ជាតិ
នយោបាយជាតិ
បក្សប្រជាជនសុំពន្យារពេលជួបមេដឹកនាំបក្សសង្គ្រោះជាតិដោយគ្មានមូលហេតុ
× មិនដូចការគ្រោងទុកឡើយ ជំនួបវាងមេដឹកនាំកំពូលតំណាងរាស្រ្តគណបក្សប្រជាជនកម្ពុជា និងគណបក្សសង្គ្រោះជាតិ ដែលបានសន្យាគ្នាថា នឹងធ្វើនៅព្រឹកថ្ងៃអង្គារនេះ ត្រូវបានលើកពេលដោយគ្មានពេលកំណត់ច្បាស់លាស់។ បើស្តាប់តាមសម្តីរបស់អ្នកនំាពាក្យគណបក្សសង្គ្រោះជាតិ លោក យឹម សុវណ្ណ ដែលបានថ្លែងប្រាប់សារព័ត៌មានថ្មីៗនៅព្រឹកនេះ មូលហេតុដែលជំនួបមេដឹកនាំកំពូលនេះ ត្រូវលើកពេលដោយសារថ្នាក់ដឹកនាំគណបក្សប្រជាជនកម្ពុជា ជាអ្នកសុំពន្យារពេល។
លោក យឹម សុវណ្ណ មិនអាចបញ្ជាក់ពីមូលហេតុពិតប្រាកដដែលគណបក្សប្រជាជនកម្ពុុជា សុំពន្យារពេលនោះទេ ។ « ខ្ញុំមិនដឹងដែរថា មូលហេតុអ្វីបានជាពួកគាត់សុំពន្យារពេល។ តែប្រហែលមន្រ្តីទាំងនោះរវល់ហើយមើលទៅ។ យ៉ាងណាក៏ដោយជំនួបនេះ អាចនឹងធ្វើឡើងវិញនៅពេលឆាប់ៗខាងមុខនេះ» ។ នេះជាការបញ្ជាក់របស់អ្នកនាំពាក្យខាងលើ៕ © រក្សាសិទ្ធិដោយ thmeythmey.com