បទយកការណ៍ / បទសម្ភាសន៍
Mercedes-Benz នាំចូលរថយន្តខ្នាតខ្ពស់កាន់តែច្រើន, តម្លៃពិសេស, អតិថិជនបើកសាកបាន ហើយមិនទិញក៏បាន
× ភ្នំពេញ៖ កាលពីពេលមុន ក្រុមហ៊ុន ស្តារ អូតូ ខេមបូឌា (នាំចូល និងចែកចាយផ្តាច់មុខ រថយន្ត មើស៊ីឌីស-បិនស៍ ប្រចាំនៅកម្ពុជា) នាំចូលរថយន្តម៉ាកមើស៊ីឌីស-បិនស៍ មកក្នុងប្រទេសកម្ពុជាភាគច្រើនជាប្រភេទរថយន្តខ្នាតទាប។ តែចាប់ពីពេលនេះទៅ ក្រុមហ៊ុនចាប់ផ្តើមនាំចូលរថយន្តម៉ាក Mercedes-Benz ខ្នាតខ្ពស់កាន់តែច្រើនមកលើទីផ្សារនៃប្រទេសកម្ពុជា។ តើអ្វីទៅជាហេតុផលនៅពីក្រោយការសម្រេចចិត្តរបស់ក្រុមហ៊ុន ស្តារ អូតូ ខេមបូឌា (នាំចូល និងចែកចាយផ្តាច់មុខ រថយន្ត មើស៊ីឌីស-បិនស៍) ប្រចាំនៅកម្ពុជា?
ចង់ដឹងព័ត៌មានលម្អិត សូមអញ្ជើញអានបទសម្ភាសន៍ខ្លីរវាងក្រុមការងារសារព័ត៌មានថ្មីៗ និង លោក ឃុន ចាន់ថា នាយកគ្រប់គ្រង ផ្នែកលក់ និងទីផ្សារក្រុមហ៊ុន ស្តារ អូតូ ខេមបូឌា នាំចូល និងចែកចាយផ្តាច់មុខ រថយន្ត មើស៊ីឌីស-បិនស៍ ប្រចាំនៅកម្ពុជា ដូចតទៅ៖
ថ្មីៗ៖ តាមអ្វីដែលខ្ញុំដឹងគឺថា ក្រុមហ៊ុនរបស់លោកនឹងចាប់ផ្តើមរៀបចំពិព័រណ៍បង្ហាញរថយន្តម៉ាក Mercedes-Benz ខ្នាតខ្ពស់ៗ ទំនើប រាង ឡូយជាងគេ ទៅកាន់អតិថិជននៅចុងខែសីហាខាងមុខនេះ។ ហេតុអ្វីក្រុមហ៊ុនលោកនាំចូល Mercedes-Benz ខ្នាតខ្ពស់ៗកាន់តែច្រើនមកលើទីផ្សារកម្ពុជានៅពេលនេះ?
លោក ឃុន ចាន់ថា៖ មែនទែនទៅ កាលពីពេលមុន ក្រុមហ៊ុនយើងបាននាំចូលរថយន្តម៉ាក Mercedes-Benz ខ្នាតទាបមកកម្ពុជាច្រើនហើយ, ហើយ Mercedes-Benz ខ្នាតខ្ពស់ក៏មានខ្លះដែរ តែគ្រាន់តែមិនសូវច្រើន។ ជាការពិត ចាប់ពីពេលនេះទៅ ក្រុមហ៊ុន ស្តារ អូតូ ខេមបូឌា (នាំចូល និងចែកចាយផ្តាច់មុខ រថយន្ត មើស៊ីឌីស-បិនស៍ ប្រចាំនៅកម្ពុជា) សម្រេចនាំចូល Mercedes-Benz កាន់តែច្រើនជាងមុន។ មូលហេតុទី១ គឺ ដោយសារក្រុមហ៊ុនយើង មានរថយន្ត Mercedes-Benz ខ្នាតខ្ពស់ទើបចេញថ្មី ច្រើនម៉ូឌែល មានរាងស្អាត សង្ហារ ទាក់ទាញ ត្រូវតាមគ្រប់វ័យ។ ទីពីរ គឺដោយសារ ពលរដ្ឋខ្មែរភាគច្រើនលោកចូលចិត្តប្រើប្រាស់រថយន្តខ្នាតខ្ពស់ និងទី៣នោះ គឺរថយន្តខ្ពស់នេះ វាឆ្លើយតបទៅនឹងស្ថានភាពផ្លូវនៅក្នុងប្រទេសកម្ពុជាតែម្តង មានន័យថា រថយន្តអាចចុះទឹក ចុះភក់ ឬបើកលើផ្លូវគ្រលុកតូចធំបានទាំងអស់។ល។
ថ្មីៗ៖ តើរថយន្ត Mercedes-Benz ខ្នាតខ្ពស់ មានតម្លៃប៉ុន្មានដែរ?
លោក ឃុន ចាន់ថា៖ រថយន្ត Mercedes-Benz ខ្នាតខ្ពស់មានតម្លៃចាប់តាំងពីជាង១០ម៉ឺនដុល្លារឡើងទៅ។ យើងនឹងមានតម្លៃពិសេសចុះជូនអតិថិជនក្នុងរយៈពេលបីថ្ងៃ នៅថ្ងៃបើកពិព័រណ៍នៅតំបន់កោះពេជ្រពីថ្ងៃទី២៦ដល់ថ្ងៃទី២៨ខែសីហាខាងមុខនេះ។ ហើយអ្វីដែលសំខាន់នៅក្នុងព្រឹត្តិការណ៍នោះគឺថា អតិថិជនអាចបើកបរសាកល្បងរថយន្ត Mercedes-Benz ខ្នាតខ្ពស់បានដោយសេរី។ បើកសាកល្បងហើយ ទិញក៏បាន មិនទិញក៏បាន អ្នកដែលចំណេញគឺអថិជន។ ពិព័រណ៍នេះចាប់បើកពីម៉ោង៩ព្រឹករហូតដល់ម៉ោង៩កន្លះយប់។
ថ្មីៗ៖ តើលោកនឹងអញ្ជើញអ្នកណាខ្លះឲ្យចូលរួមក្នុងពិធីពិព័រណ៍ខាងលើនេះ?
លោក ឃុន ចាន់ថា៖ ជារួម អតិថិជនទូទៅអាចចូលរួមទស្សនា ឬបើក ឬក៏ជិះសាកល្បងរថយន្ត Mercedes-Benz ខ្នាតខ្ពស់ នៅតំបន់កោះពេជ្របានដោយសេរីក្នុងរយៈពេលបីថ្ងៃគិតពីថ្ងៃទី២៦ដល់ថ្ងៃទី២៨ខែសីហាខាងមុខនេះ លើកលែងតែនៅថ្ងៃទី១ ពីម៉ោង ៦ល្ងាចដល់ម៉ោង៩កន្លះយប់ទេ ដែលក្រុមហ៊ុនរក្សាពេលវេលានេះទុកសម្រាប់ភ្ញៀងពិសេស (ប្រមាណជាង២០០នាក់) ដែលមានអ្នកជំនួញតូចធំគ្រប់វ័យ មន្ត្រីជាន់ខ្ពស់ អ្នកមុខអ្នការ និងភ្ញៀវពិសេស ដទៃទៀតត្រូវចូលរួមដោយមានការពិសាអាហារ និងភេសជ្ជៈ ព្រមទាំងការទស្សនានូវការសម្តែងក្បាច់រាំ ការប្រគុំតន្រី The Original Song និងការចាប់រង្វាន់ពិសេសៗទៀតផង៕
© រក្សាសិទ្ធិដោយ thmeythmey.com