ជាតិ
សង្គមជាតិ
ឧកញ៉ា គិត ធាង ត្រូវបញ្ជូនទៅតុលាការ ឡានដែលដឹកឧកញ៉ា គិត ធាង
× កម្លាំងសមត្ថកិច្ច បានដឹកឧកញ៉ា គិត ធាង ម្ចាស់ក្លិប Rock ទៅកាន់អយ្យការអមសាលាដំបូងរាជធានីភ្នំពេញ នៅព្រឹកថ្ងៃទី១២ ខែមីនា ឆ្នាំ២០១៩នេះ ដើម្បីឲ្យព្រះរាជអាជ្ញា សាកសួរលោក ពីរឿងគ្រឿងញៀន ក្នុងក្លិបរបស់លោក ដែលត្រូវបានបង្ក្រាបនាពេលថ្មីៗនេះ។
ឧកញ៉ា គិត ធាង ត្រូវបានសមត្ថកិច្ច ចុះទៅឃាត់ខ្លួននៅភូមិគ្រឹះរបស់លោក ដែលស្ថិតក្នុងសង្កាត់បឹងកក់១ ខណ្ឌទួលគោក រាជធានីភ្នំពេញ នាល្ងាចថ្ងៃទី១១ ខែមីនា ឆ្នាំ២០១៩។ ការឃាត់ខ្លួនម្ចាស់ក្លិប Rock នេះ គឺធ្វើឡើងបន្ទាប់ពីមានការជំរុញពីសម្តេចនាយករដ្ឋមន្រ្តី ក្នុងពិធីចែកសញ្ញាបត្រដល់និស្សិតនៃសាកលវិទ្យាល័យភូមិន្ទនីតិសាស្ត្រនិងវិទ្យាសាស្ត្រសេដ្ឋកិច្ច នាព្រឹកថ្ងៃទី១១ ខែមីនា។
កាលពីចុងខែកុម្ភៈ ឆ្នាំ២០១៩កន្លងទៅ កម្លាំងសមត្ថកិច្ច បានចុះទៅបង្ក្រាបបទល្មើសគ្រឿងញៀន នៅក្នុងក្លិប Rock ទាំងយប់ ដោយចាប់បានអ្នកពាក់ព័ន្ធដល់ទៅជាង៣០០នាក់ និង រឹបអូសគ្រឿងញៀនប្រមាណ៥០គីឡូក្រាម។ ក្រោយមក សមត្ថកិច្ច ក៏សម្រេចបិទក្លិបនេះចោល។ ចំណែកមនុស្សជាង៣០០នាក់ ត្រូវបានដោះលែងស្ទើរទាំងអស់ ដោយសល់តែជាង១០នាក់ប៉ុណ្ណោះ ដែលត្រូវបានកសាងសំណុំរឿងទៅតុលាការ៕
© រក្សាសិទ្ធិដោយ thmeythmey.com