អន្តរជាតិ
×![]()
ដោយ: តន ចាន់រិទ្ធារ៉ា
ប្រមុខការទូតហ្វីលីពីន លោក Perfecto Yasay Jr. បានចេញមកនិយាយសម្រួលការគំរាមចាកចេញពីអង្គការសហប្រជាជាតិ (UN) របស់ប្រធានាធិបតី Rodrigo Duterte បន្ទាប់រងការរិះគន់ខ្លាំងពីសំណាក់មន្ត្រីជំនាញរបស់ UN រួចមក។ បើតាមលោក Yasay ការនិយាយគំរាមរបស់ប្រធានាធិបតី Duterte បណ្ដាលមកពីការមិនពេញចិត្តរបស់លោក ទៅនឹងការពាក្យរិះគន់ទាំងនោះប៉ុណ្ណោះ។ 
បន្ទាប់ពីលោក Rodrigo Duterte ប្រើពាក្យសំដីខ្លាំងៗគំរាមនាំហ្វីលីពីនចេញពីអង្គការសហប្រជាជាតិ រដ្ឋមន្ត្រីការបរទេសហ្វីលីពីន លោក Perfecto Yasay Jr. បាននិយាយថា លោក Duterte មិនមែនមានន័យ ចាកចេញពីអង្គការសហប្រជាជាតិឡើយ។ ប៉ុន្តែប្រធានាធិបតីហ្វីលីពីន គ្រាន់តែបង្ហាញអារម្មណ៍មិនពេញចិត្តនឹងការលើកឡើងជុំវិញការសម្លាប់ក្រៅប្រព័ន្ធតុលាការក្នុងយុទ្ធនាការបោសសម្អាតគ្រឿងញៀន។
រដ្ឋមន្ត្រីការបរទេសហ្វីលីពីន បន្តលើកឡើងថា តាមពិតទៅ គេត្រូវយល់ថា លោកប្រធានាធិបតីនិយាយដូច្នេះនៅពេលយប់ជ្រៅ ហើយអ្នកកាសែតបានសួរសំណួរជាច្រើនទៀងផង។ លោកបន្តថា នៅពេលអ្នកហត់ មិនសប្បាយចិត្ត និងមានអារម្មណ៍ខឹងដែរនោះ យើងប្រហែលជាត្រូវផ្ដល់ពេលវេលាបន្ថែមដល់លោកប្រធានាធិបតី ដើម្បីមានពេលបញ្ចេញប្រតិកម្មខ្លះ ព្រោះគាត់ក៏ជាមនុស្សដែរ។
ងាកទៅសន្និសីទកាសែតថ្ងៃទី២១ ខែសីហា ប្រធានាធិបតី Duterte បានគំរាមចាកចេញពីអង្គការសហប្រជាជាតិ និងបានហៅអង្គការពិភពលោកនេះថា ជាអង្គការអត់ប្រយោជន៍ និងលីលា ហើយមិនដែលធ្វើអ្វីឲ្យហ្វីលីពីនឡើយ។ ប៉ុន្តែ លោក Yasay បកស្រាយថា លោក Duterte មិនបានគំរាមចាកចេញពីអង្គការសហប្រជាជាតិឡើយ តែលោកមិនសប្បាយចិត្តនឹងសកម្មភាពរបស់អ្នករាយការណ៍របស់ UN ហើយការលើកឡើងរបស់លោក Duterte ជាប្រតិកម្មតបតប៉ុណ្ណោះ។
យោងតាមសារព័ត៌មាន Inquirer អ្នករាយការណ៍ពិសេសរបស់ UN ពីររូបគឺ លោកស្រី Agnes Callamard និងលោក Dainius Puras បានលើកឡើងពីការព្រួយបារម្ភចំពោះការកើនឡើងចំនួនអ្នកស្លាប់ដោយសារប្រតិបត្តិការបោសសម្អាតគ្រឿងញៀន និងស្នើឲ្យមានការស៊ើបអង្កេតបញ្ហានេះ។ យ៉ាងណាក្ដី ហ្វីលីពីន ចាត់ទុកសំណើនេះ ជាការរំលោភកិច្ចការផ្ទៃក្នុងរបស់ខ្លួន។
ទាក់ទិនបញ្ហានេះ លោក Yasay បញ្ជាក់ថា លោកប្រធានាធិបតីធ្លាប់ធ្វើការធានារួចហើយថា លោកនឹងគោរពសិទ្ធិមនុស្ស និងប្រឆាំងដាច់ខាតនឹងការសម្លាប់មនុស្សខុសច្បាប់ ពាក់ព័ន្ធបញ្ហាគ្រឿងញៀន។ លោក Yasay ក៏បានប្រាប់អ្នករាយការណ៍ពិសេសទាំងពីរ ត្រូវធ្វើតាមពិធីការរបស់ UN ក្នុងការដាក់សំណើសុំសើបអង្កេតការសម្លាប់មនុស្សក្រៅប្រព័ន្ធតុលាការ មុនពេលរិះគន់រដ្ឋាភិបាលហ្វីលីពីន៕
បន្ទាប់ពីលោក Rodrigo Duterte ប្រើពាក្យសំដីខ្លាំងៗគំរាមនាំហ្វីលីពីនចេញពីអង្គការសហប្រជាជាតិ រដ្ឋមន្ត្រីការបរទេសហ្វីលីពីន លោក Perfecto Yasay Jr. បាននិយាយថា លោក Duterte មិនមែនមានន័យ ចាកចេញពីអង្គការសហប្រជាជាតិឡើយ។ ប៉ុន្តែប្រធានាធិបតីហ្វីលីពីន គ្រាន់តែបង្ហាញអារម្មណ៍មិនពេញចិត្តនឹងការលើកឡើងជុំវិញការសម្លាប់ក្រៅប្រព័ន្ធតុលាការក្នុងយុទ្ធនាការបោសសម្អាតគ្រឿងញៀន។
រដ្ឋមន្ត្រីការបរទេសហ្វីលីពីន បន្តលើកឡើងថា តាមពិតទៅ គេត្រូវយល់ថា លោកប្រធានាធិបតីនិយាយដូច្នេះនៅពេលយប់ជ្រៅ ហើយអ្នកកាសែតបានសួរសំណួរជាច្រើនទៀងផង។ លោកបន្តថា នៅពេលអ្នកហត់ មិនសប្បាយចិត្ត និងមានអារម្មណ៍ខឹងដែរនោះ យើងប្រហែលជាត្រូវផ្ដល់ពេលវេលាបន្ថែមដល់លោកប្រធានាធិបតី ដើម្បីមានពេលបញ្ចេញប្រតិកម្មខ្លះ ព្រោះគាត់ក៏ជាមនុស្សដែរ។
ងាកទៅសន្និសីទកាសែតថ្ងៃទី២១ ខែសីហា ប្រធានាធិបតី Duterte បានគំរាមចាកចេញពីអង្គការសហប្រជាជាតិ និងបានហៅអង្គការពិភពលោកនេះថា ជាអង្គការអត់ប្រយោជន៍ និងលីលា ហើយមិនដែលធ្វើអ្វីឲ្យហ្វីលីពីនឡើយ។ ប៉ុន្តែ លោក Yasay បកស្រាយថា លោក Duterte មិនបានគំរាមចាកចេញពីអង្គការសហប្រជាជាតិឡើយ តែលោកមិនសប្បាយចិត្តនឹងសកម្មភាពរបស់អ្នករាយការណ៍របស់ UN ហើយការលើកឡើងរបស់លោក Duterte ជាប្រតិកម្មតបតប៉ុណ្ណោះ។
យោងតាមសារព័ត៌មាន Inquirer អ្នករាយការណ៍ពិសេសរបស់ UN ពីររូបគឺ លោកស្រី Agnes Callamard និងលោក Dainius Puras បានលើកឡើងពីការព្រួយបារម្ភចំពោះការកើនឡើងចំនួនអ្នកស្លាប់ដោយសារប្រតិបត្តិការបោសសម្អាតគ្រឿងញៀន និងស្នើឲ្យមានការស៊ើបអង្កេតបញ្ហានេះ។ យ៉ាងណាក្ដី ហ្វីលីពីន ចាត់ទុកសំណើនេះ ជាការរំលោភកិច្ចការផ្ទៃក្នុងរបស់ខ្លួន។
ទាក់ទិនបញ្ហានេះ លោក Yasay បញ្ជាក់ថា លោកប្រធានាធិបតីធ្លាប់ធ្វើការធានារួចហើយថា លោកនឹងគោរពសិទ្ធិមនុស្ស និងប្រឆាំងដាច់ខាតនឹងការសម្លាប់មនុស្សខុសច្បាប់ ពាក់ព័ន្ធបញ្ហាគ្រឿងញៀន។ លោក Yasay ក៏បានប្រាប់អ្នករាយការណ៍ពិសេសទាំងពីរ ត្រូវធ្វើតាមពិធីការរបស់ UN ក្នុងការដាក់សំណើសុំសើបអង្កេតការសម្លាប់មនុស្សក្រៅប្រព័ន្ធតុលាការ មុនពេលរិះគន់រដ្ឋាភិបាលហ្វីលីពីន៕
Tag:
ហ្វីលីពីន
UN
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
