អន្តរជាតិ
នយោបាយជាតិ
តុលាការហ្វីលីពីន បញ្ជាឲ្យរដ្ឋាភិបាលផ្អាកគម្រោងតម្កល់សពមេដឹកនាំផ្តាច់ការMarcos នៅកន្លែងវីរបុរស
×![]()
តុលាការកំពូលហ្វីលីពីន នៅថ្ងៃអង្គារទី២៣ ខែសីហានេះ បានចេញដីកាបង្គាប់បញ្ជាឲ្យរដ្ឋាភិបាលហ្វីលីពីនពន្យារពេលក្នុងការដំណើរការបញ្ចុះសពរបស់អតីតប្រធានាធិបតីហ្វីលីពីន ដែលស្គាល់ថាជាមេដឹកនាំមេផ្តាច់ការ Ferdinand Marcos នៅកន្លែងសម្រាប់បញ្ចុះសាកសពវីរៈបុរសហ្វីលីពីនសិន។ ដីកានេះ ត្រូវបានធ្វើឡើងបន្ទាប់ពីមានប្រជាជនហ្វីលីពីនរាប់រយបានចេញមុខតវ៉ាលើគម្រោងរដ្ឋាភិបាលមួយនេះ។ 
អ្នកនាំពាក្យតុលាការកំពូល Theodore Te បានថ្លែងប្រាប់អ្នកសារព័ត៌មានថា ក្រុមប្រឹក្សាជំនុំជម្រះនៃតុលាការកំពូលហ្វីលីពីណទាំង១៥រូប បានបង្គាប់ឲ្យរដ្ឋាភិបាលកុំទាន់មានចំណាត់ការផ្សេងៗលើដំណើរការនៃការបញ្ចុះសាកសពអតីតប្រធានាធិបហ្វីលីពីនក្នុងរយៈពេល២០ថ្ងៃសិន។ នេះបើយោងតាមភ្នាក់ងារព័ត៌មាន Reuters។
សូមជម្រាបផងដែរថា អតីតប្រធានាធិបតីហ្វីលីពីន Ferdinand Marcos ដែលស្លាប់នៅឆ្នាំ១៩៨៩ ហើយសាកសពនៅមិនទាន់បញ្ចុះនៅឡើយនោះ បានដឹកនាំប្រទេសចាប់ពីឆ្នាំ១៩៦៩ដល់ឆ្នាំ១៩៨៦។ របបដឹកនាំហ្វីលីពីនរបស់លោក ត្រូវបានមើលឃើញថាជារបបដឹកនាំផ្តាច់ការ និងអាក្រក់បំផុតក្នុងប្រវត្តិនយោបាយហ្វីលីពីន ដ្បិតគោលនយោបាយរឹតត្បិត និងការធ្វើទុកបុកម្នេញពាក់ព័ន្ធនឹងបញ្ហាសិទ្ធិមនុស្សរបស់លោក។ បន្ថែមពីនេះ របបដឹកនាំរបស់លោក ក៏ត្រូវបានរីកសុះសាយនៃអំពើពុករលួយ និងបន្សល់បំណុលជាតិជាច្រើនលានទៀតផង។
នៅថ្ងៃទី១៤ ខែសីហាកន្លងទៅ ប្រជាជនហ្វីលីពីនរាប់រយនាក់ បានប្រមូលផ្តុំគ្នាដើម្បីបាតុកម្មប្រឆាំងនឹងសេចក្តីអនុម័តរបស់លោកប្រធានាធិបតី Rodrigo Duterte ដែលបានអនុញ្ញាតឲ្យបញ្ចុះសាកសពមេដឹកនាំផ្តាច់ការហ្វីលីពីនគឺអតីតប្រធានាធិបតី Ferdinand Marcos នៅកន្លែងបញ្ចុះសពរបស់វីរៈបុរសនៃប្រទេសហ្វីលីពីន។ ពួកគេ លើកឡើងថា លោក Marcos មិនមែនជាវីរៈបុរសនោះទេ និងជារឿង«អយុត្តិធម៌»សម្រាប់ជនរងគ្រោះសិទ្ធិមនុស្សរាប់ពាន់នាក់ដែលរងការធ្វើទុក្ខបុកម្នេញដោយរបបផ្តាច់ការរបស់អតីតប្រធានាធិបតី Ferdinand Marcos។
កិច្ចការនៃការបញ្ចុះសាកសពនេះ គឺជាបន្ទុករបស់រដ្ឋមន្ត្រីការពារជាតិហ្វីលីពីន ដែលត្រូវបានបញ្ជាដោយលោកប្រធានាធិបតី រ៉ូឌ្រីហ្គូ ឌើទើតេ។ បើយោងតាមការចុះផ្សាយរបស់ភ្នាក់ងារព័ត៌មាន Reuters នៅថ្ងៃទី០៨ ខែសីហាកន្លងទៅ លោក Delfin Lorenzana រដ្ឋមន្ត្រីការពារជាតិហ្វីលីពីន បានអះអាងថាលោក បានបញ្ជាឲ្យកងកម្លាំងរបស់លោករៀបចំបញ្ចុះសាកសពនោះតាមបញ្ជារបស់លោកប្រធានាធីបតីនៅខែក្រោយនេះហើយ។
តាមពិតពាក់ព័ន្ធនឹងការបញ្ចុះសាកសពមេដឹកនាំផ្តាច់ការ Ferdinand Marcos ត្រូវបានលើកឡើងដោយលោក Rodrigo Duterte តាំងពីអំឡុងពេលនៃការឃោសនាបោះឆ្នោតមកម្ល៉េះ។ ក្នុងពេលនោះ លោក Duterte សន្យាថា លោក នឹងបញ្ចុះសាកសពរបស់អតីតប្រធានាធិបតី Ferdinand Marcos នៅកន្លែងសម្រាប់បញ្ចុះសាកសពរបស់វីរៈបុរសនៃប្រទេសហ្វីលីពីន ពេលលោកក្លាយជាប្រធានាធិបតី។ ពេលនោះដែរ លោក Duterte បានបញ្ជាក់ថា លោក Ferdinand Marcos សាកសមនឹងបញ្ចុះនៅទីនោះ ដ្បិត មេដឹកនាំផ្តាច់ការរូបនោះ ក៏ធា្លប់ធ្វើជាប្រធានាធិបតីហ្វីលីពីនដែរ។ បន្ថែមពីនេះ លោក Dutete ក៏បានច្រានចោលការជំទាស់ផ្សេងៗ ដោយលោក លើកឡើងថា «គ្មាននរណាម្នាក់ មិនមានកំហុសនោះទេ ក្នុងនាមជាមនុស្សលោកនោះ»៕
អ្នកនាំពាក្យតុលាការកំពូល Theodore Te បានថ្លែងប្រាប់អ្នកសារព័ត៌មានថា ក្រុមប្រឹក្សាជំនុំជម្រះនៃតុលាការកំពូលហ្វីលីពីណទាំង១៥រូប បានបង្គាប់ឲ្យរដ្ឋាភិបាលកុំទាន់មានចំណាត់ការផ្សេងៗលើដំណើរការនៃការបញ្ចុះសាកសពអតីតប្រធានាធិបហ្វីលីពីនក្នុងរយៈពេល២០ថ្ងៃសិន។ នេះបើយោងតាមភ្នាក់ងារព័ត៌មាន Reuters។
សូមជម្រាបផងដែរថា អតីតប្រធានាធិបតីហ្វីលីពីន Ferdinand Marcos ដែលស្លាប់នៅឆ្នាំ១៩៨៩ ហើយសាកសពនៅមិនទាន់បញ្ចុះនៅឡើយនោះ បានដឹកនាំប្រទេសចាប់ពីឆ្នាំ១៩៦៩ដល់ឆ្នាំ១៩៨៦។ របបដឹកនាំហ្វីលីពីនរបស់លោក ត្រូវបានមើលឃើញថាជារបបដឹកនាំផ្តាច់ការ និងអាក្រក់បំផុតក្នុងប្រវត្តិនយោបាយហ្វីលីពីន ដ្បិតគោលនយោបាយរឹតត្បិត និងការធ្វើទុកបុកម្នេញពាក់ព័ន្ធនឹងបញ្ហាសិទ្ធិមនុស្សរបស់លោក។ បន្ថែមពីនេះ របបដឹកនាំរបស់លោក ក៏ត្រូវបានរីកសុះសាយនៃអំពើពុករលួយ និងបន្សល់បំណុលជាតិជាច្រើនលានទៀតផង។
នៅថ្ងៃទី១៤ ខែសីហាកន្លងទៅ ប្រជាជនហ្វីលីពីនរាប់រយនាក់ បានប្រមូលផ្តុំគ្នាដើម្បីបាតុកម្មប្រឆាំងនឹងសេចក្តីអនុម័តរបស់លោកប្រធានាធិបតី Rodrigo Duterte ដែលបានអនុញ្ញាតឲ្យបញ្ចុះសាកសពមេដឹកនាំផ្តាច់ការហ្វីលីពីនគឺអតីតប្រធានាធិបតី Ferdinand Marcos នៅកន្លែងបញ្ចុះសពរបស់វីរៈបុរសនៃប្រទេសហ្វីលីពីន។ ពួកគេ លើកឡើងថា លោក Marcos មិនមែនជាវីរៈបុរសនោះទេ និងជារឿង«អយុត្តិធម៌»សម្រាប់ជនរងគ្រោះសិទ្ធិមនុស្សរាប់ពាន់នាក់ដែលរងការធ្វើទុក្ខបុកម្នេញដោយរបបផ្តាច់ការរបស់អតីតប្រធានាធិបតី Ferdinand Marcos។
កិច្ចការនៃការបញ្ចុះសាកសពនេះ គឺជាបន្ទុករបស់រដ្ឋមន្ត្រីការពារជាតិហ្វីលីពីន ដែលត្រូវបានបញ្ជាដោយលោកប្រធានាធិបតី រ៉ូឌ្រីហ្គូ ឌើទើតេ។ បើយោងតាមការចុះផ្សាយរបស់ភ្នាក់ងារព័ត៌មាន Reuters នៅថ្ងៃទី០៨ ខែសីហាកន្លងទៅ លោក Delfin Lorenzana រដ្ឋមន្ត្រីការពារជាតិហ្វីលីពីន បានអះអាងថាលោក បានបញ្ជាឲ្យកងកម្លាំងរបស់លោករៀបចំបញ្ចុះសាកសពនោះតាមបញ្ជារបស់លោកប្រធានាធីបតីនៅខែក្រោយនេះហើយ។
តាមពិតពាក់ព័ន្ធនឹងការបញ្ចុះសាកសពមេដឹកនាំផ្តាច់ការ Ferdinand Marcos ត្រូវបានលើកឡើងដោយលោក Rodrigo Duterte តាំងពីអំឡុងពេលនៃការឃោសនាបោះឆ្នោតមកម្ល៉េះ។ ក្នុងពេលនោះ លោក Duterte សន្យាថា លោក នឹងបញ្ចុះសាកសពរបស់អតីតប្រធានាធិបតី Ferdinand Marcos នៅកន្លែងសម្រាប់បញ្ចុះសាកសពរបស់វីរៈបុរសនៃប្រទេសហ្វីលីពីន ពេលលោកក្លាយជាប្រធានាធិបតី។ ពេលនោះដែរ លោក Duterte បានបញ្ជាក់ថា លោក Ferdinand Marcos សាកសមនឹងបញ្ចុះនៅទីនោះ ដ្បិត មេដឹកនាំផ្តាច់ការរូបនោះ ក៏ធា្លប់ធ្វើជាប្រធានាធិបតីហ្វីលីពីនដែរ។ បន្ថែមពីនេះ លោក Dutete ក៏បានច្រានចោលការជំទាស់ផ្សេងៗ ដោយលោក លើកឡើងថា «គ្មាននរណាម្នាក់ មិនមានកំហុសនោះទេ ក្នុងនាមជាមនុស្សលោកនោះ»៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
