អន្តរជាតិ
រដ្ឋមន្ត្រីការបរទេសហ្វីលីពីន Perfecto Yasay ថ្លែងនាឱកាសមហាសន្និបាតលើកទី៧១ (រូបភាព UN)
×![]()
ដោយ: តន ចាន់រិទ្ធារ៉ា
ប្រមុខការទូតហ្វីលីពីន លោក Perfecto Yasay បាននិយាយការពារយុទ្ធនាការបង្ក្រាបគ្រឿងញៀនដ៏ចម្រូងចម្រាស់ របស់ប្រធានាធិបតី Rodrigo Duterte ដែលរងការរិះគន់ខ្លាំងពីអង្គការសហប្រជាជាតិ។ ហើយប្រមុខការទូតរូបនេះ ក៏បានប្រាប់ឲ្យអង្គការសហប្រជាជាតិ មិនត្រូវជ្រៀងជ្រែកកិច្ចរបស់ហ្វីលីពីនឡើយ។
ថ្លែងទៅកាន់កិច្ចប្រជុំប្រចាំឆ្នាំនៃមហាសន្និបាតអង្គការសហប្រជាជាតិ រដ្ឋមន្ត្រីក្រសួងការបរទេសហ្វីលីពីន លោក Perfecto Yasay បានច្រានចោលការរិះគន់ទាំងឡាយលើការបង្ក្រាបគ្រឿងញៀននៅហ្វីលីពីន។ ហើយលោកក៏និយាយដែរថា យុទ្ធនាការបង្ក្រាបគ្រឿងញៀនរបស់ប្រធានាធិបតី Rodrigo Duterte កំពុងត្រូវបានយល់ច្រឡំ ដ្បិតរឿងនេះកំពុងល្បីសុះសាយយ៉ាងខ្លាំង។
ថ្លែងក្នុងអង្គប្រជុំនៅថ្ងៃទី២៤ ខែកញ្ញា លោក Perfecto Yasay ក៏ទទូចឲ្យប្រទេសទាំងអស់ ក៏ដូចជាអង្គការសហប្រជាជាតិដែរនោះ អនុញ្ញាតឲ្យហ្វីលីពីនដោះស្រាយបញ្ហារបស់ខ្លួន ដោយគ្មានការលូកដៃអ្វីទាំងអស់។ លើសពីនោះ រដ្ឋមន្ត្រីការបរទេសហ្វីលីពីនរូបនេះ ក៏សង្កត់ធ្ងន់ពីគោលជំហររបស់ប្រធានាធិបតី Duterte ដែលប្រកាសគោរពសិទ្ធិមនុស្ស និងដំណើការស្វែងរកយុត្តិធម៌ ជុំវិញករណីគ្រឿងញៀននេះ។
លោក Perfecto Yasay បន្តថា យុទ្ធនាការរបស់យើងក្នុងការបោសសម្អាតឧក្រិដ្ឋកម្ម គ្រឿងញៀន ភាពគ្មានច្បាប់ទម្លាប់ គឺធ្វើឡើងស្របរដ្ឋធម្មនុញ្ញ ក៏ដូចជាច្បាប់អន្តរជាតិ សន្ធិសញ្ញានានា ដែលហ្វីលីពីនជាហត្ថលេខីមួយដែរនោះ។ លោកពន្យល់ថា រដ្ឋាភិបាលមិនដែលផ្ដល់អំណាចដល់ភ្នាក់ងារអនុវត្តច្បាប់ ឲ្យបាញ់ជនសង្ស័យពាក់ព័ន្ធឧក្រិដ្ឋកម្មគ្រឿងញៀនឡើយ ហើយប៉ូលិសមានសិទ្ធិសម្រាប់តែការបាញ់ការពារខ្លួនប៉ុណ្ណោះ។
ឆ្លៀតពេលនោះ រដ្ឋមន្ត្រីការបរទេសហ្វីលីពីន ក៏បញ្ជាក់ថា ការសម្លាប់ក្រៅប្រព័ន្ធតុលាការ គឺមិនមាននៅក្នុងសង្គមហ្វីលីពីន និងប្រព័ន្ធច្បាប់ហ្វីលីពីនដែរ។ នេះក៏ដោយសារតែការសម្លាប់ក្រៅប្រព័ន្ធតុលាការនេះហើយ ដែលជារឿងនាំឲ្យសហគមន៍អន្តរជាតិ ជាពិសេសអង្គការសហប្រជាជាតិ រិះគន់ខ្លាំងលើរដ្ឋាភិបាលហ្វីលីពីន ដ្បិតមនុស្សជាងបីពាន់នាក់ហើយ ត្រូវបានសម្លាប់ក្នុងប្រតិបត្តិការបង្ក្រាបគ្រឿងញៀននេះ។
កាលពីខែមុន អ្នកជំនាញអង្គការសហប្រជាជាតិពីរនាក់ បានបង្ហាញការព្រួយបារម្ភចំពោះប្រតិបត្តិការបង្ក្រាបគ្រឿងញៀនរបស់រដ្ឋាភិបាលហ្វីលីពីន និងលើសំណើសុំស៊ើបអង្កេតទៀតផង។ ការបង្ហាញការព្រួយបារម្ភនេះ ធ្វើឲ្យលោក Duterte ខឹងយ៉ាងខ្លាំង និងចាត់ទុកសំណើខាងលើនេះ ជាការលូកដៃចូលកិច្ចការផ្ទៃក្នុងរបស់ខ្លួន ហើយលោកក៏ប្រើពាក្យរិះគន់ខ្លាំងផងដែរ៕
ថ្លែងទៅកាន់កិច្ចប្រជុំប្រចាំឆ្នាំនៃមហាសន្និបាតអង្គការសហប្រជាជាតិ រដ្ឋមន្ត្រីក្រសួងការបរទេសហ្វីលីពីន លោក Perfecto Yasay បានច្រានចោលការរិះគន់ទាំងឡាយលើការបង្ក្រាបគ្រឿងញៀននៅហ្វីលីពីន។ ហើយលោកក៏និយាយដែរថា យុទ្ធនាការបង្ក្រាបគ្រឿងញៀនរបស់ប្រធានាធិបតី Rodrigo Duterte កំពុងត្រូវបានយល់ច្រឡំ ដ្បិតរឿងនេះកំពុងល្បីសុះសាយយ៉ាងខ្លាំង។
ថ្លែងក្នុងអង្គប្រជុំនៅថ្ងៃទី២៤ ខែកញ្ញា លោក Perfecto Yasay ក៏ទទូចឲ្យប្រទេសទាំងអស់ ក៏ដូចជាអង្គការសហប្រជាជាតិដែរនោះ អនុញ្ញាតឲ្យហ្វីលីពីនដោះស្រាយបញ្ហារបស់ខ្លួន ដោយគ្មានការលូកដៃអ្វីទាំងអស់។ លើសពីនោះ រដ្ឋមន្ត្រីការបរទេសហ្វីលីពីនរូបនេះ ក៏សង្កត់ធ្ងន់ពីគោលជំហររបស់ប្រធានាធិបតី Duterte ដែលប្រកាសគោរពសិទ្ធិមនុស្ស និងដំណើការស្វែងរកយុត្តិធម៌ ជុំវិញករណីគ្រឿងញៀននេះ។
លោក Perfecto Yasay បន្តថា យុទ្ធនាការរបស់យើងក្នុងការបោសសម្អាតឧក្រិដ្ឋកម្ម គ្រឿងញៀន ភាពគ្មានច្បាប់ទម្លាប់ គឺធ្វើឡើងស្របរដ្ឋធម្មនុញ្ញ ក៏ដូចជាច្បាប់អន្តរជាតិ សន្ធិសញ្ញានានា ដែលហ្វីលីពីនជាហត្ថលេខីមួយដែរនោះ។ លោកពន្យល់ថា រដ្ឋាភិបាលមិនដែលផ្ដល់អំណាចដល់ភ្នាក់ងារអនុវត្តច្បាប់ ឲ្យបាញ់ជនសង្ស័យពាក់ព័ន្ធឧក្រិដ្ឋកម្មគ្រឿងញៀនឡើយ ហើយប៉ូលិសមានសិទ្ធិសម្រាប់តែការបាញ់ការពារខ្លួនប៉ុណ្ណោះ។
ឆ្លៀតពេលនោះ រដ្ឋមន្ត្រីការបរទេសហ្វីលីពីន ក៏បញ្ជាក់ថា ការសម្លាប់ក្រៅប្រព័ន្ធតុលាការ គឺមិនមាននៅក្នុងសង្គមហ្វីលីពីន និងប្រព័ន្ធច្បាប់ហ្វីលីពីនដែរ។ នេះក៏ដោយសារតែការសម្លាប់ក្រៅប្រព័ន្ធតុលាការនេះហើយ ដែលជារឿងនាំឲ្យសហគមន៍អន្តរជាតិ ជាពិសេសអង្គការសហប្រជាជាតិ រិះគន់ខ្លាំងលើរដ្ឋាភិបាលហ្វីលីពីន ដ្បិតមនុស្សជាងបីពាន់នាក់ហើយ ត្រូវបានសម្លាប់ក្នុងប្រតិបត្តិការបង្ក្រាបគ្រឿងញៀននេះ។
កាលពីខែមុន អ្នកជំនាញអង្គការសហប្រជាជាតិពីរនាក់ បានបង្ហាញការព្រួយបារម្ភចំពោះប្រតិបត្តិការបង្ក្រាបគ្រឿងញៀនរបស់រដ្ឋាភិបាលហ្វីលីពីន និងលើសំណើសុំស៊ើបអង្កេតទៀតផង។ ការបង្ហាញការព្រួយបារម្ភនេះ ធ្វើឲ្យលោក Duterte ខឹងយ៉ាងខ្លាំង និងចាត់ទុកសំណើខាងលើនេះ ជាការលូកដៃចូលកិច្ចការផ្ទៃក្នុងរបស់ខ្លួន ហើយលោកក៏ប្រើពាក្យរិះគន់ខ្លាំងផងដែរ៕
© រក្សាសិទ្ធិដោយ thmeythmey.com
