អន្តរជាតិ
បងធំអាស៊ាន កម្ទេចទូកនេសាទខុសច្បាប់ វៀតណាម ចិន...សាទរថ្ងៃបុណ្យឯករាជ្យជាតិ
រូបភាពអាជ្ញាធរឥណ្ឌូនេស៊ីកម្ទេចទូកនេសាទ កាលពីខែមេសាកន្លងទៅ (ថតដោយ៖ Xinhua)
×![]()
នៅថ្ងៃទី១៧ ខែសីហាម្សិលមិញនេះ សាធារណរដ្ឋឥណ្ឌូនេស៊ី បានប្រារព្ធពិធី«បុណ្យឯករាជ្យជាតិ»លើកទី៧១។ នាឱកាសនោះដែរ ក្រៅពីការលេងល្បែងប្រជាប្រិយបែបប្រពៃណី រដ្ឋបងធំអាស៊ានមួយនេះ ក៏បានកម្ទេចទូកនេសាទខុសច្បាប់បរទេសរាប់សិបគ្រឿងដើម្បីជាការសាទរ និងបង្ហាញពីឥទ្ធិពលរបស់ខ្លួនក្នុងការបោសសម្អាតបទល្មើសនេសាទខុសច្បាប់នៅក្នុងដែនអធិបតេយ្យរបស់ខ្លួនផងដែរ។ 
រដ្ឋមន្ត្រីដែនសមុទ្រ និងនេសាទឥណ្ឌូនេស៊ី លោកស្រី Susi Pudjiastuti បានថ្លែងនៅក្នុងសន្និសីទសារព័ត៌មានថា អាជ្ញាធរ បានកម្ទេចទូកនេសាទបរទេស៦០គ្រឿង ដែលបានចូលនេសាទខុសច្បាប់នៅក្នុងដែនទឹកឥណ្ឌូនេស៊ីដោយការពន្លិចចោល នៅថ្ងៃបុណ្យឯករាជ្យជាតិលើកទី៧១ម្សិលមិញនេះ។ ការកម្ទេចទូកទាំងនេះ ត្រូវបានលោកស្រីបញ្ជាក់ថា ធ្វើឡើងនៅក្នុងទីតាំងប្រាំបីកន្លែងទូទាំងប្រទេស។ នេះបើយោងតាមសារព័ត៌មាន The Jakarta Post។
នាឱកាសនោះដែរ លោកស្រីរដ្ឋមន្ត្រី ក៏បានសង្កត់ធ្ងន់ដែរថា «យើង ពិតជាយល់ដឹងពីផលប៉ះពាល់(ពីការកម្ទេចទូក)នៃស្ថានភាពប្រឈមមុខគ្នា ហើយ ខ្ញុំគិតថា ចំណាត់ការនេះ(ការកម្ទេចទូក) គឺជាសារមួយដ៏ខ្លាំងក្លារួចទៅហើយសម្រាប់ប្រទេសបរទេស និងទូកនេសាទរបស់ពួកគេ»។ លោកស្រី បន្ថែមថា សម្រាប់ចំណាត់ការនៃការកម្ទេចទូកនាពេលអនាគត នឹងត្រូវធ្វើឡើងតាមមធ្យោបាយ«ដែលមិនឲ្យលេចលឺជាសាធារណខ្លាំងនោះទេ» តែក៏មិនមែនមានន័យថា ឥណ្ឌូនេស៊ី បោះបង់ជំហរប្រឆាំងនឹងការនេសាទខុសច្បាប់ដែរ។
តាមពិតទៅបើតាមប្រភពព័ត៌មាន The Jakarta Post រដ្ឋាភិបាលឥណ្ឌូនេស៊ី ដំបូងឡើយ គ្រោងកម្ទេចទូកនេសាទខុសច្បាប់៧១គ្រឿង មកពីហ្វីលីពីន វៀតណាម ម៉ាឡេស៊ី និង ចិន នៅថ្ងៃបុណ្យឯករាជ្យជាតិលើកទី៧១ តែចំនួនបានកាត់បន្ថយ ដោយរដ្ឋាភិបាល ទុកខ្លះដើម្បីកម្ទេចនៅទីតាំងដែលរដ្ឋាភិបាលគ្រោងនឹងសាងសង់«សារមន្ទីរនៃការនេសាទខុសច្បាប់»ជាមួយនឹងអាមេរិក និងន័រវេស។
នៅថ្ងៃទី១៥ ខែសីហា កន្លងទៅ អាជ្ញាធរឥណ្ឌូនេស៊ី ក៏បានពន្លិចទូកនេសាទខុសច្បាប់មកពីហ្វីលីពីនប្រាំបីគ្រឿងរួចទៅហើយ។ ការកម្ទេចដោយពន្លិចក្នុងរណ្តៅជំនួសដោយការដាក់គ្រាប់បែកកម្ទេចនាពេលកន្លងមក ត្រូវបានអាជ្ញាធរអះអាងថាដើម្បីធានាពីការមិនប៉ះពាល់ដល់បរិស្ថាន។
សូមជម្រាបផងដែរថា ឥណ្ឌូនេស៊ី បានចាប់ផ្តើមចាត់វិធានការតឹងរ៉ឹង ប្រឆាំងនឹងការនេសាទខុសច្បាប់ ចាប់តាំងពីលោកប្រធានាធិបតី ចូកូ វីដូដូ ឡើងកាន់តំណែងក្នុងឆ្នាំ២០១៤មក។ វិធានការនេះ ធ្វើឡើងក៏ដោយសារតែការនេសាទខុសច្បាប់ បានធ្វើឲ្យឥណ្ឌូនេស៊ីបាត់បង់ចំណូលជាតិជាច្រើនលានដុល្លារ ។ បើតាមការអះអាងរបស់មន្ត្រីឥណ្ឌូនេស៊ី សកម្មភាពនេសាទខុសច្បាប់ បានធ្វើឲ្យឥណ្ឌូនេស៊ី បាត់បង់ចំណូលរហូតដល់២៥ពាន់លានដុល្លារក្នុងមួយឆ្នាំឯណោះ។
បើគិតចាប់ពីឆ្នាំ២០១៤មក លោកស្រីរដ្ឋមន្ត្រីនេសាទ Pudjiastuti បានរៀបចំកម្ទេចទូកនេសាទខុសច្បាប់យ៉ាងតិច ២០០ គ្រឿងរួចមកហើយ។ ហើយទូកនេសាទខុសច្បាប់ទាំងនោះ ភាគច្រើនមក ហ្វីលីពីន វៀតណាម ម៉ាឡេស៊ី មីយ៉ាន់ម៉ា និង ចិន។
អ្វីគួរកត់សម្គាល់នោះ ក្នុងថ្ងៃផ្តល់សុន្ទរកថាថ្នាក់ជាតិនៅថ្ងៃទី១៦ ខែសីហា លោកប្រធានាធិបតី ចូកូ វីដូដូ ក៏បានប្តេជ្ញាការពារដែនអធិបតេយ្យឥណ្ឌូនេស៊ីសូម្បីតែ«មួយចំណិត»មិនឲ្យអ្នកណាបំពានបានឡើយ៕
រដ្ឋមន្ត្រីដែនសមុទ្រ និងនេសាទឥណ្ឌូនេស៊ី លោកស្រី Susi Pudjiastuti បានថ្លែងនៅក្នុងសន្និសីទសារព័ត៌មានថា អាជ្ញាធរ បានកម្ទេចទូកនេសាទបរទេស៦០គ្រឿង ដែលបានចូលនេសាទខុសច្បាប់នៅក្នុងដែនទឹកឥណ្ឌូនេស៊ីដោយការពន្លិចចោល នៅថ្ងៃបុណ្យឯករាជ្យជាតិលើកទី៧១ម្សិលមិញនេះ។ ការកម្ទេចទូកទាំងនេះ ត្រូវបានលោកស្រីបញ្ជាក់ថា ធ្វើឡើងនៅក្នុងទីតាំងប្រាំបីកន្លែងទូទាំងប្រទេស។ នេះបើយោងតាមសារព័ត៌មាន The Jakarta Post។
នាឱកាសនោះដែរ លោកស្រីរដ្ឋមន្ត្រី ក៏បានសង្កត់ធ្ងន់ដែរថា «យើង ពិតជាយល់ដឹងពីផលប៉ះពាល់(ពីការកម្ទេចទូក)នៃស្ថានភាពប្រឈមមុខគ្នា ហើយ ខ្ញុំគិតថា ចំណាត់ការនេះ(ការកម្ទេចទូក) គឺជាសារមួយដ៏ខ្លាំងក្លារួចទៅហើយសម្រាប់ប្រទេសបរទេស និងទូកនេសាទរបស់ពួកគេ»។ លោកស្រី បន្ថែមថា សម្រាប់ចំណាត់ការនៃការកម្ទេចទូកនាពេលអនាគត នឹងត្រូវធ្វើឡើងតាមមធ្យោបាយ«ដែលមិនឲ្យលេចលឺជាសាធារណខ្លាំងនោះទេ» តែក៏មិនមែនមានន័យថា ឥណ្ឌូនេស៊ី បោះបង់ជំហរប្រឆាំងនឹងការនេសាទខុសច្បាប់ដែរ។
តាមពិតទៅបើតាមប្រភពព័ត៌មាន The Jakarta Post រដ្ឋាភិបាលឥណ្ឌូនេស៊ី ដំបូងឡើយ គ្រោងកម្ទេចទូកនេសាទខុសច្បាប់៧១គ្រឿង មកពីហ្វីលីពីន វៀតណាម ម៉ាឡេស៊ី និង ចិន នៅថ្ងៃបុណ្យឯករាជ្យជាតិលើកទី៧១ តែចំនួនបានកាត់បន្ថយ ដោយរដ្ឋាភិបាល ទុកខ្លះដើម្បីកម្ទេចនៅទីតាំងដែលរដ្ឋាភិបាលគ្រោងនឹងសាងសង់«សារមន្ទីរនៃការនេសាទខុសច្បាប់»ជាមួយនឹងអាមេរិក និងន័រវេស។
នៅថ្ងៃទី១៥ ខែសីហា កន្លងទៅ អាជ្ញាធរឥណ្ឌូនេស៊ី ក៏បានពន្លិចទូកនេសាទខុសច្បាប់មកពីហ្វីលីពីនប្រាំបីគ្រឿងរួចទៅហើយ។ ការកម្ទេចដោយពន្លិចក្នុងរណ្តៅជំនួសដោយការដាក់គ្រាប់បែកកម្ទេចនាពេលកន្លងមក ត្រូវបានអាជ្ញាធរអះអាងថាដើម្បីធានាពីការមិនប៉ះពាល់ដល់បរិស្ថាន។
សូមជម្រាបផងដែរថា ឥណ្ឌូនេស៊ី បានចាប់ផ្តើមចាត់វិធានការតឹងរ៉ឹង ប្រឆាំងនឹងការនេសាទខុសច្បាប់ ចាប់តាំងពីលោកប្រធានាធិបតី ចូកូ វីដូដូ ឡើងកាន់តំណែងក្នុងឆ្នាំ២០១៤មក។ វិធានការនេះ ធ្វើឡើងក៏ដោយសារតែការនេសាទខុសច្បាប់ បានធ្វើឲ្យឥណ្ឌូនេស៊ីបាត់បង់ចំណូលជាតិជាច្រើនលានដុល្លារ ។ បើតាមការអះអាងរបស់មន្ត្រីឥណ្ឌូនេស៊ី សកម្មភាពនេសាទខុសច្បាប់ បានធ្វើឲ្យឥណ្ឌូនេស៊ី បាត់បង់ចំណូលរហូតដល់២៥ពាន់លានដុល្លារក្នុងមួយឆ្នាំឯណោះ។
បើគិតចាប់ពីឆ្នាំ២០១៤មក លោកស្រីរដ្ឋមន្ត្រីនេសាទ Pudjiastuti បានរៀបចំកម្ទេចទូកនេសាទខុសច្បាប់យ៉ាងតិច ២០០ គ្រឿងរួចមកហើយ។ ហើយទូកនេសាទខុសច្បាប់ទាំងនោះ ភាគច្រើនមក ហ្វីលីពីន វៀតណាម ម៉ាឡេស៊ី មីយ៉ាន់ម៉ា និង ចិន។
អ្វីគួរកត់សម្គាល់នោះ ក្នុងថ្ងៃផ្តល់សុន្ទរកថាថ្នាក់ជាតិនៅថ្ងៃទី១៦ ខែសីហា លោកប្រធានាធិបតី ចូកូ វីដូដូ ក៏បានប្តេជ្ញាការពារដែនអធិបតេយ្យឥណ្ឌូនេស៊ីសូម្បីតែ«មួយចំណិត»មិនឲ្យអ្នកណាបំពានបានឡើយ៕
Tag:
ឥណ្ឌូនេស៊ី
អាស៊ាន
© រក្សាសិទ្ធិដោយ thmeythmey.com
