ជាតិ
រដ្ឋាភិបាល និង អង្គការ WCS នឹងចុះហត្ថលេខាលើកិច្ចព្រមព្រៀងផ្ទេរឥណទានកាបូន
×![]()
ដោយ: ថ្មីៗ
រដ្ឋាភិបាល និងអង្គការសមាគមអភិរក្សសត្វព្រៃនៅកម្ពុជា(WCS) នឹងចុះហត្ថលេខា លើការអនុវត្តតាមកិច្ចព្រមព្រៀង ផ្ទេរឥណទានកាបូនទៅឲ្យក្រុមហ៊ុន Disney នៅថ្ងៃទី១១ សីហា វេលាម៉ោង ៣រសៀល នៅសាលប្រជុំ ម៉ុក ម៉ារ៉េត នាទីស្ដីការក្រសួងបរិស្ថាន ។ នេះបើផ្អែកតាមសេចក្ដីប្រកាសព័ត៌មានរបស់ស្ថានទូតអាមេរិកប្រចាំកម្ពុជា។ 
លោក William A. Heidt ឯកអគ្គរដ្ឋទូតសហរដ្ឋអាមេរិកប្រចាំកម្ពុជា នឹងលោក សាយ សំអាល់ រដ្ឋមន្ត្រីក្រសួងបរិស្ថាន នឹងចូលរួមពិធីចុះហត្ថលេខាលើគម្រោងនៃកិច្ចព្រមព្រៀងដែលនឹងត្រួតពិនិត្យលើការប្រើប្រាស់មូលនិធិ បានមកពីការផ្ទេរឥណទានកាបូនទៅឲ្យក្រុមហ៊ុន Disney នេះ។
គួរបញ្ជាក់ថា ឥណទានកាបូនដែលត្រូវបានលក់នេះ ត្រូវបានគេដាក់នៅលើទីផ្សារកាបូនស្ម័គ្រចិត្ត ដែលអាចឲ្យក្រុមហ៊ុនឯកជន អង្គការ និងបុគ្គលម្នាក់ៗ ធ្វើការបង់ប្រាក់សម្រាប់សកម្មភាពជាច្រើន ដែលចូលរួមកាត់បន្ថយការបញ្ចេញឧស្ម័ន។
កន្លងមកលោក សាយ សំអាល់ រដ្ឋមន្ត្រីក្រសួងបរិស្ថាន បានមានប្រសាសន៍ថា ការលក់ឥណទានកាបូនទ្រង់ទ្រាយធំដំបូងបង្អស់របស់កម្ពុជានេះ គឺជាផ្នែកមួយនៃចក្ខុវិស័យរបស់យើង ដើម្បីទទួលបាននិរន្តរភាពហិរញ្ញវត្ថុសម្រាប់តំបន់ការពារនៅក្នុងប្រទេសកម្ពុជា។ លោកបន្តថា តាមរយៈកិច្ចព្រមព្រៀងនេះ នឹងផ្តល់ថវិកាសឹងតែទាំងអស់សម្រាប់ការពារព្រៃឈើ និងការអភិវឌ្ឍន៍សហគមន៍ ។
សូមបញ្ជាក់ថា ការផ្ទេរឥណទានកាបូននៃដែនជម្រកសត្វព្រៃកែវសីមាដល់ក្រុមហ៊ុន Disney នេះ មានផ្ទៃដី២៩២,៦៩០ហិចតា ស្ថិតនៅក្នុងខេត្តខេត្តមណ្ឌលគិរី។ ក្រុមហ៊ុន Disney ដែលជាក្រុមហ៊ុនវិនិយោគលើការកាត់បន្ថយឧស្ម័នផ្ទះកញ្ចក់នៅទូទាំងពិភពលោក៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
