ជាតិ
លោក ហុង លីម តំណាងរាស្រ្ត ដើមកំណើតខ្មែរ
×![]()
ដោយ: ថ្មីៗ
ទីបំផុត ក្រសួងការបរទេសកម្ពុជាបានប្រកាសមិនទទួលស្វាគមន៍លោក ហុង លីម តំណាងរាស្ត្រអូស្រ្តាលី ដើមកំណើតខ្មែរ ឲ្យចូលក្នុងប្រទេសកម្ពុជាឡើយ។ សេចក្តីសម្រេចនេះត្រូវបានធ្វើឡើងនៅថ្ងៃទី១០ខែសីហានេះ តាមរយៈសេចក្តីប្រកាសដែលចាត់ទុកលោក ហុង លីម ជាជនដែល«មិនត្រូវបានស្វាគមន៍» (Persona non grata)។
ក្រសួងការបរទេសកម្ពុុជាបានធ្វើសេចក្តីសម្រេចនេះ បន្ទាប់ពីលោក ហុង លីម បានធ្វើអត្ថាធិប្បាយនៅលើរលកធាតុអាកាសនៃវិទ្យុអាស៊ីសេរីនៅថ្ងៃទី៤ខែសីហា ចាត់ទុកប្រទេសកម្ពុជាដូចរបបតិរច្ឆាន។ ក្រសួងការបរទេសបានថ្លែងថ្កោលទោស លោក ហុង លីម យ៉ាងខ្លាំង ហើយបានបញ្ជាក់ថា លោក ហុង លីម កំពុងតែប្រមាថប្រជាជាតិកម្ពុជាទៀតផង។
«ក្រសួងការបរទេសថ្កោលទោសដាច់អហង្ការបុគ្គលឈ្មោះ ហុង លីម ចំពោះការនិយាយបង្ខូចកិត្តិយស ដែលផ្ទុយពីការពិតជាក់ស្តែងនៅកម្ពុជា»។ នេះជាការបញ្ជាក់នៅក្នុងសេចក្តីថ្លែងការណ៍របស់ក្រសួងការបរទេស ដោយបន្តយ៉ាងដូច្នេះថា៖«ការប្រមាថរបស់បុគ្គល ហុង លីម ចំពោះប្រជាជាតិកម្ពុជា បានជំរុញឲ្យក្រសួងការបរទេសសម្រេចចាត់ទុកបុគ្គលនេះ ជាជនមិនត្រូវបានស្វាគមន៍»។
ទោះយ៉ាងណាក៏ដោយ នៅក្នុងសេចក្តីថ្លែងការណ៍ដដែលនេះ ក្រសួងការបរទេសថ្លែងសង្ឃឹមថា ការអត្ថាធិប្បាយរបស់លោកតំណាងរាស្ត្រអូស្រ្តាលីដើមកំណើតខ្មែរ មិនឆ្លុះបញ្ចាំងពីទស្សនៈរបស់ប្រជាជនអូស្ត្រាលី និងរដ្ឋាភិបាលអូស្ត្រាលីដែលកំពុងមានទំនាក់ទំនងដ៏ល្អលើច្រើនវិស័យជាមួយកម្ពុជានោះឡើយ។
ដូចក្តីសង្ឃឹមរបស់កម្ពុជាមែន ស្ថានទូតអូស្ត្រាលីប្រចាំកម្ពុជាបានចេញថ្លែងការណ៍មួយភ្លាមៗដែរ បញ្ជាក់ថា លោក ហុង លីម មិនបាននិយាយក្នុងនាមរដ្ឋាភិបាល និងសភាសហព័ន្ធរបស់ខ្លួនឡើយ ហើយថាអូស្ត្រាលីក៏នៅតែផ្តល់តម្លៃខ្ពស់ចំពោះទំនាក់ទំនងរវាងប្រទេសទាំងពីរ៕
ក្រសួងការបរទេសកម្ពុុជាបានធ្វើសេចក្តីសម្រេចនេះ បន្ទាប់ពីលោក ហុង លីម បានធ្វើអត្ថាធិប្បាយនៅលើរលកធាតុអាកាសនៃវិទ្យុអាស៊ីសេរីនៅថ្ងៃទី៤ខែសីហា ចាត់ទុកប្រទេសកម្ពុជាដូចរបបតិរច្ឆាន។ ក្រសួងការបរទេសបានថ្លែងថ្កោលទោស លោក ហុង លីម យ៉ាងខ្លាំង ហើយបានបញ្ជាក់ថា លោក ហុង លីម កំពុងតែប្រមាថប្រជាជាតិកម្ពុជាទៀតផង។
«ក្រសួងការបរទេសថ្កោលទោសដាច់អហង្ការបុគ្គលឈ្មោះ ហុង លីម ចំពោះការនិយាយបង្ខូចកិត្តិយស ដែលផ្ទុយពីការពិតជាក់ស្តែងនៅកម្ពុជា»។ នេះជាការបញ្ជាក់នៅក្នុងសេចក្តីថ្លែងការណ៍របស់ក្រសួងការបរទេស ដោយបន្តយ៉ាងដូច្នេះថា៖«ការប្រមាថរបស់បុគ្គល ហុង លីម ចំពោះប្រជាជាតិកម្ពុជា បានជំរុញឲ្យក្រសួងការបរទេសសម្រេចចាត់ទុកបុគ្គលនេះ ជាជនមិនត្រូវបានស្វាគមន៍»។
ទោះយ៉ាងណាក៏ដោយ នៅក្នុងសេចក្តីថ្លែងការណ៍ដដែលនេះ ក្រសួងការបរទេសថ្លែងសង្ឃឹមថា ការអត្ថាធិប្បាយរបស់លោកតំណាងរាស្ត្រអូស្រ្តាលីដើមកំណើតខ្មែរ មិនឆ្លុះបញ្ចាំងពីទស្សនៈរបស់ប្រជាជនអូស្ត្រាលី និងរដ្ឋាភិបាលអូស្ត្រាលីដែលកំពុងមានទំនាក់ទំនងដ៏ល្អលើច្រើនវិស័យជាមួយកម្ពុជានោះឡើយ។
ដូចក្តីសង្ឃឹមរបស់កម្ពុជាមែន ស្ថានទូតអូស្ត្រាលីប្រចាំកម្ពុជាបានចេញថ្លែងការណ៍មួយភ្លាមៗដែរ បញ្ជាក់ថា លោក ហុង លីម មិនបាននិយាយក្នុងនាមរដ្ឋាភិបាល និងសភាសហព័ន្ធរបស់ខ្លួនឡើយ ហើយថាអូស្ត្រាលីក៏នៅតែផ្តល់តម្លៃខ្ពស់ចំពោះទំនាក់ទំនងរវាងប្រទេសទាំងពីរ៕
© រក្សាសិទ្ធិដោយ thmeythmey.com
