ជាតិ
×![]()
សៀមរាប៖ ពើងថ្មធំៗ បានធ្វើឲ្យមានភាពទាក់ទាញដល់ទេសចរ ជាក្រុមយុវជន ដែលចូលចិត្តការកម្សាន្តបែបធម្មជាតិ និងថតរូបភាព។ ពើងតានាន់ គឺជាគោលដៅទេសចរណ៍ថ្មីនៅខេត្តសៀមរាប។ ពើងនេះស្ថិតនៅភូមិគោកភ្នៅ ឃុំគោកដូង ស្រុកអង្គរជុំ ខេត្តសៀមរាប។ គេត្រូវធ្វើដំណើរលើចម្ងាយផ្លូវប្រហែល ៦០គីឡូម៉ែត្រ ដើម្បីទៅដល់ពើងធម្មជាតិ តានាន់។
ដោយសារជាគោលដៅទើបនឹងរកឃើញថ្មី ដូច្នេះហេដ្ឋារចនាសម្ព័ន្ធទៅកាន់រមណីយដ្ឋានពើងតានាន់ មិនទាន់មានការរៀបចំនៅឡើយទេ។ សូម្បីម្ហូបអាហារ ក៏ពុំមានដាក់លក់ដែរ ហើយភ្ញៀវទេសចរដែលចង់ទៅកម្សាន្តនៅទីនោះ ត្រូវវេចខ្ចប់ពីផ្ទះទៅ។
ខាងក្រោមនេះជារូបភាពមួយចំនួន ដោយបង្ហាញពីទេសភាពពើងតានាន់ ដែលថតដោយលោក ពៅ អារុណ Admin ក្នុងក្រុម Cambodia Smartphone Photography Club។ សូមអញ្ជើញទស្សនា៖
© រក្សាសិទ្ធិដោយ thmeythmey.com
