ជាតិ
សង្គមជាតិ
ចូលឆ្នាំខ្មែរ៖មន្ត្រីរាជការ នឹងទទួលបានប្រាក់ឧបត្ថម្ភ៥ម៉ឺនរៀលពីរាជរដ្ឋាភិបាល
រូបភាពពីក្រសួងការងារ និងបណ្តុបណ្តាលវិជ្ជាជីវៈ
×![]()
ភ្នំពេញ៖ សម្តេចនាយករដ្ឋមន្ត្រី ហ៊ុន សែន បានចុះហត្ថលេខាលើអនុក្រឹតស្តីពី ការផ្តល់ប្រាក់រាជរដ្ឋាភិបាលកម្ពុជា នឹងផ្តល់ប្រាក់ឧបត្ថម្ភចំនួន៥ម៉ឺនរៀល ដល់មន្ត្រីនគរបាលជាតិកម្ពុជា មន្ត្រីរាជការស៊ីវិល មន្ត្រីពន្ធនាគារក្រសួងមហាផ្ទៃ មន្ត្រីគណៈកម្មាធិការជាតិរៀបចំការបោះឆ្នោត និងមន្ត្រីឧុទ្ធកាល័យ ក្នុងឱកាសពិធីបុណ្យចូលឆ្នាំខ្មែរ។
យោងតាមអនុក្រឹតចុះថ្ងៃទី១៩ ខែមីនា មន្ត្រីផ្សេងទៀតដែលនឹងទទួលបានប្រាក់បន្ថែមលើប្រាក់បៀវត្សប្រចាំខែនាសម្រាប់ពិធីបុណ្យចូលឆ្នាំខ្មែរដែរនោះមានដូចជា មន្ត្រីដែលមានឋានៈស្មើ សមាជិកក្រុមប្រឹក្សារាជធានី ខេត្ត ក្រុង ស្រុក ឃុំ ខណ្ឌ សង្កាត់ មន្ត្រីនៃការិយាល័យប្រជាពលរដ្ឋនៅរដ្ឋបាលថ្នាក់ក្រោមជាតិ ប្រធានភូមិ អនុប្រធានភូមិ សមាជិកភូមិ មន្ត្រីជាប់កិច្ចសន្យា និងបុគ្គលិកអណ្តែតដែលបម្រើការងារនៅថ្នាក់ជាតិ និងថ្នាក់ក្រោមជាតិព្រមទាំងនិវត្តជន ជនបាត់បង់សម្បទាវិជ្ជាជីវៈ ជនបាត់បង់សមត្ថភាពការងារ និងជនពិការដែលជាអតីតមន្ត្រីរាជការស៊ីវិល អតីតយោធិននៃកងយោពលខេមរភូមិន្ទ និងអតីតមន្ត្រីនគរបាលជាតិកម្ពុជា។
អនុក្រឹតដដែលបញ្ជាក់ថា នាយករដ្ឋមន្ត្រីកម្ពុជា បានលើកឡើងថា ប្រាក់ឧបត្ថម្ភនេះ នឹងផ្តល់ជូនសម្រាប់មន្ត្រីម្នាក់ៗ តែមួយលើកតែប៉ុណ្ណោះ៕
Tag:
ប្រាក់ឧបត្ថម្ភ
មន្ត្រី
ចូលឆ្នាំខ្មែរ
© រក្សាសិទ្ធិដោយ thmeythmey.com
