លោក ព្រហ្ម ពន្លឺ ត្រូវជាឪពុករបស់កុមារ ឆាលី បាននិយាយក្នុងសន្និសីទកាសែតថា គំនូរសហសម័យប្រមាណ៣០ទៅ៤០ផ្ទាំង នឹងយកទៅដាក់តាំងពិព័រណ៌ ឱ្យដេញថ្លៃនោះ គឺនិយាយពីជីវភាពរស់នៅរបស់ប្រជាជនខ្មែរ ,ជីវិតរបស់វិចិត្រករផ្ទាល់ និងបង្ហាញពីគំនិតច្នៃប្រឌិតថ្មីៗ របស់វិចិត្រករ។
 

ដើម្បីជ្រាបច្បាស់ សូមអស់លោក លោកស្រី អញ្ជើញទស្សនាវីដេអូ បទសម្ភាសរបស់លោក ព្រហ្ម ពន្លឺ និងលោក ប្រាក់ សំណាង ខាងក្រោម៖

 

ជាវិចិត្រករមកពីខេត្តសៀមរាប លោក ពន្លឺ ថា ការធ្វើកម្មវិធីសប្បុរសធម៌នេះ ពិតជាមានសារសំខាន់បំផុត ដើម្បីជួយជីវិតកូនប្រុសរបស់ខ្លួន។ បើតាមលោក ពន្លឺ កន្លងមក ទឹកប្រាក់ព្យាបាលជំងឺ ឆាលី មានការរួមចំណែកពីសាធារណជន ប្រមាណ៩០ភាគរយឯណោះ។ ក្រៅពីជំនួយដោយផ្ទាល់ពីសាធារណជន លោក ពន្លឺ ក៏ត្រូវប្រើជំនាញរបស់ខ្លួន រកប្រាក់ព្យាបាលកូនប្រុសដែរ។

 

«ខ្ញុំជាសិល្បករ ខ្ញុំមិនអាចធ្វើអ្វីបាន ក្រៅពីលក់ជំនាញរបស់ខ្ញុំឡើយ។ ប្រសិនខ្ញុំយកផ្ទាំងគំនូររបស់ខ្ញុំទៅលក់ មិនប្រាកដថាបងប្អូនទិញគំនូររបស់ខ្ញុំទាំងអស់ឡើយ។ ប៉ុន្តែបើមានគំនូររបស់សិល្បករផ្សេងៗ ទៅលក់ដែរ បងប្អូនអាចស្រឡាញ់គំនូររបស់ពួកគាត់»។ លោក ពន្លឺ បាននិយាយបែបនេះមកកាន់សារព័ត៌មានឌីជីថលថ្មីៗ។​