ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាជាតិ
ជាតិ
សៀវម៉ី សុធារ៉ា និងវិទិនី សន្យាធ្វើឲ្យល្អនៅ Rio 2016
26, Jul 2016 ,
4:14 pm
រូបភាព
×
ដោយ:
នាពិធីទទួលប្រាក់ឧបត្ថម្ភពីឆ្នោតកីឡាជាតិកាលពីថ្ងៃចន្ទ កីឡាការិនីកម្ពុជា៣រូបរួមមានកីឡាការិនីចំបាប់ ចូវ សុធារ៉ា កីឡាការិនីតេក្វាន់ដូ ស៊ន សៀវម៉ី និងកីឡាការិនីហែលទឹក ហែម ថុនវិទិនី មានការប្តេជ្ញាខ្ពស់រៀងៗខ្លួនដើម្បីធ្វើឲ្យបានល្អក្នុងព្រឹត្តិការណ៍កីឡាអូឡាំពិកនៅទីក្រុងរីយ៉ូ ប្រទេសប្រេស៊ីលនាខែសីហាខាងមុខ។
តាមរយៈបទពិសោធន៍នៃការប្រកួត និងការហ្វឹកហាត់នៅក្រៅប្រទេសរៀងៗខ្លួន កីឡាការិនីអូឡាំពិកកម្ពុជា៣រូបរួមមានកីឡាការិនីចំបាប់ ចូវ សុធារ៉ា, កីឡាការិនីតេក្វាន់ដូ ស៊ន សៀវម៉ី និងកីឡាការិនីហែលទឹក ហែម ថុនវិទិនី សុទ្ធតែមានការតាំងចិត្តខ្ពស់ដើម្បីធ្វើឲ្យល្អនៅក្នុងព្រឹត្តិការណ៍កីឡាអូឡាំពិកនៅទីក្រុង Rio de Janeiro ប្រទេសប្រេស៊ីល។
សម្រាប់ ចូវ សុធារ៉ា ដែលត្រូវប្រកួតលើវិញ្ញាសា៤៨គីឡូក្រាម ទោះបីវាជាការបង្ហាញវត្តមានជាលើកដំបូងក្នុងព្រឹត្តិការណ៍នេះ ប៉ុន្តែកីឡាការិនីចំបាប់ជើងចាស់ បានប្តេជា្ញថា នឹងខិតខំប្រឹងប្រែងឲ្យអស់ពីសមត្ថភាពដើម្បីទទួលបានកំណត់ត្រាល្អ និងរហូតដល់ឈានទៅដណ្តើមមេដាយពីព្រឹត្តិការណ៍កីឡាអូឡាំពិកជូនជាតិកម្ពុជា។
កីឡាការិនីរូបនេះបានបញ្ជាក់ថា៖«ខ្ញុំនឹងខិតខំប្រឹងប្រែងឲ្យអស់ពីសមត្ថភាពសម្រាប់ការប្រកួតកីឡាអូឡាំពិកជាលើកដំបូងរបស់ខ្ញុំ ដើម្បីដណ្តើមយកមេដាយជូនជាតិកម្ពុជាតាមរយៈបទពិសោធន៍នៃការប្រកួតដែលខ្ញុំបានប្រឡូកអស់រយៈពេលជាច្រើនឆ្នាំមកនេះ។ ម្យ៉ាងទៀតតាមរយៈបទពិសោធន៍ដែលខ្ញុំបានហ្វឹកហាត់អស់រយៈពេលជាច្រើនខែនៅក្រៅប្រទេស និងហ្វឹកហាត់ជាមួយគ្រូជនជាតិកូរ៉េនៅកម្ពុជា»។
ដោយសារកីឡាអូឡាំពិកជាក្តីស្រមៃចុងក្រោយ និងមានអាយុកាន់ច្រើនបានធ្វើឲ្យកីឡាការិនីចំបាប់ដែលមានវ័យ៣៣ឆ្នាំរូបនេះបានប្រកាសថា នឹងបញ្ចប់អាជីពជាកីឡាការិនី ក្រោយត្រឡប់មកពីចូលរួមប្រកួតកីឡាអូឡាំពិក។ ប៉ុន្តែកីឡាការិនីរូបនេះមិនឃ្លាតឆ្ងាយពីវិស័យកីឡាចំបាប់នោះទេ ពោលគឺរូបគេនឹងបន្តអាជីពជាគ្រូបង្វឹកកីឡាចំបាប់វិញម្តង។
ទោះបីវាជាការចូលរួមជាលើកដំបូងក៏ដោយតែរូបគេសង្ឃឹមថា នឹងអាចបំបែកកំណត់ត្រាចាស់របស់លោក វ៉ាត់ ចំរើន ដែលធ្លាប់បានចូលរួមព្រឹត្តិការណ៍កីឡាអូឡាំពិកនាពេលកន្លងមក។ ការរំពឹងបែបនេះដោយសាររូបគេយល់ថា សម្រាប់វិញ្ញាសាចំបាប់ស្ត្រីមានលក្ខណៈខុសពីបុរស ព្រោះស្ត្រីមានកាយសម្បទាន សមត្ថភាព និងកម្លាំងមិនលើសគ្នានោះទេ។ ទោះបីជាយ៉ាងនេះក្តីក្នុងចំណោមប្រទេសដែលចូលរួមទាំងអស់ រូបគេបានចាត់ទុកប្រទេសជប៉ុនជាឧបសគ្គដ៏ធំសម្រាប់រូបគេ ព្រោះស្ត្រីនៃប្រទេសនេះភាគច្រើនដណ្តើមបានមេដាយមាសសម្រាប់ការចូលរួមរបស់គេ។
គូរបញ្ជាក់ថា តាំងពីចូលប្រឡូកក្នុងវិស័យកីឡាចំបាប់រហូតដល់បច្ចុប្បន្ន ចូវ សុធារ៉ា ទទួលបានមេដាយមាស២ ប្រាក់១ និងសំរឹទ្ធ៣ ដោយមេដាយមាសទទួលបានក្នុងឆ្នាំ២០០៩ និង២០១៣ មេដាយសំរឺទ្ធទទួលបានក្នុងឆ្នាំ២០០៣ ២០០៥ និង២០១៣ និងមេដាយប្រាក់ទទួលបានក្នុងប្រទេសសិង្ហបុរី។
ម្ចាស់មេដាយមាសទី្វបអាស៊ី ស៊ន សៀវម៉ី ដែលជាបេក្ខភាពក្តីរំពឹងរបស់កម្ពុជាទោះបីជាមិនហ៊ានរំពឹងទុកមុនសម្រាប់លទ្ធផលចាញ់ ឬឈ្នះយ៉ាងណាក្តី ប៉ុន្តែរូបបានបញ្ជាក់ថា នឹងមិនធ្វើឲ្យអ្នកដែលលើកទឹកចិត្ត និងរំពឹងលើកញ្ញាខកចិត្តនោះទេ ពោលគឺរូបគេនឹងខិតខំប្រឹងប្រែងឲ្យអស់ពីសមត្ថភាព។
ម្ចាស់មេដាយមាសទ្វីបអាស៊ីរូបនេះបញ្ជាក់ថា៖«សម្រាប់ខ្ញុំក៏ដូចជាខ្លួនខ្ញុំផ្ទាល់ព្រមទាំងកម្លាំងកាយ និងកម្លាំងចិត្តគឺត្រៀមខ្លួនរួចហើយសម្រាប់ការប្រកួតមួយនេះ ទោះបីជាលទ្ធផលយ៉ាងណាខ្ញុំនឹងខិតខំប្រឹងប្រែងឲ្យអស់ពីសមត្ថភាពដើម្បីតបស្នងទៅដល់អ្នកដែលតែងតែសង្ឃឹមក៏ដូចជាផ្តល់កម្លាំងចិត្តដល់ខ្ញុំ»។
ទោះបីជាមានការប្តេជ្ញាយ៉ាងនេះក្តី ប៉ុន្តែកីឡាការិនីរូបនេះបានចាត់ទុកប្រទេសទាំង១៦ដែលចូលរួម គឺជាឧបសគ្គសម្រាប់ការប្រកួតនេះ ហើយប្រទេសដែលរូបគេត្រូវជួបជុំទី១ក៏ជាប្រទេសមួយដ៏ខ្លាំងផងដែរ។ ហើយប្រសិនបើកីឡាការិនីរូបនេះអាចយកឈ្នះនៅវគ្គ១៦នាក់ និង៨នាក់ចុងក្រោយង នឹងជួបការលំបាកកាន់តែខ្លាំងនៅវគ្គ៤ក្រុមចុងក្រោយ ព្រោះក្នុងវគ្គនេះត្រូវជួបជាមួយប្រទេសក្នុងតំបន់អឺរ៉ុប ដូចជាម៉ិកស៊ិកកូ និងសហរដ្ឋអាមេរិក ជាដើម។
ដោយឡែកកីឡាការិនីហែលទឹក ហែម ថុនវិទិនី ទោះបីជាការប្រកួតកីឡាអូឡាំពិកជាការប្រកួតដែលពិបាកក្នុងការដណ្តើមយកមេដាយ ប៉ុន្តែរូបគេបានប្តេជា្ញថា នឹងប្រឹងប្រែងឲ្យអស់ពីសមត្ថភាពតាមដែលអាចធ្វើទៅបាន ជាពិសេសរូបគេចង់ឈ្នះក្រុមដែលហ្វឹកហាត់រួមគ្នានៅប្រទេសថៃ ដើម្បីបំបែកកំណាត់ចាស់របស់ខ្លួន ក៏ដូចជាប្រទេសជាតិ។ កីឡាការិនីរូបនេះបានចាត់ទុកសហរដ្ឋអាមេរិកជាឧបសគ្គដ៏ធំសម្រាប់គេ ព្រោះប្រទេសនេះតែងតែដណ្តើមបានមេដាយមាសពីព្រឹត្តិការណ៍នេះ។
កីឡាការិនី ហែម ថុនវិទិនី បញ្ជាក់ដូច្នេះថា៖«ខ្ញុំបានត្រៀមខ្លួនរួចហើយសម្រាប់ការចូលរួមនៅក្នុងព្រឹត្តិការណ៍នេះជាមួយនឹងបច្ចេកទេសដែលបានហ្វឹកហាត់នៅប្រទេសថៃ។ ខ្ញុំប្តេជ្ញាថា នឹងខិតខំប្រឹងប្រែងឲ្យអស់ពីសមត្ថភាពនូវអ្វីដែលខ្ញុំមាន ទោះបីការប្រកួតនេះវាពិបាកក្នុងការដណ្តើមយកមេដាយក៏ដោយ ប៉ុន្តែខ្ញុំចង់ឈ្នះអ្នកដែលនៅក្នុងក្រុមដែលហ្វឹកហាត់នៅថៃជាមួយខ្ញុំ»។
នេះជាលើកទី៣ហើយសម្រាប់កីឡាការិនីហែលទឹក ថែម ថុនវិទិនី ក្នុងការចូលរួមព្រឹត្តិការណ៍កីឡាអូឡាំពិកនេះ ព្រោះរូបគេធ្លាប់បានចូលរួមក្នុងព្រឹត្តិការណ៍នេះពីរដងរួចមកហើយ ដោយលើកទី១នៅទីក្រុងប៉េកាំង ប្រទេសចិន និងលើកទី២នៅទីក្រុងឡុងដ៏ ប្រទេសអង់គ្លេស ប៉ុន្តែមិនទទួលបានមេដាយនោះទេ។
គួរបញ្ជាក់ថា បេក្ខភាពកម្ពុជាដែលចូលរួមក្នុងព្រឹត្តិការណ៍កីឡាអូឡាំពិកនៅទីក្រុងរីយ៉ូ ប្រទេសប្រេស៊ីលមានចំនួន៦នាក់រួមមានកីឡាការិនី ចូវ សុធារ៉ា, ស៊ន សៀវម៉ី, ហែម ថុនវិទិនី, លី ណារី, កីឡាករ ពូ សុវិជ្ជា និងកីឡាករ នីកូ។ សម្រាប់កីឡាការិនី ចូវ សុធារ៉ា, ស៊ន សៀវម៉ី, និងកីឡាការិនី ហែម ថុនវិទិនី នឹងចាកចេញពីទីក្រុងភ្នំពេញនៅថ្ងៃទី២៨ ខែកក្កដា នាវេលាម៉ោង៤រសៀលខាងមុខនេះ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ចូវ សុធារ៉ា
ស៊ន សៀវម៉ី
ហែម ថុនវិទិនី
កីឡាអូឡាំពិក
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
2 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
3 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
6 ថ្ងៃ
«បុរាណ»និង«បូរាណ» មានអត្ថន័យដូចគ្នា
7 ថ្ងៃ
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
5 ថ្ងៃ
អត្ថបទពេញនិយមបន្ថែម