អន្តរជាតិ
ឥណ្ឌូណេស៊ីចាប់ខ្លួន អ្នកដំណើរក្លែងបន្លំជាអ្នកបើកយន្តហោះអាកាសចរណ៍ Garuda
×![]()
ដោយ: ថ្មីៗ
ប៉ូលិសឥណ្ឌូណេស៊ី បានចាប់ខ្លួន អ្នកបើកយន្តហោះក្លែងក្លាយម្នាក់របស់ក្រុមហ៊ុនអាកាសចរណ៍ Garuda នៅ អាកាសយាន្តដ្ឋានអន្តរជាតិ Soekarno-Hatta ប្រទេសឥណ្ឌូនេស៊ី។ នេះបើតាមការផ្សាយរបស់សារព័ត៌មាន Jakarta Post។ 
អ្នកបើកបរក្លែងក្លាយរូបនេះឈ្មោះ Alvin Adithya Darmawan ។ រូបគេបានពាក់សម្លៀកបំពាក់ ក្រុមហ៊ុន អាកាសចរណ៍ Garuda នៅពេលដែលខ្លួនបានចូលកន្លែងត្រួតពិនិត្យអ្នកដំណើរ (Check In) នៅម៉ោង ១១:៤០ នាទី កាលពីថ្ងៃទី២២ ខែមីនា។ លោក Victor Togi Tambunan ស្នងការប៉ូលីសប្រចាំព្រលាន Soekarno-Hatta បានប្រាប់ឲ្យដឹងថា ក្រៅពីស្លៀកសម្លៀកបំពាក់ ក្រុមហ៊ុន Garuda គេក៏មានកាតនាវិកយន្តហោះ Garuda ផងដែរ។
លោក Victor បានបន្ថែមទៀតថា ពេលអ្នកបើកយន្តហោះ Garuda បាននិយាយ ជាមួយ បុរស ក្លែងក្លាយ រូបនេះ គេបានឆ្លើយទាំងចម្លើយមិនច្បាស់លាស់។ អ្នកបើកយន្តហោះ Garuda ក៏បានសង្ស័យរួច បានជូនដំណឹងទៅសន្តិសុខហោះហើរនៅជិតកន្លែងត្រួតពិនិត្យអ្នកដំណើរ។
ប្រធានអង្គភាពស៊ើបអង្កេតព្រហ្មទណ្ឌ លោក James Hasudungan Hutajulu បាននិយាយថា បុរសក្លែងក្លាយឈ្មោះ Alvin គឺជាអ្នកដំណើរជើងហោះហើរ Garuda ទៅកាន់ទីក្រុង Semarang ខេត្ត Central Java។
អ្នកបើកយន្តហោះ ក្លែងក្លាយរូបនេះ បានសារភាពថា គេមានបំណងក្លាយជាអ្នកបើកយន្តហោះ ហើយរូបគេ បានបញ្ចប់ថ្នាក់វិទ្យាល័យ និងបានប្រឡងចូលមហាវិទ្យាល័យអាកាសចរណ៍ តែធ្លាក់៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
