ប៉ូលិសចាប់ខ្លួនមនុស្ស៣០នាក់ និងថ្នាំញៀនជាង២០កញ្ចប់ក្នុងខារ៉ាអូខេ SC នៅសៀមរាប

ជាតិ

សង្គមជាតិ

ប៉ូលិសចាប់ខ្លួនមនុស្ស៣០នាក់ និងថ្នាំញៀនជាង២០កញ្ចប់ក្នុងខារ៉ាអូខេ SC នៅសៀមរាប

17, Mar 2019 , 2:45 pm

រូបភាព

ដោយ: អ៊ូ សុខមាន (OU Sokmean)

ភ្នំពេញ៖ កម្លាំងនគរបាលខេត្តសៀមរាប បានបង្ក្រាបអ្នកជួញដូរ និងអ្នកប្រើប្រាស់គ្រឿងញៀន នៅខារ៉ាអូខេមួយកន្លែង ដែលមានស្លាកយីហោ «SC» នៅសង្កាត់ស្លក្រាម ក្នុងក្រុងសៀមរាប។ ការបង្ក្រាបនេះ បានធ្វើឡើងនៅយប់ថ្ងៃទី១៦មីនា ដោយចាប់ខ្លួនមនុស្ស៣០នាក់(ស្រី៧នាក់) ជាមួយនឹងគ្រឿង ២១កញ្ចប់។

បច្ចុប្បន្ន សមត្ថកិច្ចកំពុងបន្តការឆែកឆេរ និងរឹបអូសយកសម្ភារចំនួនដែលពាក់ព័ន្ធគ្រឿងញៀន ពីហាងខារ៉ាអូខេSC និងកំពុងធ្វើកំណត់ហេតុ ដោយសាកសួរ ចម្លើយពីអ្នកទាំង៣០នាក់នោះ ដើម្បីបញ្ជូនទៅសាលាដំបូងខេត្ត និងស្វែងរកមេក្លោងជួញដូរគ្រឿនញៀននេះ។ នេះបើតាមលោក អ៊ុំ អមរ៉ា ស្នងការរងទទួលផែនប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តសៀមរាប បានប្រាប់សារព័ត៌មានថ្មីៗ តាមទូរសព្ទ នៅថ្ងៃទី១៧មីនានេះ។

រូបភាពពីមន្ទីរព័ត៌មានខេត្តសៀមរាប

លោក អ៊ុំ អមរ៉ា បានបន្តថា ក្នុងប្រតិបត្តិការបង្ក្រាបគ្រឿងញៀននៅហាងខារ៉ាអូខេនេះ បានដកហូតនូវថ្នាំញៀនប្រភេទម៉េតំហ្វេតាមីន២១កញ្ចប់ ថ្នាំញៀនអិចស្តាស៊ី៩គ្រាប់ និងសម្ភារសម្រាប់ប្រើប្រាស់គ្រឿងញៀនមួយចំនួន៕