លោក រៀល ខេមរិន្ទ្រ អតីតតំណាងរាស្ត្រ CNRP ដាក់ពាក្យសុំចូលធ្វើនយោបាយវិញ

ជាតិ

នយោបាយជាតិ

លោក រៀល ខេមរិន្ទ្រ អតីតតំណាងរាស្ត្រ CNRP ដាក់ពាក្យសុំចូលធ្វើនយោបាយវិញ

16, Mar 2019 , 3:59 pm

រូបភាព

ដោយ: អ៊ូ សុខមាន (OU Sokmean)

លោក រៀល ខេមរិន្ទ្រ ក្លាយជាមនុស្សទីបួនក្នុងជួរដឹកនាំអតីតគណបក្សសង្គ្រោះជាតិ ដែលបានដាក់ពាក្យសុំសិទ្ធិចូលធ្វើនយោបាយឡើងវិញ។ លោក ខៀវ សុភ័គ អ្នកនាំពាក្យក្រសួងមហាផ្ទៃ អះអាងប្រាប់សារព័ត៌មាន ThmeyThmey ថា អតីតតំណាងរាស្ត្របក្សប្រឆាំងរូបនេះ បានដាក់ពាក្យស្នើកាលពីថ្ងៃទី១៤ ខែមីនា។

អត្ថបទទាក់ទង

ប្រធានបក្សកាន់អំណាច ព្រមានអ្នកប្រឆាំងថា ទ្វារអាចបិទវិញនៅមុនចូលឆ្នាំខ្មែរ

អតីតមន្ត្រីជាន់ខ្ពស់CRNPម្នាក់ទៀត ទទួលបានសិទ្ធិធ្វើនយោបាយវិញ

លោក គង់ គាំ និង លោក គង់ បូរ៉ា ទទួលបានសិទ្ធិនយោបាយវិញហើយ

លោក រៀល ខេមរិន្ទ្រ គឺជាមនុស្សទី៤ នៃអតីតថ្នាក់ដឹកនាំគណបក្សសង្គ្រោះជាតិ ដែលបានដាក់លិខិតស្នើសុំសិទ្ធិធ្វើនយោបាយឡើងវិញ បន្ទាប់ពី លោក ស៊ីម សុវណ្ណនី ដែលជាអតីតសមាជិកគណៈកម្មាធិការនាយក របស់អតីតគណបក្សសង្គ្រោះជាតិ លោក គង់ គាំ អតីតទីប្រឹក្សាជាន់ខ្ពស់គណបក្សសង្គ្រោះជាតិ និង លោក គង់ បូរ៉ា អតីតតំណាងរាស្ត្រគណបក្សសង្គ្រោះជាតិ។

សូមបញ្ជាក់ថា លោក រៀល ខេមរិន្ទ្រ ជាអតីតតំណាងរាស្ត្ររបស់អតីតគណបក្សសង្គ្រោះជាតិមួយ ក្នុងចំណោមអតីតថ្នាក់ដឹកនាំបក្សសង្គ្រោះជាតិ ចំនួន១១៨នាក់ ដែលត្រូវតុលាការកំពូល ហាមឃាត់សិទ្ធិធ្វើនយោបាយរយៈពេល៥ឆ្នាំ កាលពីខែវិច្ឆិកា ឆ្នាំ២០១៧។

ជាមួយគ្នានេះ លោក រៀល ខេមរិន្ទ្រ ជាមនុស្សដំបូងដែលបានដាក់ពាក្យស្នើសុំសិទ្ធិនយោបាយឡើងវិញ បន្ទាប់ពីសម្តេច ហ៊ុន សែន បានព្រមានបិទទ្វារលែងទទួលពាក្យស្នើសុំនៅមុន ឬក្រោយបុណ្យចូលឆ្នាំខ្មែរ៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

4 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

6 ម៉ោង

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

2 ថ្ងៃ

«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ

6 ថ្ងៃ

អត្ថបទពេញនិយមបន្ថែម