ជាតិ
សង្គមជាតិ
នាយករដ្ឋមន្ត្រី បង្គាប់ឲ្យមន្ត្រី បន្តដោះស្រាយបញ្ហាទឹកជូនពលរដ្ឋ
× សម្តេចនាយករដ្ឋមន្ត្រី ហ៊ុន សែន ប្រាប់ទៅគ្រប់មន្ត្រីពាក់ព័ន្ធ ជាពិសេសមន្ត្រីនៅតាមមូលដ្ឋាន ឲ្យបន្តដោះស្រាយបញ្ហាខ្វះទឹកជូនប្រជាពលរដ្ឋ បើទោះបីជាមានភ្លៀងធ្លាក់ក៏ដោយ ព្រោះការធ្លាក់ភ្លៀងនេះ មិនច្រើននោះទេ។
សម្តេចនាយករដ្ឋមន្ត្រី ក៏បានស្នើឲ្យប្រជាពលរដ្ឋ ត្រង់ទឹកភ្លៀងទុកប្រើប្រាស់ផងដែរ។ ក្នុងពិធីចែកសញ្ញាបត្រដល់និស្សិតនៃសាកលវិទ្យាល័យភ្នំពេញអន្តរជាតិ (PPIU) នាព្រឹកថ្ងៃទី២៥ ខែមីនា ឆ្នាំ២០១៩ ប្រមុខរដ្ឋាភិបាល ថ្លែងយ៉ាងដូច្នេះថា៖«ប្រទេសយើង គ្រោះរាំងស្ងួន ខ្វះខាតទឹក ប៉ុន្តែប្រទេសខ្លះ ទៅជាទឹកជំនន់សម្លាប់មនុស្សទៅវិញ អ៊ីចឹងហើយ បានជាគេហៅថា ការប្រែប្រួលអាកាសធាតុនោះ»។
កន្លងមកសម្តេចនាយករដ្ឋមន្ត្រី បានបញ្ជាឲ្យមន្ត្រីពាក់ព័ន្ធ ដើរជីកអណ្តូងជូនប្រជាពលរដ្ឋ នៅតាមតំបន់ណា ដែលខ្វះទឹក។ ចំណែក ក្រសួងការពារជាតិ បានត្រៀមកម្លាំងយោធាប្រមាណ៣០០នាក់ ដើម្បីដឹកទឹកជូនប្រជាពលរដ្ឋនៅតាមបណ្តាខេត្តនានា៕
Tag:
ហ៊ុន សែន
បញ្ហាខ្វះទឹក
គ្រោះរាំងស្ងួត
© រក្សាសិទ្ធិដោយ thmeythmey.com