ជាតិ
ថ្ងៃនេះ ផ្នែកខ្លះនៅបន្ទាយមានជ័យ បាត់ដំបង និងសៀមរាប ដាច់ភ្លើងដល់ម៉ោង៥ល្ងាច
ស្រុកក្រឡាញ់ ខេត្តសៀមរាប ត្រូវដាច់ភ្លើងផងដែរនៅថ្ងៃនេះ។ រូបថត អ៊ូ សុខសាន្ត
×![]()
ដោយ: ថ្មីៗ
នាយកដ្ឋានបញ្ជូនអគ្គិសនីនៃអគ្គិសនីកម្ពុជា បានបញ្ជាក់ពីការផ្អាកការផ្គត់ផ្គង់អគ្គិសនីនៅអនុស្ថានីយប៉ោយប៉ែត បន្ទាយមានជ័យ បាត់ដំបង (CPTL) សៀមរាបទី១ និងសៀមរាបទី២ នាថ្ងៃសុក្រ ទី២២ ខែមីនា នេះ ចាប់ពីម៉ោង៥ព្រឹកដល់ម៉ោង៥ល្ងាច។ 
បើតាមលិខិតផ្ញើទៅកាន់ប្រធានអគ្គិសនីខេត្តសៀមរាប បន្ទាយមានជ័យ និងបាត់ដំបង នាយកដ្ឋានបញ្ជូនអគ្គិសនីបានបញ្ជាក់ ការផ្អាកការផ្គត់ផ្គង់នេះ គឺដើម្បីឲ្យភាគីថៃធ្វើការជួសជុល និងកែសម្រួលបរិក្ខារអគ្គិសនីមួយចំនួននៅអនុស្ថានីយអគ្គិសនី Wattananakorn និង Aranyaphathet នៃប្រទេសថៃ។
នាយកបញ្ជូនអគ្គិសនី លោក គង់ ពុទ្ធី បានបញ្ជាក់ផងដែរ ក្នុងអំឡុងពេលអនុវត្តការងារទាំងនេះ នឹងធ្វើឲ្យប៉ះពាល់ការផ្គត់ផ្គង់អគ្គិសនី។ ជាមួយគ្នានេះ លោកស្នើដាក់ឲ្យដំណើរការម៉ាស៊ីនផ្ទៃក្នុងទាំងអស់របស់អគ្គិសនីសៀមរាប បាត់ដំបង និងបន្ទាយមានជ័យ៕
Tag:
អគ្គិសនី
© រក្សាសិទ្ធិដោយ thmeythmey.com
