ពីនេះ ពីនោះ
អន្តរជាតិ
ឆ្កែមួយក្បាលរង់ចាំម្ចាស់២ឆ្នាំនៅមន្ទីរពេទ្យដោយមិនដឹងថាម្ចាស់ស្លាប់
×
ឆ្កែដ៏ស្មោះត្រង់មួយក្បាលបានបង្ហាញខ្លួនជារៀងរាល់ថ្ងៃអស់រយៈពេលពីរឆ្នាំនៅឯមន្ទីរពេទ្យមួយកន្លែងនៅតំបន់ស៊ីបេរី ដោយមិនបានដឹងថាម្ចាស់របស់បានស្លាប់នៅក្នុងមន្ទីរពេទ្យមួយនេះ តាំងពី ២ ឆ្នាំមុនមកម្លេះ។ នេះបើយោងតាមសេចក្ដីរាយការណ៍របស់កាសែត the Siberian Times ។
ឆ្កែញីមួយក្បាលនោះ ត្រូបានគេស្គាល់ថាឈ្មោះ Masha ដែលតែងតែបង្ហាញខ្លួនជារៀងរាល់ព្រឹក នៅកន្លែងទទួលភ្ញៀវរបស់មន្ទីរពេទ្យ ដោយសារតែវាមិនបានឃើញម្ចាស់របស់វាត្រឡប់ទៅផ្ទះវិញ ចាប់តាំងពីពេលគេបញ្ជូនមកមន្ទីរពេទ្យនោះ។ម្ចាស់របស់វា ត្រូវបានគេបញ្ជូនទៅមន្ទីរពេទ្យក្នុងតំបន់Novosibirskភាគនិរតីតំបន់ស៊ីបេរី កាលពីពីរឆ្នាំមុនបន្ទាប់ពីគាត់បានធ្លាក់ខ្លួនឈឺ។
ឆ្កែញីMasha ត្រូវបានបុគ្គលិកមន្ទីរពេទ្យ យកចិត្តទុកដាក់យ៉ាងល្អដោយបានផ្ដល់ជាកន្លែងដេក ដោយមានគ្រែកក់ក្តៅមួយនិងម្ហូបអាហារជារៀងរាល់យប់ផងដែរ។
បុគ្គលិកមន្ទីរពេទ្យម្នាក់បាននិយាយថា អ្នកឃើញភ្នែករបស់ ឆ្កែញី Mashaនឹងធ្វើឲ្យយើងដឹងពីរបៀបសោកស្តាយរបស់សត្វចិញ្ចឹមដ៏ស្មោះត្រង់ដែលពួកគេមានគឺវាគួរឲ្យអាណិតខ្លាំងណាស់ យើងនៅតែសង្ឃឹមថាMasha បាននឹងអាចរកឃើញម្ចាស់ផ្សេងទៀត៕
© រក្សាសិទ្ធិដោយ thmeythmey.com