អន្តរជាតិ
ប្រធានាធិបតីហ្វីលីពីន Rodrigo Duterte គ្រោងបំពេញទស្សនកិច្ចនៅវៀតណាមនៅចុងខែនេះ លោក Rodrigo Duterte (ស្តាំ) ក្នុងជំនួបជាមួយនាយករដ្ឋមន្ត្រីវៀតណាម លោក Nguyen Xuan Phuc នៅឡាវកន្លងមក
× លោកប្រធានាធិបតីហ្វីលីពីន Rodrigo Duterte គ្រោងបំពេញទស្សនកិច្ចនៅប្រទេសវៀតណាម ពីថ្ងៃទី២៨ ដល់ថ្ងៃទី២៩ ខែកញ្ញា។ នេះបើយោងតាមការផ្សាយរបស់ទីភ្នាក់ងារព័ត៌មានចិនស៊ីនហួរ ដែលបានដកស្រង់សម្តីសមាជិកជាន់ខ្ពស់ម្នាក់របស់រដ្ឋាភិបាលហ្វីលីពីន។
លោក Martin Andanar លេខាការិយាល័យទំនាក់ទំនងប្រធានាធិបតីហ្វីលីពីន បាននិយាយក្នុងបទសម្ភាសជាមួយវិទ្យុរដ្ឋថា លោក Duterte នឹងជួបជាមួយអ្នកជំនួយ រួមទាំងសហគមន៍ហ្វីលីពីន នាដំណើរទស្សនកិច្ចពីរថ្ងៃនៅវៀតណាម។
វៀតណាម នឹងក្លាយជាគោលដៅទីបីនៃដំណើរទស្សនកិច្ចរបស់លោក Duterte បន្ទាប់ពីលោកកាន់កាប់ដំណែងប្រធានាធិបតីនៅហ្វីលីពីន បន្ទាប់ពីឥណ្ឌូនេស៊ី និងឡាវ ដែលលោកបានចូលរួមកិច្ចប្រជុំកំពូលអាស៊ានកាលពីដើមខែកន្លងមក។ ជប៉ុននឹងក្លាយជាគោលដៅបន្ទាប់នៃដំណើរទស្សនកិច្ចរបស់មេដឹកនាំហ្វីលីពីន រូបនេះ៕
Tag:
Duterte
ហ្វីលីពីន
វៀតណាម
© រក្សាសិទ្ធិដោយ thmeythmey.com