Ozil នាំគូដណ្ដឹងទៅអញ្ជើញការលោកប្រធានធិបតីតួកគី Erdogan

កីឡាអន្តរជាតិ

អន្តរជាតិ

Ozil នាំគូដណ្ដឹងទៅអញ្ជើញការលោកប្រធានធិបតីតួកគី Erdogan

19, Mar 2019 , 5:14 pm

រូបភាព

Ozil ជាមួយគូដណ្ដឹងនៅពេលទៅអញ្ជើញការលោក Erdogan នៅតួកគី

ដោយ: ទេព ពិទូរ្យ

Mesut Ozil ខ្សែបម្រើក្រុមកាំភ្លើងធំ Arsenal បានដឹកដៃគូដណ្ដឹងរបស់ខ្លួនទៅអញ្ជើញការ ប្រធានធិបតីតួកគីលោក Recep Tayyip Erdogan ដល់ទីក្រុងអ៊ីស្តង់ប៊ុល។ វត្តមាន Ozil ជាមួយប្រធានធិបតីតួកគីនេះនៅតែទទួលរងការរិះគន់ពីសំណាក់អ្នកគាំទ្រអាល្លឺម៉ង់ដដែល។

អត្ថបទទាក់ទង

ការរើសអើងនាំឲ្យ Ozil ប្រកាសលាឈប់ពីជម្រើសជាតិអាល្លឺម៉ង់

រូបថត Ozil និង Gundogan ជាមួយប្រធានាធិបតីតួកគី រងការរិះគន់យ៉ាងខ្លាំង

ប្រភពព័ត៌មានពីតួកគីបានផ្សាយថា អតីតខ្សែបម្រើក្រុមជម្រើសជាតិអាល្លឺម៉ង់រូបនេះបានធ្វើដំណើរជាមួយគូដណ្ដឹងនាង Amin Gulse ដែលជាជនជាតិទួកគីដើម្បីជួបលោក Erdogan និងលំហែកាយនៅទីនោះ។

ការជួបគ្នានោះដែរក៏ត្រូវបានបង្ហោះលើគណនី Twitter ផ្លូវការរបស់ណបក្សយុត្តិធម៌និងអភិវឌ្ឍន៍ (AKP) របស់លោក Erdogan ដែលកំពុងកាន់អំណាចសព្វថ្ងៃនេះផងដែរ។

Cumhurbaşkanımız Recep Tayyip Erdoğan, futbolcu Mesut Özil ve nişanlısı Amine Gülşe'yi Atatürk Havalimanı'nda kabul etti. pic.twitter.com/YZMzIQxQKE
— AK Parti (@Akparti) March 15, 2019

គូស្នេហ៍ទាំងពីរ នាង Amin Gulse និង Ozil បានភ្ញាប់ពាក្យនឹងគ្នារួចហើយតាំងពីខែមករា ឆ្នាំ២០១៩កន្លងទៅនេះ។

Ozil វ័យ ៣០ឆ្នាំដែលមានសាច់ឈាមតួកគីផង ធ្លាប់រងការរិះគន់យ៉ាងខ្លាំងពីសំណាក់ប្រធានសហព័ន្ធកីឡាបាល់ទាត់អាល្លឺម៉ង់ (DFB) និងអ្នកគាំទ្រម្តងរួចមកហើយបន្ទាប់ពីរូបគេបានថតរូបជាមួយប្រធានាធិបតីតួកគី Erdogan នេះនាអំឡុងការឃោសនាបោះឆ្នោត។ ដោយសារការរិះគន់នេះ រូបគេបានសម្រេចឈប់លេងឲ្យក្រុមជម្រើសជាតិតាំងពីពេលនោះមក។

ដោយឡែក វត្តមានរបស់ Ozil ទៅកាន់ទឹកដីតួកគីលើកនេះដើម្បីអញ្ជើងលោក Erdogan ទៅចូលរួមពិធីអាពាហ៍ពិពាហ៍របស់ខ្លួននោះក៏នៅតែទទួលរងការរិះគន់ដដែលពីសំណាក់អ្នកសារព័ត៌មាននិងអ្នកគាំទ្រអាល្លឺម៉ង់មួយចំនួន៕