កាលពីឆ្នាំ២០១៥ កន្លងមក ក្រសួងកសិកម្មអាមេរិក (USDA) បានបង្ហាញស្ថិតិមួយដែលបង្ហាញពីកំណើនផលិតក្នុងស្រុកសរុប (GDP) នៃប្រទេសធំៗនៅលើពិភពលោកដែលមានសេដ្ឋកិច្ចនាំមុខគេនារយៈប្រមាណ១៥ឆ្នាំខាងមុខ។ លទ្ធផលនៃការនិទស្សន៍ បានផ្តល់នូវការភ្ញាក់ផ្អើលមួយចំនួន ជាពិសេសវត្តមានរបស់ឥណ្ឌា ដែលឡើងប្រកៀកចិន និងអាមេរិក។
ខាងក្រោមនេះ ជាការចាត់ចំណាត់ថ្នាក់របស់ USDA ស្តីពីប្រទេសដែលមានសេដ្ឋកិច្ចឈានមុខគេនៅឆ្នាំ២០៣០៖
១.សហរដ្ឋអាមេរិក៖ កំណើនផលិតក្នុងស្រុកសរុប (GDP) ឡើងដល់ ២៣ ៨៥៧ ពាន់លានដុល្លារក្នុងឆ្នាំ២០៣០ ពោលគឺកើន២,៣ភាគរយប្រើប្រៀបធៀបនៅឆ្នាំ២០១៦ ដែលមាន ១៧ ១៤៩ពាន់លានដុល្លារ។
២.ចិន៖ ចិននឹងមានកំណើន GDP ៥ភាគរយ ចាប់ពីពេលនេះរហូតដល់ឆ្នាំ២០៣០ ដែលមានរហូតដល់ ១៨ ៨២៩ពាន់លានដុល្លារ។
៣.ឥណ្ឌា៖ នារយៈពេល១៥ឆ្នាំខាងមុខ សេដ្ឋកិច្ចឥណ្ឌានឹងមានកំណើតរហូតដល់៦,៩ភាគរយ ពោលគឺ GDP កើនពី២៥៥៧ពាន់លានដុល្លារនៅឆ្នាំ២០១៦ ដល់៧២៨៧ពាន់លានដុល្លារនៅឆ្នាំ២០៣០។
៤.ជប៉ុន៖ GDP កើនពី៥៧៩២ពាន់លានដុល្លារនៅឆ្នាំ២០១៦ ដល់៦៥៣៥ពាន់លានដុល្លារនៅឆ្នាំ២០៣០។
៥.អាល្លឺម៉ង់៖ កើនដល់៤៣០៨ពាន់លានដុល្លារ។
៦.ចក្រភពអង់គ្លេស៖ កើនដល់៣៨១៥ពាន់លានដុល្លារ។
៧.បារាំង៖ កើនដល់៣៤៧៦ពាន់លានដុល្លារ។
៨.ប្រេស៊ីល៖ កើនដល់៣១៦១ពាន់លានដុល្លារ។
៩.កាណាដា៖ កើនដល់២៤៨៦ពាន់លានដុល្លារ។
១០.អ៊ីតាលី៖ កើនដល់២៣៥០ពាន់លានដុល្លារ។
ប្រទេសដែលស្ថិតនៅលេខរៀងជាបន្តបន្ទាប់រួមមាន រុស្ស៊ី ឥណ្ឌូនេស៊ី ម៉ិកស៊ិក អូស្ត្រាលី អេស្ប៉ាញ កូរ៉េខាងត្បូង តួកគី អារ៉ាប៊ីសាអូឌីត ហូឡង់ នីហ្សេរីយ៉ា អ៊ីរ៉ង់ ប៉ូឡូញ ស្វ៊ីស បែលហ្ស៊ិក លុចសំបួរ ស៊ុយអែត កូឡុំប៊ី តៃវ៉ាន់ អាហ្វ្រិកខាងត្បូង បែលហ្ស៊ិក និងអាហ្សង់ទីន ៕