ជាតិ
ពីនេះ ពីនោះ
រូបត្លុក
តៀមកាហ្វេថ្មីៗ៖ ការងារខ្លះស្ទះ ដោយសារតែមន្ត្រីទាស់គ្នារឿងផ្ទាល់ខ្លួន
×![]()
ដោយ: ថ្មីៗ
ថ្ងៃនេះ អាសុធីរ ជាអ្នករអ៊ូពីបញ្ហានៅកន្លែងធ្វើការរបស់វា ប្រាប់អាសំណាងម្តង។
សុធីរ៖ រាល់ថ្ងៃនេះ មនុស្សទាស់គ្នាតែរឿងកំប៉ុកកំប៉ុកបំផុត។ រឿងប៉ះពាល់អារម្មណ៍ រឿងចាំចាប់កំហុសគ្នា។ រឿងមិនពេញចិត្តចរិតគ្នា។ ដល់ពេលពួកគេឈ្លោះគ្នា ការងារមិនទៅមុខ។ ហើយការងារនោះជាការងាររួមរបស់ក្រុមហ៊ុន។
សំណាង៖ នៅកន្លែងការងាររបស់អ្ហែងមានគ្នាតែសាម សែ ហាសិបនាក់ ឯងរអ៊ូប៉ុណ្ណឹង ហើយថាខាតការងារ។ ចុះទម្រាំនៅក្រសួងដូចអញ? មន្ត្រីរាប់ពាន់នាក់ពេញប្រទេស? ចុះទម្រាំការងារថ្នាក់ជាតិ ដែលត្រូវសម្រេចសម្រាប់ពលរដ្ឋមួយប្រទេស? ហើយខាងអញ គេខ្លាចណាស់ ពាក្យ «ផ្អឹបឯកសារ»។ ហើយពេលខ្លះ អញឮថា ឋានៈដល់ទៅចៅក្រសួង និងចៅក្រសួងផង នៅទាស់គ្នា! ដល់ពេលអ៊ីចឹង ឯងគិតមើលទៅ អ្នកណាអាចសម្របសម្រួលបាន? បើគិតទៅ វាមិនគួរជឿដែរ ព្រោះគេត្រូវសម្រុះសម្រួលដោះស្រាយរឿងមន្ត្រីកំពូលៗ អាយុលើស៦០ឆ្នាំ ដែលទាស់អារម្មណ៍គ្នា ទាស់គំនិតគ្នា។
សុធីរ៖ ដល់យូរៗទៅ ត្រូវដោះស្រាយការងាររបស់រាជការផង ការងារបម្រើប្រជារាស្ត្រផង ហើយនៅមកដោះស្រាយជម្លោះរបស់មន្ត្រីទៀត។
សំណាង៖ ដោះស្រាយបញ្ហា ដែលជាបញ្ហា វាស្រួលដោះទេអ្ហា។ តែដោះរឿង ដែលមិនគួរជារឿងនេះ វាគួរឲ្យធុញមែនណា។
© រក្សាសិទ្ធិដោយ thmeythmey.com
