បទយកការណ៍ / បទសម្ភាសន៍
សៀមរាបនៅខ្វះបន្ទប់សណ្ឋាគារដើម្បីទទួលភ្ញៀវទេសចរ
× ភ្នំពេញ៖ កាលពីឆ្នាំ២០១៥កន្លងមក កម្ពុជាទទួលបានភ្ញៀវទេសចរបរទេសចំនួន៤លាន៨សែននាក់។ នៅឆ្នាំ២០១៦នេះ ក្រសួងទេសចរណ៍រំពឹងថា អាចនឹងទទួលកំណើនភ្ញៀវទេសចរបរទេសរហូតដល់ទៅ៥លាននាក់ មានន័យថា វានឹងមានកំណើនតិចតួច។ បើទោះបីជាចំនួនភ្ញៀវទេសចរកើនឡើងក្នុងកម្រិតតិចតួចក្តី ក៏លោក ថោង ខុន រដ្ឋមន្ត្រីក្រសួងទេសចរណ៍បានអត្ថាធិប្បាយថា កម្ពុជានៅខ្វះចំនួនបន្ទប់សណ្ឋាគារ និងបន្ទប់ផ្ទះសំណាក់ដើម្បីទទួលភ្ញៀវទេសចរ។
ប្រទេសកម្ពុជាទាំងមូលមានបន្ទប់សណ្ឋាគារ និងផ្ទះសំណាក់ប្រមាណជា៥ម៉ឺនបន្ទប់ ក្នុងនោះ ខេត្តសៀមរាបដែលជាខេត្តទទួលភ្ញៀវទេសចរបានច្រើនជាងគេនោះ មានបន្ទប់សណ្ឋាគារ និងផ្ទះសំណាក់ប្រមាណជា១ម៉ឺនបន្ទប់។ លោក ថោង ខុន បានបញ្ជាក់ថា គ្រាន់តែខេត្តសៀមរាបមួយប៉ុណ្ណោះ គេត្រូវការកំណើនបន្ទប់សណ្ឋាគារ និងផ្ទះសំណាក់ប្រមាណជា១ពាន់បន្ទប់បន្ថែមទៀតមជារៀងរាល់ឆ្នាំ។
សូមអញ្ជើញស្តាប់ការអត្ថាធិប្បាយខ្លីរបស់លោក ថោង ខុន រដ្ឋមន្ត្រីក្រសួងទេសចរណ៍ដូចតទៅ៖
© រក្សាសិទ្ធិដោយ thmeythmey.com