អន្តរជាតិ
មន្ត្រី១១នាក់រងទណ្ឌកម្មទាក់ទងនឹងករណីជាន់គ្នាស្លាប់នៅសៀងហៃនាពិធីឆ្លងឆ្នាំ
× មន្ត្រីថ្នាក់ស្រុក១១នាក់នៅសៀងហៃ ប្រទេសចិន បានរងទណ្ឌកម្មពីបទខ្ជីខ្ជាការងារនាពិធីបុណ្យឆ្លងឆ្នាំថ្មី២០១៥ ដែលបានបណ្តាលមនុស្ស៣៦នាក់ស្លាប់ដោយសារការរត់ជាន់គ្នា។ លទ្ធផលនៃការសើបអង្កេតបានបង្ហាញឲ្យឃើញថា ថ្នាក់ដឹកនាំស្រុក Huangpu ខ្វះការប្រុងប្រយ័ត្នក្នុងការគ្រប់គ្រងពិធី។
យោងតាម Channel News Asia ក្រោយព្រឹត្តិការណ៍រត់ជាន់គ្នានារាត្រីថ្ងៃទី៣១ ខែធ្នូ ឆ្នាំ២០១៤ មន្ត្រីជាង៥០០នាក់នៃថ្នាក់មូលដ្ឋាន ត្រូវបានស្ថាប័នយុត្តិធម៌បើកការស៊ើបអង្កើត។ លោក Xiao Xinguang ប្រធានការិយាល័យគ្រប់គ្រងគ្រោះអាសន្នប្រចាំក្រុងសៀងហៃ បានលើកឡើងថា៖ «ពិតជាមានករណីខ្វះការត្រៀមលក្ខណៈ និងការធ្វេសប្រហែសរបស់អាជ្ញាធរ»៕
© រក្សាសិទ្ធិដោយ thmeythmey.com