ជាតិ
នយោបាយជាតិ
ប្រធានស្តីទីបក្សប្រឆាំង អំពាវនាវឲ្យមន្ត្រីបក្ស បញ្ចៀសការប្រើពាក្យសម្ដីអសុរោះ ដែលប៉ះពាល់នយោបាយ
×![]()
ដោយ: ធឿន បញ្ញាឬទិ្ធ
ភ្នំពេញ៖ ប្រធានស្តីទីគណបក្សសង្គ្រោះជាតិ ឯកឧត្តម កឹម សុខា បានអំពាវនាវឲ្យមន្ត្រីបក្សខ្លួនទាំងអស់ បញ្ចៀសការប្រើប្រាស់ពាក្យសម្តីអសុរោះ វាយប្រហារគ្នា ដែលបង្កឲ្យមានបរិយាកាសនយោបាយកាន់តែអាប់អួល និងអូសបន្លាយពេលយូរអង្វែងទៀត។
ឯកឧត្តម កឹម សុខា ដែលហាក់បង្ហាញជំហចង់ចរចាដោះស្រាយនយោបាយ ជាមួយគណបក្សកាន់អំណាចនោះ បានសរសេរលើហ្វេសប៊ុកខ្លួនកាលពីថ្ងៃទី២៥ កញ្ញា យ៉ាងដូច្នេះថា៖«ខ្ញុំសូមអំពាវ នាវជាថ្មីម្តងទៀត ជាពិសេសដល់ថ្នាក់ដឹកនាំគ្រប់លំដាប់ថ្នាក់និងសកម្មជនរបស់គណបក្សសង្គ្រោះជាតិ សូមចៀសវាងការប្រើអំពើហិង្សា ឬពាក្យអសុរោះ ឬពាក្យវាយប្រហារគ្នាដែលនាំឲ្យប៉ះពាល់ដល់បរិយាកាសនៃពិធីបុណ្យប្រពៃណីជាតិនេះ និងប៉ះពាល់ដល់បរិយាកាសនយោបាយយូរអង្វែង ទៅមុខទៀតផង។ខ្ញុំសូមបួងសួងឲ្យក្រុមគ្រួសារខ្មែរគ្រប់រូបបានជួបជុំគ្នាដោយសប្បាយរីករាយ និងក៏សូមឲ្យគ្រួសារនយោបាយ ខ្មែរបានជួបជុំគ្នាដោះស្រាយ បញ្ហាជាតិ និងប្រជាពលរដ្ឋខ្មែរជាមួយគ្នាផងដែរ»។
ការអំពាវរបស់ឯកឧត្តម កឹម សុខា នេះធ្វើក្រោយពីសម្ដេចនាយករដ្ឋមន្ត្រី ហ៊ុន សែន ប្រកាសមិនឆ្លងឆ្លើយនយោបាយអ្វីឡើយនៅក្នុងបរិបទបុណ្យភ្ជុំបិណ្ឌនេះ ដោយសម្ដេច បញ្ជាក់ថា «ខ្ញុំចង់ឲ្យសភាពការណ៍ស្ងប់ស្ងាត់» ។ ថ្លែងចំពោះមុខនិស្សិតជាង១ពាន់នាក់នៅសណ្ឋាគារសុខា កាលពីថ្ងៃទី២២ កញ្ញា ប្រមុខរដ្ឋាភិបាល បានលើកឡើងថា ស្ថានការណ៍ស្ងប់ស្ងាត់ក្នុងឱកាសភ្ជុំបិណ្ឌនេះ គឺជារឿងល្អ ដែលគួរតែនាំគ្នាទៅវត្ត ធ្វើបុណ្យទាំងអស់គ្នា ក្រោយពីសម្ដេច ហ៊ុន សែន បញ្ចេញសម្តីលាយឡំពី«បទឈប់បាញ់» គ្នានៅក្នុងថ្ងៃភ្ជុំបិណ្ឌនេះ។ ប៉ុន្តែ«បទឈប់បាញ់» នេះ លោកនាយករដ្ឋមន្ត្រី ហ៊ុន សែន មិនបានបញ្ជាក់ន័យឲ្យច្បាស់នោះទេ ដោយសម្ដេច បន្ថែមថា លោករង់ចាំមើលថា តើអ្នកណាជាអ្នកចាប់ផ្ដើមមុន។
សម្រាប់អ្នកវិភាគនយោបាយវិញយល់ថា អ្នកនយោបាយគណបក្សជាប់ឆ្នោតមានអាសនក្នុងរដ្ឋសភាទាំងពីរ គួរតែចូលតុចរចាដោយសម្បទានគ្នាទៅវិញទៅមក តាមរយៈវប្បធម៌សន្ទនា ដើម្បីបញ្ចប់ជម្លោះនយោបាយ ហើយងាកមករកដំណោះស្រាយជូនប្រជាពលរដ្ឋ និងគិតពីផលប្រយោជន៍ជាតិជាធំវិញ៕
ឯកឧត្តម កឹម សុខា ដែលហាក់បង្ហាញជំហចង់ចរចាដោះស្រាយនយោបាយ ជាមួយគណបក្សកាន់អំណាចនោះ បានសរសេរលើហ្វេសប៊ុកខ្លួនកាលពីថ្ងៃទី២៥ កញ្ញា យ៉ាងដូច្នេះថា៖«ខ្ញុំសូមអំពាវ នាវជាថ្មីម្តងទៀត ជាពិសេសដល់ថ្នាក់ដឹកនាំគ្រប់លំដាប់ថ្នាក់និងសកម្មជនរបស់គណបក្សសង្គ្រោះជាតិ សូមចៀសវាងការប្រើអំពើហិង្សា ឬពាក្យអសុរោះ ឬពាក្យវាយប្រហារគ្នាដែលនាំឲ្យប៉ះពាល់ដល់បរិយាកាសនៃពិធីបុណ្យប្រពៃណីជាតិនេះ និងប៉ះពាល់ដល់បរិយាកាសនយោបាយយូរអង្វែង ទៅមុខទៀតផង។ខ្ញុំសូមបួងសួងឲ្យក្រុមគ្រួសារខ្មែរគ្រប់រូបបានជួបជុំគ្នាដោយសប្បាយរីករាយ និងក៏សូមឲ្យគ្រួសារនយោបាយ ខ្មែរបានជួបជុំគ្នាដោះស្រាយ បញ្ហាជាតិ និងប្រជាពលរដ្ឋខ្មែរជាមួយគ្នាផងដែរ»។
ការអំពាវរបស់ឯកឧត្តម កឹម សុខា នេះធ្វើក្រោយពីសម្ដេចនាយករដ្ឋមន្ត្រី ហ៊ុន សែន ប្រកាសមិនឆ្លងឆ្លើយនយោបាយអ្វីឡើយនៅក្នុងបរិបទបុណ្យភ្ជុំបិណ្ឌនេះ ដោយសម្ដេច បញ្ជាក់ថា «ខ្ញុំចង់ឲ្យសភាពការណ៍ស្ងប់ស្ងាត់» ។ ថ្លែងចំពោះមុខនិស្សិតជាង១ពាន់នាក់នៅសណ្ឋាគារសុខា កាលពីថ្ងៃទី២២ កញ្ញា ប្រមុខរដ្ឋាភិបាល បានលើកឡើងថា ស្ថានការណ៍ស្ងប់ស្ងាត់ក្នុងឱកាសភ្ជុំបិណ្ឌនេះ គឺជារឿងល្អ ដែលគួរតែនាំគ្នាទៅវត្ត ធ្វើបុណ្យទាំងអស់គ្នា ក្រោយពីសម្ដេច ហ៊ុន សែន បញ្ចេញសម្តីលាយឡំពី«បទឈប់បាញ់» គ្នានៅក្នុងថ្ងៃភ្ជុំបិណ្ឌនេះ។ ប៉ុន្តែ«បទឈប់បាញ់» នេះ លោកនាយករដ្ឋមន្ត្រី ហ៊ុន សែន មិនបានបញ្ជាក់ន័យឲ្យច្បាស់នោះទេ ដោយសម្ដេច បន្ថែមថា លោករង់ចាំមើលថា តើអ្នកណាជាអ្នកចាប់ផ្ដើមមុន។
សម្រាប់អ្នកវិភាគនយោបាយវិញយល់ថា អ្នកនយោបាយគណបក្សជាប់ឆ្នោតមានអាសនក្នុងរដ្ឋសភាទាំងពីរ គួរតែចូលតុចរចាដោយសម្បទានគ្នាទៅវិញទៅមក តាមរយៈវប្បធម៌សន្ទនា ដើម្បីបញ្ចប់ជម្លោះនយោបាយ ហើយងាកមករកដំណោះស្រាយជូនប្រជាពលរដ្ឋ និងគិតពីផលប្រយោជន៍ជាតិជាធំវិញ៕
Tag:
កឹម សុខា
© រក្សាសិទ្ធិដោយ thmeythmey.com
