អន្តរជាតិ
ក្រុមហ៊ុនមួយនៅចិនពិន័យបុគ្គលិកឲ្យលុតជង្គង់ព្រោះមិនបញ្ចប់ការងារតាមការកំណត់
×![]()
ប្រជាជនចិនដែលធ្វើដំណើរតាមផ្លូវមួយ នៅក្នុងទីក្រុងXiamen ខេត្ត Fujian ប្រទេសចិន បានសម្ដែងនូវការងឿងឆ្ងល់ជាខ្លាំង នៅពេលដែលពួកគេបានលុតជង្គង់លើស្ពានឆ្លងផ្លូវ ជាមួយនឹងសម្លៀកបំពាក់អាវធំ ដែលមិនទៅគឺមិនមែនជាអ្នកសុំទាន ឬជនមិនគ្រប់សតិនោះទេ ប៉ុន្តែគឺជា បុគ្គលិកក្រុមហ៊ុនដែលត្រូវគេដាក់ពិន័យ ព្រោះធ្វើការមិនចប់តាមការកំណត់។
យោងតាមការផ្សាយរបស់ទូរទស្សន៍ CCTV មនុស្សប្រុសដែលកំពុងលុតជង្គង់ដែលមានពាក់អាវធំនោះ គឺជាបុគ្គលិកក្រុមហ៊ុនមួយដែលមានទីតាំងនៅជិតផ្លូវនេះ ដែលពួកគេត្រូវបានប្រធានក្រុមហ៊ុនបញ្ជាឲ្យលុតជង្គង់នៅលើស្ពានមួយក្បែរនោះ រយៈពេល ១ ម៉ោង ដើម្បីជាការដាក់ទណ្ឌកម្មមួយ ទៅលើអ្នកដែលមិនអាចបញ្ចប់ការងារតាមការកំណត់។
បុគ្គលិកដែលលុតជង្គង់ម្នាក់ៗ តម្រូវឲ្យមានក្រដាសមួយនៅខាងមុខពួកគេ ដែលមានសរសេរឈ្មោះ និងថ្ងៃខែឆ្នាំ ហើយមានពាក្យមួយឃ្លាថា៖« លុតជង្គង់ស្ម័គ្រចិត្តនៅលើស្ពានមួយម៉ោងជាការដាក់ទណ្ឌកម្មសម្រាប់ការមិនបញ្ចប់ភារកិច្ចតាមការកំណត់»។
លោកស្រី JuDonghongជាគ្រូបង្រៀនផ្នែកច្បាប់ម្នាក់ បានឱ្យដឹងថាក្រុមហ៊ុននេះអាចនឹងទទួលខុសត្រូវតាមផ្លូវច្បាប់ចំពោះការផ្តន្ទាទោសបែបនេះប្រសិនបើគេរកឃើញថាក្រុមហ៊ុនបានបង្ខំបុគ្គលិករបស់ខ្លួនធ្វើទង្វើបែបនេះ។លោកស្រីបានបន្ថែមថា ប្រសិនបើវាមិនមែនជាការស្ម័គ្រចិត្តនោះទេ គឺវាជាការរំលោភលើសិទ្ធិមនុស្ស៕
© រក្សាសិទ្ធិដោយ thmeythmey.com
