អន្តរជាតិ
×![]()
ដោយ: ថ្មីៗ
រដ្ឋមន្ត្រីការពារជាតិអ៊ីរ៉ង់ឧត្តមសេនីយ៍ Hossein Dehghan បានអះអាងក្នុងបទសម្ភាសន៍ជាមួយទូរទស្សន៍ អ៊ីរ៉ង់ថា រដ្ឋាភិបាលលោកមានបំណងចរចាទិញយន្តហោះចម្បាំង Sukhoi របស់រុស្ស៊ីដើម្បីពង្រឹងសមត្ថភាពកងទ័ពជើងអាកាស។ ប្រមុខការពារជាតិរូបនេះបញ្ជាក់ផងដែរថា អ៊ីរ៉ង់លែងត្រូវការប្រព័ន្ធការពារដែនអាកាសហើយ ព្រោះខ្លួនមាន S-300 រុស្ស៊ីនិងមានប្រព័ន្ធមីស៊ីលផលិតក្នុងស្រុកផងសម្រាប់ប្រើប្រាស់។
ក្នុងបទសម្ភាសន៍ជាមួយទូរទស្សន៍អ៊ីរ៉ង់ រដ្ឋមន្ត្រីការពារជាតិអ៊ីរ៉ង់លោក Hossein Dehghan បានលើកឡើងថា អ៊ីរ៉ង់លែងត្រូវការប្រព័ន្ធការពារដែនអាកាសបន្ថែមថា ព្រោះខ្លួនមានអាវុធដែលទិញពីរុស្ស៊ី S-300 និងអាវុធដែលផលិតបានក្នុងស្រុក Bava -373 ផងដែរ។ ប៉ុន្តែលោកបញ្ជាក់ថា អ៊ីរ៉ង់មានចំណាប់អារម្មណ៍លើការនាំចូលយន្តហោះប្រដេញ Sukhoi របស់រុស្ស៊ី។
«យើងមិនត្រូវការប្រព័ន្ធការពារដែនអាកាសរយៈចម្ងាយឆ្ងាយ បន្ថែមលើខែលការពារមីស៊ីល S-300 និងBavar-373 ឡើយ។ យើងលែងទិញអាវុធទាំងនេះទៀតហើយ។ ដូច្នេះក្រសួងការពារជាតិអ៊ីរ៉ង់មានផែនការមួយចំនួនក្នុងនោះមានទាំងការជជែកពិភាក្សាជាមួយរុស្ស៊ីរឿងទិញយន្តហោះចម្បាំង Sukhoi ។ យើងត្រូវការពង្រឹងកម្លាំងទ័ពអាកាសនៅពេលនេះ»។
ការបង្ហាញចំណាប់អារម្មណ៍ចង់ទិញយន្តហោះចម្បាំងរបស់រុស្ស៊ីនេះ បង្ហាញថា អ៊ីរ៉ង់កំពុងព្យាយាមបង្កើនសមត្ថភាពកងទ័ពអាកាសរបស់ខ្លួននាពេលបច្ចុប្បន្ន។ ណាមួយ តាំងរងទណ្ឌកម្មរបស់សហគមន៍អន្តរជាតិ រដ្ឋឥស្លាមមួយនេះមិនសូវមានលទ្ធភាពនាំអាវុធចូលឡើយ។ ហើយអ៊ីរ៉ង់រឹតតែចាប់អារម្មណ៍ ស្របពេលដែលអាវុធរុស្ស៊ីកំពុងមានប្រជាប្រិយភាពនៅតំបន់មជ្ឈិមបូព៌ា ក្រោយមហាអំណាចមួយនេះប្រើប្រាស់យន្តហោះចម្បាំងទម្លាក់គ្រាប់បែកកម្ចាត់ក្រុមភេរវជន។
ដោយឡែក ដូចបានលើកឡើងខាងដើមស្រាប់ អ៊ីរ៉ង់មិនត្រូវការប្រព័ន្ធការពារដែនអាកាសបន្ថែមឡើយ។ អ៊ីរ៉ង់មានខែលការពារមីស៊ីល S-300 ដែលបានបញ្ជាទិញពីរុស្ស៊ីតាំងពីឆ្នាំ ២០០៧ មកនោះ ប៉ុន្តែវាទើបបានទទួលអាវុធទាំងនេះថ្មីៗប៉ុណ្ណោះ ក្រោយភាគីចាប់ផ្តើមអនុវត្តកិច្ចសន្យាទិញលក់អាវុធឡើងវិញក្នុងខែវិច្ឆិកាឆ្នាំ ២០១៥។ ការព្យួរកិច្ចសន្យានេះកើតឡើងដោយសារតែអ៊ីរ៉ង់រងទណ្ឌកម្មដែលដាក់ចេញតាមរយៈដំណោះស្រាយអង្គការសហប្រជាជាតិលេខ 1929 ឆ្នាំ ២០១០ ដែលវាហាមឃាត់រាល់ការផ្ទេរឬលក់សព្វាវុធគ្រប់ប្រភេទរួមទាំងមីស៊ីល និងប្រព័ន្ធការពារមីស៊ីលឲ្យអ៊ីរ៉ង់ផង។
ស្របពេលដែលរងទណ្ឌកម្មសហគមន៍អន្តរជាតិដោយសារកម្មវិធីនុយក្លេអ៊ែរ អ៊ីរ៉ង់ក៏ប្រឹងប្រែងខ្លាំងដើម្បីស្រាវជ្រាវនិងផលិតអាវុធក្នុងស្រុកដោយខ្លួនឯងដែរ។ ដូចឃើញហើយ ប្រព័ន្ធមីស៊ីល Bavar-373 នេះស្រាប់ក៏ជាអាវុធផលិតក្នុងស្រុកដែរ។ បើតាមមន្ត្រីអ៊ីរ៉ង់ Bavar-373 គឺជាប្រព័ន្ធការពារអាកាសដំបូងបំផុតដែលផលិតបានក្នុងឆ្នាំ ២០១០ ដោយក្រុមអ្នកជំនាញក្នុងស្រុករបស់អ៊ីរ៉ង់។ Bavar-373 មានសមត្ថភាពក្នុងការចាប់សញ្ញានិងកម្ទេចចោល យន្តហោះគ្មានអ្នកបើ, យន្តហោះចម្បាំង, មីស៊ីល និងវត្ថុដែលហោះហើរផ្សេងទៀត៕
ក្នុងបទសម្ភាសន៍ជាមួយទូរទស្សន៍អ៊ីរ៉ង់ រដ្ឋមន្ត្រីការពារជាតិអ៊ីរ៉ង់លោក Hossein Dehghan បានលើកឡើងថា អ៊ីរ៉ង់លែងត្រូវការប្រព័ន្ធការពារដែនអាកាសបន្ថែមថា ព្រោះខ្លួនមានអាវុធដែលទិញពីរុស្ស៊ី S-300 និងអាវុធដែលផលិតបានក្នុងស្រុក Bava -373 ផងដែរ។ ប៉ុន្តែលោកបញ្ជាក់ថា អ៊ីរ៉ង់មានចំណាប់អារម្មណ៍លើការនាំចូលយន្តហោះប្រដេញ Sukhoi របស់រុស្ស៊ី។
«យើងមិនត្រូវការប្រព័ន្ធការពារដែនអាកាសរយៈចម្ងាយឆ្ងាយ បន្ថែមលើខែលការពារមីស៊ីល S-300 និងBavar-373 ឡើយ។ យើងលែងទិញអាវុធទាំងនេះទៀតហើយ។ ដូច្នេះក្រសួងការពារជាតិអ៊ីរ៉ង់មានផែនការមួយចំនួនក្នុងនោះមានទាំងការជជែកពិភាក្សាជាមួយរុស្ស៊ីរឿងទិញយន្តហោះចម្បាំង Sukhoi ។ យើងត្រូវការពង្រឹងកម្លាំងទ័ពអាកាសនៅពេលនេះ»។
ការបង្ហាញចំណាប់អារម្មណ៍ចង់ទិញយន្តហោះចម្បាំងរបស់រុស្ស៊ីនេះ បង្ហាញថា អ៊ីរ៉ង់កំពុងព្យាយាមបង្កើនសមត្ថភាពកងទ័ពអាកាសរបស់ខ្លួននាពេលបច្ចុប្បន្ន។ ណាមួយ តាំងរងទណ្ឌកម្មរបស់សហគមន៍អន្តរជាតិ រដ្ឋឥស្លាមមួយនេះមិនសូវមានលទ្ធភាពនាំអាវុធចូលឡើយ។ ហើយអ៊ីរ៉ង់រឹតតែចាប់អារម្មណ៍ ស្របពេលដែលអាវុធរុស្ស៊ីកំពុងមានប្រជាប្រិយភាពនៅតំបន់មជ្ឈិមបូព៌ា ក្រោយមហាអំណាចមួយនេះប្រើប្រាស់យន្តហោះចម្បាំងទម្លាក់គ្រាប់បែកកម្ចាត់ក្រុមភេរវជន។
ដោយឡែក ដូចបានលើកឡើងខាងដើមស្រាប់ អ៊ីរ៉ង់មិនត្រូវការប្រព័ន្ធការពារដែនអាកាសបន្ថែមឡើយ។ អ៊ីរ៉ង់មានខែលការពារមីស៊ីល S-300 ដែលបានបញ្ជាទិញពីរុស្ស៊ីតាំងពីឆ្នាំ ២០០៧ មកនោះ ប៉ុន្តែវាទើបបានទទួលអាវុធទាំងនេះថ្មីៗប៉ុណ្ណោះ ក្រោយភាគីចាប់ផ្តើមអនុវត្តកិច្ចសន្យាទិញលក់អាវុធឡើងវិញក្នុងខែវិច្ឆិកាឆ្នាំ ២០១៥។ ការព្យួរកិច្ចសន្យានេះកើតឡើងដោយសារតែអ៊ីរ៉ង់រងទណ្ឌកម្មដែលដាក់ចេញតាមរយៈដំណោះស្រាយអង្គការសហប្រជាជាតិលេខ 1929 ឆ្នាំ ២០១០ ដែលវាហាមឃាត់រាល់ការផ្ទេរឬលក់សព្វាវុធគ្រប់ប្រភេទរួមទាំងមីស៊ីល និងប្រព័ន្ធការពារមីស៊ីលឲ្យអ៊ីរ៉ង់ផង។
ស្របពេលដែលរងទណ្ឌកម្មសហគមន៍អន្តរជាតិដោយសារកម្មវិធីនុយក្លេអ៊ែរ អ៊ីរ៉ង់ក៏ប្រឹងប្រែងខ្លាំងដើម្បីស្រាវជ្រាវនិងផលិតអាវុធក្នុងស្រុកដោយខ្លួនឯងដែរ។ ដូចឃើញហើយ ប្រព័ន្ធមីស៊ីល Bavar-373 នេះស្រាប់ក៏ជាអាវុធផលិតក្នុងស្រុកដែរ។ បើតាមមន្ត្រីអ៊ីរ៉ង់ Bavar-373 គឺជាប្រព័ន្ធការពារអាកាសដំបូងបំផុតដែលផលិតបានក្នុងឆ្នាំ ២០១០ ដោយក្រុមអ្នកជំនាញក្នុងស្រុករបស់អ៊ីរ៉ង់។ Bavar-373 មានសមត្ថភាពក្នុងការចាប់សញ្ញានិងកម្ទេចចោល យន្តហោះគ្មានអ្នកបើ, យន្តហោះចម្បាំង, មីស៊ីល និងវត្ថុដែលហោះហើរផ្សេងទៀត៕
Tag:
អ៊ីរ៉ង់
Hossein Dehghan
Sukhoi
Bava-373
S-300
© រក្សាសិទ្ធិដោយ thmeythmey.com
