កីឡាជាតិ
លោក Sam Schweingruberបន្តកិច្ចសន្យា២ឆ្នាំបន្ថែមទៀតជាមួយភ្នំពេញក្រោន
×![]()
ដោយ: រួបរួម
ក្លិបកីឡាបាល់ទាត់ភ្នំពេញក្រោន បានប្រកាសនៅថ្ងៃអង្គារ ទី២៨ ខែតុលា ឆ្នាំ២០១៤ នេះ ថា ពួកគេសម្រេចបន្តកិច្ចសន្យារយៈពេល២ឆ្នាំបន្ថែមទៀតជាមួយគ្រូបង្វឹកជនជាតិស្វ៊ីស លោក Sam Schweingruber ដែលបានដឹកនាំក្លិបទទួលបានតំណែងជើងឯកកាលពីរដូវកាលមុន។
លោក Sam Schweingruberដែលបានចូលដឹកនាំក្លិបភ្នំពេញក្រោន ចាប់តាំងពីខែតុលា ឆ្នាំ២០១២ មក បាននិយាយពីអារម្មណ៍របស់ខ្លួនថា៖ «នៅពេលដែលខ្ញុំបានមកដល់ទីនេះ ក្លិបស្ថិតក្នុងពេលវេលាដ៏ពិបាក ហើយមានការងារដ៏មមាញឹកដើម្បីរៀបចំរចនាសម្ព័ន្ធដ៏ត្រឹមត្រូវមួយ។ យើងបន្តវិវត្តទៅមុខ ហើយទទួលបានតំណែងកាលពីរដូវកាលមុន»។
គ្រូបង្វឹកជនជាតិស្វ៊ីសរូបនេះ បានបន្ថែមថា៖ «ជាមួយនឹងការដឹកនាំ និងការគាំទ្ររបស់លោក រិទ្ធី សំណាង ដែលជាប្រធានក្លិប ការងារខ្លាំងក្លារបស់បុគ្គលិក និងកីឡាករទាំងអស់ ធ្វើឲ្យខ្ញុំមានជំនឿថា ក្លិបភ្នំពេញក្រោន មានអនាគតដ៏ប្រសើរនៅចំពោះមុខ។ ខ្ញុំរីករាយណាស់ដែលបានសម្រេចបន្តដឹកនាំក្លិបដើម្បីឈានទៅរកជ័យជម្នះបន្ថែមទៀត»។
សមាជិកគ្រូបង្វឹក៖
ស្របពេលជាមួយគ្នានេះ ផងដែរ តាមរយៈសន្និសីទសារព័ត៌មានកាលពីព្រឹកមិញ ក្លិបភ្នំពេញក្រោន បានបង្ហាញមុខ លោក Jonny Carter ដែលត្រូវបំពេញតួនាទីជាជំនួយការរបស់លោក Sam។ បុរសសញ្ជាតិវេលស៍ វ័យ៣៩ឆ្នាំ ដែលមានដើមកំណើតនៅទីក្រុង Cardiff រូបនេះ មានបទពិសោធន៍លើការដឹកនាំបង្វឹកអស់រយៈពេលជាង១៥ឆ្នាំ នៅក្នុងចក្រភពអង់គ្លេស សហរដ្ឋអាមេរិក សិង្ហបុរី និងហុងកុង។
លោក Tom Legg ជនជាតិអង់គ្លេស បានក្លាយជានាយកបច្ចេកទេសថ្មីនៃកម្មវិធីថ្នាលរបស់ក្លិប។ លោក Tom វ័យ២៧ឆ្នាំ មានបទពិសោធន៍បង្វឹកនៅសហរដ្ឋអាមេរិក ឥណ្ឌា និងចក្រភពអង់គ្លេ ហើយបាននាំកម្មវិធីបង្វឹកមួយចំនួននៅកេនយ៉ា និងសេរ៉ាឡេអូន ផងដែរ។
កីឡាករចំណូលថ្មី៖
ក្លិបភ្នំពេញក្រោនក៏បង្ហាញឈ្មោះកីឡាករចំណូលថ្មីបីរូបផងដែរ ក្នុងនោះមានខ្សែបម្រើហូឡង់ KoenBosmaខ្សែបម្រើខ្មែរ-បារាំង វ៉ា សុខថន និងអតីតខ្សែបម្រើក្លិបអាស៊ីអឺរ៉ុប សារី ម៉ាត់រូទីន។ កីឡាករទាំងបី មានកិច្ចសន្យារយៈពេល១ឆ្នាំជាមួយក្លិប៕
លោក Sam Schweingruberដែលបានចូលដឹកនាំក្លិបភ្នំពេញក្រោន ចាប់តាំងពីខែតុលា ឆ្នាំ២០១២ មក បាននិយាយពីអារម្មណ៍របស់ខ្លួនថា៖ «នៅពេលដែលខ្ញុំបានមកដល់ទីនេះ ក្លិបស្ថិតក្នុងពេលវេលាដ៏ពិបាក ហើយមានការងារដ៏មមាញឹកដើម្បីរៀបចំរចនាសម្ព័ន្ធដ៏ត្រឹមត្រូវមួយ។ យើងបន្តវិវត្តទៅមុខ ហើយទទួលបានតំណែងកាលពីរដូវកាលមុន»។
គ្រូបង្វឹកជនជាតិស្វ៊ីសរូបនេះ បានបន្ថែមថា៖ «ជាមួយនឹងការដឹកនាំ និងការគាំទ្ររបស់លោក រិទ្ធី សំណាង ដែលជាប្រធានក្លិប ការងារខ្លាំងក្លារបស់បុគ្គលិក និងកីឡាករទាំងអស់ ធ្វើឲ្យខ្ញុំមានជំនឿថា ក្លិបភ្នំពេញក្រោន មានអនាគតដ៏ប្រសើរនៅចំពោះមុខ។ ខ្ញុំរីករាយណាស់ដែលបានសម្រេចបន្តដឹកនាំក្លិបដើម្បីឈានទៅរកជ័យជម្នះបន្ថែមទៀត»។
សមាជិកគ្រូបង្វឹក៖
ស្របពេលជាមួយគ្នានេះ ផងដែរ តាមរយៈសន្និសីទសារព័ត៌មានកាលពីព្រឹកមិញ ក្លិបភ្នំពេញក្រោន បានបង្ហាញមុខ លោក Jonny Carter ដែលត្រូវបំពេញតួនាទីជាជំនួយការរបស់លោក Sam។ បុរសសញ្ជាតិវេលស៍ វ័យ៣៩ឆ្នាំ ដែលមានដើមកំណើតនៅទីក្រុង Cardiff រូបនេះ មានបទពិសោធន៍លើការដឹកនាំបង្វឹកអស់រយៈពេលជាង១៥ឆ្នាំ នៅក្នុងចក្រភពអង់គ្លេស សហរដ្ឋអាមេរិក សិង្ហបុរី និងហុងកុង។
លោក Tom Legg ជនជាតិអង់គ្លេស បានក្លាយជានាយកបច្ចេកទេសថ្មីនៃកម្មវិធីថ្នាលរបស់ក្លិប។ លោក Tom វ័យ២៧ឆ្នាំ មានបទពិសោធន៍បង្វឹកនៅសហរដ្ឋអាមេរិក ឥណ្ឌា និងចក្រភពអង់គ្លេ ហើយបាននាំកម្មវិធីបង្វឹកមួយចំនួននៅកេនយ៉ា និងសេរ៉ាឡេអូន ផងដែរ។
កីឡាករចំណូលថ្មី៖
ក្លិបភ្នំពេញក្រោនក៏បង្ហាញឈ្មោះកីឡាករចំណូលថ្មីបីរូបផងដែរ ក្នុងនោះមានខ្សែបម្រើហូឡង់ KoenBosmaខ្សែបម្រើខ្មែរ-បារាំង វ៉ា សុខថន និងអតីតខ្សែបម្រើក្លិបអាស៊ីអឺរ៉ុប សារី ម៉ាត់រូទីន។ កីឡាករទាំងបី មានកិច្ចសន្យារយៈពេល១ឆ្នាំជាមួយក្លិប៕
© រក្សាសិទ្ធិដោយ thmeythmey.com
