ក្លិបមានទីតាំងស្ថិតក្នុងទីក្រុង Hamburg ដែលបានបង្កើតប្រវត្តិសាស្ត្រជាថ្មី វិលត្រឡប់ទៅកាន់ក្របខណ្ឌ Bundesliga និងការឈ្នះតំណែងកំពូលតារាង លើកដំបូងដូចគ្នា បានធ្វើឱ្យក្រុមគូប្រជែងស្ថិតក្នុងទីក្រុងតែមួយ Hamburg SV រងភាពអាម៉ាស់ដែលពួកគេមិនអាចសម្រេចបំណងបានក្នុងរដូវកាលនេះ។ Hamburg SV ដែលបច្ចុប្បន្នស្ថិតនៅចំណាត់ថ្នាក់លេខ ៤ ក្នុងលីគ Bundesliga 2 ធ្លាប់បានឈ្នះកៅអីទៅលេង Bundesliga ចំនួន​ ៦លើក។
 

ខណៈការប្រកួតនៅសល់ ១សប្តាហ៍ចុងក្រោយ ក្លិប St Pauli ឈរនៅកំពូលតារាងមាន ៦៦ពិន្ទុ ឈរពីលើក្រុមលេខ ២ Holstein Kiel មានគម្លាតត្រឹមតែ ១ពិន្ទុ និង ៦ពិន្ទុ ពីក្រុមលេខ ៣ Fortuna Duesseldorf។ ក្រុម Hamburg SV ដែលខកចិត្ត ស្ថិតនៅចំណាត់ថ្នាក់លេខ ៤ អស់ឱកាសព្រោះមានកម្លាតដល់ ៥ពិន្ទុពីក្រុមលេខ ៣។