ជាតិ
២៥ខេត្ត/រាជធានី
«រាត្រីសប្បុរសធម៌ ដើម្បីដំរីខ្មែរ» នឹងប្រារព្ធនៅថ្ងៃទី៣១ មីនាខាងមុខនេះ ភ្នំពេញ៖ រឿងរ៉ាវរបស់«បុកវ៉ា, បាក់ម៉ៃ, ខាំសែននិងអ៊ីកែវ» ដែលជាសត្វដំរីទាំង៤ក្បាលចុងក្រោយនៅរតនគិរី នឹងត្រូវលាតត្រដាងតាមរយៈការបញ្ចាំងខ្សែភាពយន្តខ្នាតខ្លី ស្តីពីដំណើរជីវិតរបស់ដំរីទាំង៤ក្បាល នៅក្នុងកម្មវិធី«រាត្រីសប្បុរសធម៌ ដើម្បីដំរីខ្មែរ»។ កម្មវិធីនេះរៀបចំដោយសមាគមអភិរក្សដំរីអៃរាវត្តា ក្រោមបរិបាលកិច្ចដ៏ខ្ពង់ខ្ពស់របស់ ព្រះបាទសម្តេចព្រះបរមនាថ នរោត្តម សីហមុនី នឹងប្រារព្ធធ្វើនៅសណ្ឋាគារ Le Royal Raffles រាជធានីភ្នំពេញ នាថ្ងៃអាទិត្យ ទី៣១ ខែមីនា ចាប់ពីម៉ោង៦ល្ងាចទៅ។
លោកស្រី ក្លេ-ខៃ ចិន្តា នាយិកាមូលនិធិអភិរក្សដំរីអៃរាវាត្តា បានពន្យល់ពីមូលហេតុដែលសមាគមចាំបាច់ត្រូវរៀបចំកម្មវិធី«រាត្រីសប្បុរសធម៌ ដើម្បីដំរីខ្មែរ នេះឡើង ដោយសារតែថវិកាក្នុងសមាគមអភិរក្សដំរីអៃរាវាត្តាមានចំនួនតិចបំផុត ហើយការចំណាយសម្រាប់ចិញ្ចឹមថែទាំដំរីទាំងនោះ ត្រូវការថវិកាច្រើន។
នៅក្នុងព្រឹត្តិការណ៍រាត្រីសប្បុរសធម៌ ដើម្បីដំរីខ្មែរ ដែលប្រារព្ធធ្វើនៅសណ្ឋាគារ Le Royal Raffles រាជធានីភ្នំពេញ នាថ្ងៃអាទិត្យ ទី៣១ ខែមីនា នេះ រួមមាន៖ ការបញ្ចាំងវីដេអូខ្លីស្តីពីការអភិរក្សសត្វដំរីអៃរាវត្តា, ការបង្ហាញក្បាច់គុណល្បុក្កតោ, ការដេញថ្លៃគំនូររបស់វិចិត្រករ៖ លោក អែម រាម, លោក ឈឹម សុធី, លោក នូ សារី និងក្រុមយក្សា រួមទាំងការបង្ហាញសៀករហ័សកម្ម និងការបង្ហាញម៉ូដសំលៀកបំពាក់ដែលច្នៃពីក្រណាតជនជាតិផងដែរ៕
សូមអញ្ជើញទំនាក់ទំនងចូលរួមកម្មវិធីនេះតាមទូរស័ព្ទលេខ៖ 012 214 468 / 012 965 165 ,
Email: [email protected] ឬតាមតំណភ្ជាប់ Fundraising Gala Cooktail for the Cambodian Elephants
© រក្សាសិទ្ធិដោយ thmeythmey.com