ពីនេះ ពីនោះ
កំពីងពួយ ជាស្មៅម្យ៉ាងដែលសត្វជ្រូកចូលចិត្តស៊ី
× កំពីងពួយ គឺជាឈ្មោះស្មៅមួយប្រភេទដុះក្នុងទឹកបឹងត្រពាំង ច្រើនដុះលាយជាមួយដើមកញ្ឆែត មានដើមវារអណ្ដែតលើទឹកដូចកញ្ឆែតដែរ មានចុងដុះឡើងផុតពីទឹក។ គេប្រទះឃើញកំពីងពួយនៅគ្រប់ប្រទេស ក្នុងទ្វីបអាស៊ីផ្នែកក្ដៅ។ ចំពោះត្រួយខ្ចីៗ គេអាចយកមកបរិភោគជាបន្លែ។
ដោយឡែក ដើមទាំងមូលអាចប្រើជាចំណី សត្វជ្រូក ឬលាយបាយជ្រូក។ បន្ថែមពីនេះ នៅក្នុងក្បួនឱសថបុរាណ ស្លឹករបស់កំពីងពួយ គេតែងតែយកមកធ្វើជាថ្នាំព្យាបាល ជំងឺស្បែកក្បាល។ ចំណែកនៅប្រទេសជ្វា គេប្រើស្លឹកធ្វើជាថ្នាំបំពោកលើរបួសផ្សេងៗ៕
ដកស្រង់ពីសៀវភៅ៖ វចនានុក្រម ការប្រើប្រាស់រុក្ខជាតិក្នុងប្រទេសកម្ពុជា,រក្សាសិទ្ធិអ្នកគ្រូ ឌី ផុន
Tag:
រុក្ខជាតិនៅកម្ពុជា
© រក្សាសិទ្ធិដោយ thmeythmey.com