ជាតិ
នយោបាយជាតិ
លោក ប៉ា សុជាតិវង្ស លាលែងពីតំណាងរាស្ត្រ ទៅឈរឈ្មោះក្រុមប្រឹក្សារាជធានីវិញ
×
លោក ប៉ា សុជាតិវង្ស តំណាងរាស្ត្រមណ្ឌលភ្នំពេញ និងជាប្រធានគណៈកម្មការទី១នៃរដ្ឋសភា បានលាលែងពីតំណែង នាពេលថ្មីៗនេះ។ នេះបើតាមលោក ឡេង ប៉េងឡុង អគ្គលេខាធិការនិងជាអ្នកនាំពាក្យរដ្ឋសភា ដែលបានប្រាប់សារព័ត៌មានថ្មីៗ នៅថ្ងៃទី១៤ ខែមីនា ឆ្នាំ២០១៩។
ប៉ុន្តែ លោក ឡេង ប៉េងឡុង ពុំបានដឹងពីមូលហេតុនៃការលាលែងរបស់លោក ប៉ា សុជាតិវង្សទេ។
លោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត ប្រាប់សារព័ត៌មានថ្មីៗថា គណបក្សប្រជាជនកម្ពុជា បានបញ្ចូលឈ្មោះលោក ប៉ា សុជាតិវង្ស ជាបេក្ខជនក្រុមប្រឹក្សារាជធានីភ្នំពេញ។ លោក បញ្ជាក់បែបនេះថា៖«ខ្ញុំមិនទាន់ឃើញបញ្ជីឈ្មោះទេ តែគាត់ប្រហែលជាឈរលេខរៀងទី១ហើយ»។
អ្នកនាំពាក្យគ.ជ.ប រូបនេះ បន្ថែមថា អ្នកស្រី គឹម សុវណ្ណា ប្រធានមន្ទីរទេសចរណ៍រាជធានីភ្នំពេញ នឹងក្លាយជាតំណាងរាស្រ្តជំនួសលោក ប៉ា សុជាតិវង្ស។
© រក្សាសិទ្ធិដោយ thmeythmey.com