កីឡាជាតិ
ជាតិ
ភ្នំពេញក្រោនធ្វើដំណើរទៅកាន់ខេត្តស្វាយរៀងដើម្បីប្រជែងឈរលេខរៀងទី៤ជាមួយម្ចាស់ផ្ទះ
×
ក្រុមភ្នំពេញក្រោននឹងធ្វើដំណើរទៅកាន់ខេត្តស្វាយរៀងដើម្បីជួបប្រកួតជាមួយក្រុមម្ចាស់ផ្ទះព្រះខ័នរាជស្វាយរៀងនាវេលាម៉ោង៦ល្ងាចនេះ ដើម្បីប្រជែងគ្នាឈរលំដាប់លេខរៀងទី៤នៃពានរង្វាន់ក្របខណ្ឌមិត្តហ្វូនខេមបូឌានលីកប្រចាំឆ្នាំ២០១៦ ជាបណ្តោះអាសន្នក្នុងសប្តាហ៍ទី១៧នេះ។
ក្រុមភ្នំពេញក្រោននឹងធ្វើដំណើរទៅកាន់កីឡដ្ឋានខេត្តស្វាយរៀង ដើម្បីតទល់ជាមួយក្រុមម្ចាស់ព្រះខ័នរាជស្វាយរៀងនាវេលម៉ោង៦ល្ងាចនេះ។ សម្រាប់ការធ្វើដំណើរទៅកាន់ស្វាយរៀងនេះភ្នំពេញក្រោនរំពឹងថា នឹងទទួលបាន៣ពិន្ទុបន្ថែម ដើម្បីពង្រឹងបន្តឈរលេខ៤ដែលខ្លួនកំពុងឈរបច្ចុប្បន្នជាមួយ២៨ពិន្ទុ ឬឯក្រុមព្រះខ័នរាជស្វាយរៀងក៏រំពឹងនឹងទទួលបាន៣ពិន្ទុផងដែរ ដើម្បីឡើងទៅឈរលេខរៀងទី៤ដូចគ្នា ខណៈខ្លួនកំពុងឈរលេខរៀងទី៣ដោយមាន២៥ពិន្ទុ។
នាជំនួបនៅកីឡដ្ឋានស្វាយរៀងនេះដែរក្រុមទាំងពីរមិនត្រឹមតែប្រជែងគ្នាដើម្បីឈរលេខរៀងទី៤នៃពានរង្វាន់ក្របខណ្ឌលីកកំពូលកម្ពុជាប្រចាំឆ្នាំ២០១៦ប៉ុណ្ណោះទេ វាជាការផ្តល់ឱកាសដល់ម្ចាស់ផ្ទះស្វាយរៀង ដើម្បីធ្វើការសងសឹកក្រុមភ្នំពេញក្រោន ដែលខ្លួនបានចាញ់ ១-០ នៅលើកទឹកដីនៃកីឡដ្ឋាន RSN កាលពីសប្តាហ៍ទី៧ នៃពានរង្វាន់នេះ៕
*កម្មវិធីប្រកួតពានរង្វាន់ក្របខណ្ឌលីកកំពូលកម្ពុជានៅកីឡដ្ឋានស្វាយរៀងល្ងាចនេះ៖
- ម៉ោង១៨:០០នាទី៖ ព្រះខ័នរាជស្វាយរៀង ជួប ភ្នំពេញក្រោន
Tag:
បាល់ទាត់
Cambodian League 2016
© រក្សាសិទ្ធិដោយ thmeythmey.com