សម្ដេច ហ៊ុន សែន៖ ករណីបាញ់សម្លាប់នៅខេត្តព្រៃវែង ស្មើនឹងការបំបាត់ភស្តុតាង

ជាតិ

នយោបាយជាតិ

សម្ដេច ហ៊ុន សែន៖ ករណីបាញ់សម្លាប់នៅខេត្តព្រៃវែង ស្មើនឹងការបំបាត់ភស្តុតាង

25, Mar 2019 , 9:15 am

រូបភាព

ដោយ: ថ្មីៗ

ភ្នំពេញ៖ ពីពិធីចែកសញ្ញាបត្រនៅសាកលវិទ្យាល័យភ្នំពេញអន្តរជាតិ នៅព្រឹកថ្ងៃទី២៥ មីនា សម្ដេចនាយរដ្ឋមន្ត្រី ហ៊ុន សែន បានបញ្ជាឲ្យសមត្ថកិច្ចតាមចាប់ខ្លួន ជនល្មើសម្នាក់ដែលជាប់ពាក់ព័ន្ធនឹងករណីបាញ់សម្លាប់បុរសម្នាក់នៅខេត្តព្រៃវែង ដែលត្រូវគេចោទថា ជាចោទលួចឡាន ។

ករណីបាញ់សម្លាប់នេះ នៅស្រុកព្រះស្តេច ខេត្តព្រៃវែងម្នាក់ ក៏មានមន្ត្រីនគរបាលម្នាក់ ត្រូវបានចាប់ខ្លួន និងម្នាក់ទៀតកំពុងរត់គេច ។ សមត្ថកិច្ចដែលត្រូវបានចាប់ខ្លួន ដោយសារការបាញ់សម្លាប់បុរសម្នាក់នោះ គឺជាកូនមេនគរបាលខេត្តព្រៃវែង។ នេះជាការបញ្ជាក់របស់លោកនាយករដ្ឋមន្ត្រី។

ចំពោះការបាញ់សម្លាប់នេះ សម្ដេច ហ៊ុន សែន ចាត់ទុកជាទង្វើខុសច្បាប់ ដែលជាសកម្មភាពមិនគួរគប្បីឡើយ។ សម្រាប់សម្ដេច ហ៊ុន សែន ករណីបាញ់សម្លាប់គេ ស្មើនឹងការបំបាត់ភស្តុតាង។

កាលពីថ្ងៃទី២៣ ខែមីនា មានកម្លាំងនគរបាល និងអាវុធហត្ថជាច្រើននាក់ បានដេញតាមរថយន្តមួយ គ្រឿង នៅចំណុចភូមិគោកសណ្តែក ឃុំរក្សជ័យ ស្រុកបាភ្នំ ខេត្តព្រៃវែង ដោយសមត្ថកិច្ចអះអាងថា ជាជនសង្ស័យក្នុងអំពើលួចរថយន្តចេញពីភ្នំពេញ ឆ្ពោះមកខេត្តព្រៃវែង ហើយត្រូវបានម្ចាស់រថយន្តប្តឹងមកសមត្ថកិច្ច ។ ភ្លាមៗនោះសមត្ថកិច្ច ក៏បានសម្លាប់បុរសអ្នកបើកបរនោះតែម្ដង។

ក្រៅពីករណីបាញ់សម្លាប់ ក៏មានករណីកូនប្រុសរបស់មេបញ្ជាការអាវុធហត្ថខេត្តក្រចេះ ដែលបានវាយ និងភ្ជង់កាំភ្លើងលើបុរសម្នាក់ផងដែរ។ ករណីនេះ កើតឡើងនៅថ្ងៃទី១៩ ខែមីនា នៅទីតាំងហ្គេមអនឡាញមួយកន្លែង ស្ថិតនៅក្នុងភូមិទី១ សង្កាត់វាលវង់ ក្រុងកំពង់ចាម ខេត្តកំពង់ចាម។ ចំពោះករណីទាំងនេះ ប្រមុខរដ្ឋាភិបាល បានព្រមានចាត់វិធានការលើអ្នកប្រព្រឹត្តខុសទាំងនោះ ហើយបើឪពុកដែលមានបុណ្យសក្តិធំនោះ ហ៊ានលូកដៃមានការអន្តរាគមន៍នោះ សម្ដេច ដកតំណែងពួកគេចេញភ្លាម៕