កីឡាអន្តរជាតិ
អន្តរជាតិ
Zidane ទៅដឹកនាំ Real Madrid សារជាថ្មីជាមួយនឹងកិច្ចសន្យាដល់ឆ្នាំ២០២២ លោក Zidane ដឹកនាំ Real Madrid ម្តងទៀតជាមួយនឹងកិច្ចសន្យាដល់ឆ្នាំ២០២២។ រូបថត Real Madrid
× គ្រូបង្វឹកសញ្ជាតិបារាំង Zinedine Zidane បានវិលទៅដឹកនាំក្លិប Real Madrid ឡើងវិញ បន្ទាប់ពីចាកចេញពីក្លិបយក្សរបស់អេស្ប៉ាញមួយនេះកាលពី១០ខែមុន។ លោកត្រូវជំនួសលោក Santiago Solari ក្រោយ Real ធ្លាក់ទម្រង់លេងដ៏ធ្ងន់ធ្ងរនារយៈពេលចុងក្រោយនេះ។
លោក Zidane អតីតខ្សែបម្រើវ័យ៤៦ឆ្នាំ បានដឹកនាំក្លិបឲ្យឈ្នះពាន Champions League បីឆ្នាំជាប់ៗគ្នា មុនពេលលោកចាកចេញកាលពីខែឧសភា ឆ្នាំមុន។ ក្លិបបានអះអាងថា លោក Zidane បានយល់ព្រមដឹកនាំក្លិបសារជាថ្មីរហូតដល់ឆ្នាំ២០២២។
លោក Solari ត្រូវបានបញ្ចប់មុខដំណែងក្រោយជ័យជម្នះ ៤-១ លើ Real Valladolid បន្ទាប់ពី Real Madrid ធ្លាក់ពី Champions League ដោយសារ Ajax និងបានរងបរាជ័យទាំងពីរលើកក្នុងជំនួប El Clasico ជាមួយ Barcelona ទាំងក្នុង La Liga និង Copa del Rey៕ Tag:
Real Madrid
Zinedine Zidane
© រក្សាសិទ្ធិដោយ thmeythmey.com