានធ្វើឡើងបន្ទាប់ពីមានបញ្ជាពីសម្តេចនាយករដ្ឋមន្រ្តី ហ៊ុន សែន ផងដែរ។ ក្នុងពិធីចែកសញ្ញាបត្រដល់និស្សិតនៃសាកលវិទ្យាល័យភូមិន្ទនីតិសាស្រ្ត និងវិទ្យាសាស្ត្រសេដ្ឋកិច្ច នាព្រឹកថ្ងៃទី១១ ខែមីនា ឆ្នាំ២០១៩នេះ សម្តេចនាយករដ្ឋមន្រ្តី សង្កត់ធ្ងន់យ៉ាងដូច្នេះថា៖«ស្វែងរកឲ្យឃើញមេខ្លោង ដែលនាំគ្រឿងញៀន ចូលកន្លែងនេះ មិនមែន [ចាប់] តែកម្មករទេ»។
កាលពីយប់ថ្ងៃទី២២ ខែកុម្ភៈ ឆ្នាំ២០១៩ កម្លាំងសមត្ថកិច្ច បានសម្រុកចុះទៅចាប់មនុស្សជាង៣០០នាក់ ដែលសេពគ្រឿងញៀន ក្នុងក្លិប Rock ហើយសមត្ថកិច្ច បានរឹបអូសគ្រឿងញៀនដល់ទៅជាង៥០គីឡូក្រាមឯណោះ។ បន្ទាប់មក អាជ្ញាធរ ក៏សម្រេចបិទក្លិបនេះចោល៕
© រក្សាសិទ្ធិដោយ thmeythmey.com
