អត្ថបទពាណិជ្ជកម្ម
ឈ្នះអាផាតមិននៅដឺហ្គាដិនរេស៊ីដិនស៊ី ជាមួយយុទ្ធនាការ ដាក់ប្រាក់សន្សំ ឈ្នះរង្វាន់ធំរបស់ ធនាគារ មេយប៊ែង
×
កាលពីពេលថ្មីៗនេះ ធនាគារ មេយប៊ែង បានចាប់ផ្តើមយុទ្ធនាការ ដាក់ប្រាក់សន្សំ ឈ្នះរង្វាន់ធំ ដំបូងគេបង្អស់ក្នុងវិស័យធនាគារ។ ការធ្វើឡើងនេះដើម្បីជំរុញឱ្យអតិថិជនរបស់ខ្លួនដាក់ប្រាក់សន្សំរួមជាមួយនិងឱកាសឈ្នះរង្វាន់អាផាតមិន ដែលមានបន្ទប់គេង ១ចំនួនមួយរង្វាន់។
លោកស្រី ស៊ីនត្សៀ លីវ នាយិការប្រតិបត្តិនៃ ធនាគារ មេយប៊ែង ( ខេមបូឌា ) ភីអិលស៊ី បានមានប្រសាសន៍ថា យុទ្ធនាការ ដាក់ប្រាក់សន្សំ ឈ្នះរង្វាន់ធំរបស់ ធនាគារ មេយប៊ែង មានសុពលភាពរហូតដល់ថ្ងៃ ទី ៣១ ខែ ធ្នូ ឆ្នាំ ២០១៦។ សម្រាប់អតិថិជនថ្មី និងចាស់ ដែលបើកគណនីសន្សំ ឬដាក់ប្រាក់សន្សំបន្ថែមទៅក្នុងគណនីរបស់ពួកគេដែលមានស្រាប់ជាមួយនិងធនាគារ មេយប៊ែង ។
គួរបញ្ជក់ផងដែរថា ចំនួនសំបុត្រដែលអាចចូលរួមចាប់ឆ្នោតយករង្វាន់នឹងត្រូវកំណត់ដោយផ្អែកលើសមតុល្យជាមធ្យមសម្រាប់រយៈពេល ៧ ខែ ដោយគិតចាប់ពី ខែ មិថុនា រហូតដល់ខែ ធ្នូ ឆ្នាំ ២០១៦។ សម្រាប់សមតុល្យជាមធ្យមនៅក្នុងគណនីរបស់អតិថិជនត្រូវតែច្រើនជាងសមតុល្យជាមធ្យមដែលពួកគេមានក្នុងខែ ឧសភា ឆ្នាំ ២០១៦។ រាល់ការកើនឡើងនៃប្រាក់សន្សំចំនួន ៥០០ ដុល្លារ និងទទួលបានសំបុត្រចូលរួមចាប់ឆ្នោតមួយសន្លឹក។ យុទ្ធនាការទីផ្សារថ្មីនេះគឺកិច្ចសហការរវាង ធនាគារ មេយប៊ែង ជាមួយនិង ក្រុមហ៊ុន JS LAND LIMITED ដែលជាក្រុមហ៊ុនឯកទេសក្នុងការវិនិយោគអចលនទ្រព្យរបស់ម៉ាឡេស៊ី ដែលបានសាងសង់អាផាតមិន នៅដឺហ្គាដិនរេស៊ីដិនស៊ី ដែលមានទីតាំងនៅក្នុងរាជធានីភ្នំពេញ។
Dato Jack Yab អគ្គនាយកគ្រប់គ្រងក្រុមហ៊ុន JS LAND បានមានប្រសាសន៍ថាក្រុមហ៊ុនរបស់លោកពិតជាមានមោទនភាពខ្លាំងណាស់ដែលបានសហការជាមួយនិងធនាគារ មេយ ប៊ែង ក្នុងការផ្តល់ឱកាសឱ្យប្រជាជនក្នុងតំបន់អាចទទួលបានគេហដ្ឋានដ៏ល្អប្រណិតមួយនេះ។ ក្រុមហ៊ុន JS LAND នឹងផ្តល់ជូននូវឱកាសពិសេសបន្ថែមទៀតសម្រាប់អតិថិជនដែលប្រើប្រាស់កម្ចីទិញផ្ទះរបស់ធនាគារ មេយប៊ែង ដើម្បីទិញអាផាតមិននៅដឺហ្គាដិនរេស៊ីដិនស៊ី ដែលស្ថិតក្រោមគោលការណ៍ DIBS។ នៅក្រោមគោលការណ៍នេះ អតិថិជន របស់ដឺហ្គាដិនរេស៊ីដិនស៊ី ទាំងអស់មិនតម្រូវឱ្យបង់កម្រៃការប្រាក់ក្នុងកំឡុងពេលដែលដឺហ្គាដិនរេស៊ីដិនស៊ី មិនទាន់ ប្រគល់អាផាតមិន ជូនអតិថិជននោះទេ។ ការទូទាត់កម្រៃការប្រាក់និងត្រូវលើកលែងសម្រាប់គោលការណ៍មួយនេះ។
( អត្ថបទពាណិជ្ជកម្ម)
© រក្សាសិទ្ធិដោយ thmeythmey.com