ទូតបារាំង នឹងបំពាក់គ្រឿងឥស្សរិយយសខ្ពស់បំផុតនៅបារាំង ជូនអ្នកស្រី ពុង ឈីវកេក

ជាតិ

ទូតបារាំង នឹងបំពាក់គ្រឿងឥស្សរិយយសខ្ពស់បំផុតនៅបារាំង ជូនអ្នកស្រី ពុង ឈីវកេក

27, Jul 2016 , 1:36 pm

រូបភាព

ដោយ:

លោកហ្សង់ក្លូដ ពាំបឺហ្វ ឯកអគ្គរដ្ឋទូតបារាំងប្រចាំកម្ពុជា នឹងធ្វើការបំពាក់គ្រឿងឥស្សរិយយស ឡាឡេស្យុងដោនើរ (La Légion d’Honneur) ថ្នាក់អស្សឫទ្ធិ ជូនអ្នកស្រី ពុង ឈីវកេក ប្រធានអង្គការសិទ្ធិមនុស្សលីកាដូ។ ពិធីនេះ នឹងប្រារព្ធឡើង នៅម៉ោង ៦ ល្ងាច ថ្ងៃព្រហស្បតិ៍ ទី២៨ ខែកក្កដា ខាងមុខនេះ នៅស្ថានទូតបារាំងប្រចាំនៅកម្ពុជា។

បើតាមសេចក្តីជូនដំណឹងរបស់ស្ថានទូតបារាំងប្រចាំនៅកម្ពុជា ការបំពាក់គ្រឿងឥស្សរិយយសដល់អ្នកស្រី អ្នកស្រី ពុង ឈីវកេក នេះ ដើម្បីជាសក្ខីភាពនៃការកោតសរសើររបស់ប្រទេសបារាំងចំពោះតួនាទីរបស់អ្នកស្រី ក្នុងដំណើរការជួយផ្សះផ្សារជាតិ និងការលើកស្ទួយសិទ្ធិមនុស្សនៅកម្ពុជា។

គ្រឿងឥស្សរិយយសឡាឡេស្យុងដោនើរ គឺជាគ្រឿងឥស្សរិយយសដ៏ឧត្តុង្គឧត្តមបំផុតរបស់ប្រទេសបារាំង ដែលត្រូវបានបង្កើតឡើងដោយព្រះចៅណាប៉ូឡេអុងបូណាប៉ាតក្នុងនៅឆ្នាំ១៨០២ ។

សូមរម្លឹកថា អ្នកស្រី ពុង ឈីវកេក គឺជាអ្នកខំប្រឹងប្រែងក្នុងការរៀបចំ និងទាក់ទងឲ្យមានជំនួបរវាងសម្តេច នរោត្តម សីហនុ ជាមួយសម្តេច ហ៊ុន សែន នៅទីក្រុងប៉ារីស មុននឹងសម្រេចចេញជាលទ្ធផលនៃកិច្ចព្រមព្រៀងសន្តិភាពទីក្រុងប៉ារីស ២៣ តុលា ឆ្នាំ ១៩៩១។ ការខំប្រឹងប្រែងរបស់អ្នកស្រី ពុង ឈីវកេក ក្នុងបុព្វហេតុនេះ មិនត្រឹមតែមហាជនខ្មែរទទួលស្គាល់ទេ តែកន្លងទៅសម្តេច ហ៊ុន សែន ក៏ធ្លាប់សរសើរពីគុណសម្បត្តិរបស់អ្នកស្រី ពុង ឈីវកេក ចំពោះបេសកកម្មនេះផងដែរ៕

Tag:

អ្នកស្រី ពុង ឈីវកេក

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

6 ថ្ងៃ

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

1 សប្តាហ៍

«មជ្ឈការ»មានន័យខុសពី«វិមជ្ឈការ»ដូចម្តេច?

4 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

6 ថ្ងៃ

«ប្រេសិត»មានន័យដូចម្តេច?

5 ថ្ងៃ

អត្ថបទពេញនិយមបន្ថែម