អត្ថបទពាណិជ្ជកម្ម
Brown សម្ពោធសាខាទី១២ ដោយបង្កប់ផ្នត់គំនិត ធ្វើឱ្យចាស់ក្លាយជាថ្មី
×
កាលពីថ្មីៗនេះ ប្រោនរ៉េនទ្រី( Brown Raintree ) ជាសាខាទី១២ បានសម្ពោធជាផ្លូវការ នៅអគាររ៉េនទ្រី ក្រោយវិមានកាណាឌីយ៉ា។ នៅក្នុងការបើកសម្ពោធនេះក៏មានការចូលរួមយ៉ាងច្រើនពីសំណាក់ សិស្ស និស្សិត សហគ្រិន និងបុគ្គលិកស្ថាប័នផ្សេងៗផងដែរ។ ប្រោនរ៉េនទ្រី សាខាថ្មី មានទីតាំងធំទូលាយដែលអាចឱ្យអតិថិជនងាយស្រួលនៅក្នុងការ ពិភាក្សាការងារ ការរៀនសូត្រ និងការចតយាន្តជំនិះ។
លោក ផន រស្មីដែលជាអ្នកគ្រប់គ្រងហាងបាននិយាយថា “រ៉េនទ្រីជាឈ្មោះភាសាអង់គ្លេស ដែលមានន័យថាដើមចន្ទ័គិរី វារីកលូតលាស់លឿន និង បែកមែកសាខាធំ។ ដូច្នេះប្រោនរ៉េនទ្រី ប្រៀបបានដូចនិងសាលជួបជុំដ៏ធំមួយ ដែលអ្នករាល់គ្នាអាចធ្វើការងារ កម្សាន្ត និងធ្វើការប្រាស្រ័យទាក់ទងគ្នាបានច្រើនជាងមុន។
កញ្ញា ធន ម៉ាឡា បានឱ្យដឹងថា “មូលហេតុដែលប្រោនធ្វើផ្ទាំងថតរូបដែលប្រើសុទ្ធតែ របស់ដែលប្រើប្រាស់ក្នុងហាងហើយមានដូចជា ក្រដាសជូតមាត់ ក្រដាសវេចខ្ជប់នំ និង បំពង់បឺតប្រោនដែលបានលាងសម្អាតបន្ទាប់ពីអតិថិជនប្រើប្រាស់ហើយ គឺមានបំណងធ្វើឱ្យរបស់ចាស់ក្លាយជាថ្មី។ វាពិតអាចចូលរួមក្នុងការផ្តល់ជាគំរូនៃការកាត់បន្ថយការប្រើប្រាស់វត្ថុធាតុដើម កាត់បន្ថយកាកសំណល់នៅគំនរសំរាម ពិសេសកាត់បន្ថយការបំពុលនៃបរិស្ថានផ្សេងៗ។ លើសពីនេះ ការច្នៃរបស់ចាស់បែបនេះ ក៏បង្ហាញពីគំនិតច្នៃប្រឌិតដ៏ខ្ពស់មួយផងដែរ។ កញ្ញាបានបន្តទៀតថា ក្នុងអំឡុងពេលបើកសាខាថ្មីនេះ ប្រោនបានចេញដបទឹកថ្មី៤មុខ ក្នុងគោលបំណង ពញាក់អារម្មណ៍អតិថិជនអោយកាត់បន្ថយប្រើប្រាស់កែវប្លាស្ទិក ហើយងាកមកប្រើរបស់ដែលប្រើប្រាស់បានច្រើនដង និង ប្រើអោយអស់លទ្ធភាព។
មានវីដេអូ
( អត្ថបទពាណិជ្ជកម្ម )
© រក្សាសិទ្ធិដោយ thmeythmey.com